agriculture news in Marathi, There will be fourteen hundreds agricultural laborers in Latur division | Agrowon

लातूर विभागात होणार चौदाशे शेतीशाळा
हरी तुगावकर
गुरुवार, 25 एप्रिल 2019

लातूर ः या वर्षीपासून शेतकऱ्यांच्या शेतावर शेतीशाळा घेण्याचा उपक्रम कृषी विभागाच्या माध्यमातून राबविला जाणार आहे. लातूर विभागात असलेल्या पाच जिल्ह्यांत चौदाशे कार्यशाळा घेण्यात येणार आहेत. या कार्यशाळेतून प्रत्येक गावातील २५ शेतकऱ्यांना सोयाबीन, तूर, कापूस या पिकांत तज्ज्ञ बनविले जाणार आहे. या संदर्भात येथे विभागीय कार्यशाळा घेण्यात आली.

लातूर ः या वर्षीपासून शेतकऱ्यांच्या शेतावर शेतीशाळा घेण्याचा उपक्रम कृषी विभागाच्या माध्यमातून राबविला जाणार आहे. लातूर विभागात असलेल्या पाच जिल्ह्यांत चौदाशे कार्यशाळा घेण्यात येणार आहेत. या कार्यशाळेतून प्रत्येक गावातील २५ शेतकऱ्यांना सोयाबीन, तूर, कापूस या पिकांत तज्ज्ञ बनविले जाणार आहे. या संदर्भात येथे विभागीय कार्यशाळा घेण्यात आली.

शेतकऱ्यांच्या शेतावर जाऊन त्यांना या उपक्रमांत प्रशिक्षण दिले जाणार आहे. लातूर विभागात असलेल्या लातूर, उस्मानाबाद, नांदेड, हिंगोली व परभणी या पाच जिल्ह्यांत एक हजार ४११ शेतीशाळा घेण्याचे नियोजन करण्यात आले आहे. या निमित्ताने येथे घेण्यात आलेल्या कार्यशाळेला प्रमुख पाहुणे म्हणून विभागीय कृषी सहसंचालक टी. एन. जगताप, विभागीय अधीक्षक कृषी अधिकारी डी. जी. मूळे, वसंतराव नाईक मराठवाडा कृषी विद्यापीठ परभणीचे शास्त्रज्ञ प्रा. अरुण गुट्टे अरुण, प्रा. आरबवाड, जिल्हा अधीक्षक कृषी अधिकारी संतोष आळसे (लातूर), उमेश घाटगे (उस्मानाबाद), व्ही. डी. लोखंडे (हिंगोली), विजयकुमार पाटील (परभणी), आर. टी. सुखदेव (नांदेड) हे उपस्थित होते.

या वेळी श्री. जगताप यांनी शेतीशाळा संकल्पना व पाच जिल्ह्यांत शेतीशाळा अंमलबजावणी बाबत नियोजन करण्याच्या सूचना केल्या. उपस्थित अधिकारी कर्मचाऱ्यांना शेतकऱ्यांचे लागवड खर्च कमी करुन निव्वळ नफा वाढविण्याच्या दृष्टीने कार्यक्रम राबवावा, असे आवाहन केले.  श्री. मुळे यांनी शेतीशाळा संकल्पना सादरीकरणाद्वारे मांडली. अभ्यासक्रम व वेळापत्रक तसेच जिल्हास्तरीय कार्यशाळेचे आयोजन करून पाचही जिल्ह्यांतील सर्व कृषी सहायक व कृषी पर्यवेक्षक यांना प्रशिक्षित करून गावातील शेतकऱ्यांना पीकनिहाय शेतीशाळेतून प्रत्यक्ष बांधावर प्रक्षेत्रावर जाऊन तंत्रज्ञान पोचविण्याच्या सूचना त्यांनी केल्या. 

सोयाबीन, तूर व कापूस पिकाचे लागवडीपासून काढणीपर्यंतचे तंत्रज्ञानाची माहिती श्री. गुट्टे यांनी दिली. प्रा. आरबवाड यांनी सोयाबीन, तूर, कापूस या पिकावर आढळणाऱ्या कीडी व रोगांची ओळख व नियंत्रण याबाबत मार्गदर्शन केले. कार्यक्रमाचे सूत्रसंचालन विभागीय समन्वयक सूभाष चोले यांनी केले. तर कृषी अधिकारी एस. डी. राठोड यांनी आभार मानले. कार्यक्रम यशस्विततेसाठी सुनील देवकांबळे, कृषी पर्यवेक्षक विकास थोरात, कृषी सहायक सूर्यकांत लोखंडे, ज्ञानेश्वर शिंदे, राजू जाधव, दिनेश कंदले यांनी पुढाकार घेतला.

लातूर विभागातील शेतीशाळांची संख्या पुढीलप्रमाणे
जिल्हा शेतीशाळांची संख्या
लातूर ३१५
उस्मानाबाद २९६
नांदेड ३८०
परभणी २५६
हिंगोली १६४
एकूण १४११

 

इतर बातम्या
कान्हूरपठार, करंदी परिसरात वादळी वा-...टाकळी ढोकेश्वर, जि. नगर  ः पारनेर...
वर्धा : रोजगारासाठी स्थलांतरामुळे गावं...वर्धा : शेतीपूरक दुग्ध व्यवसायाच्या माध्यमातून...
गावाेगावी पाण्याच्या टॅंकरकडं नजरानगरः तलाव, धरणं कोरडी पडली. कधीच आटल्या नाहीत,...
सेंद्रिय पशुपालन पक्ष्यांच्या...फिनलँड येथील युनिव्हर्सिटी ऑफ हेलसिंकी येथील...
शिकारीमुळे स्थानिक अन्नसुरक्षेवर होतोय...वर्षावनातील जंगलांमध्ये मोठ्या प्रमाणात होत...
नाशिकला डोंगराची काळी मैना विक्रीसाठी...नाशिक : आदिवासी भागात सध्या मोठ्या प्रमाणावर...
सिन्नर तालुक्यातील छावण्यांमध्ये १०९४...नाशिक : नाशिक जिल्ह्यात गेल्या महिण्याभरापासून...
सावळी मोहितकर ग्रामस्थांनी लोकवर्गणीतून...नागपूर ः शासन, प्रशासन आणि लोकप्रतिनिधी स्तरावर...
हळदीला १० हजार रुपये क्विंटल हमीभाव...नांदेड : राज्य आणि केंद्र सरकारने हमीभावाच्या...
यवतमाळ जिल्ह्यात अधिग्रहित विहिरींना...उमरखेड, यवतमाळ ः पाणीटंचाई निवारण्यासाठी म्हणून...
चिखलीतील तेल्हारा धरणाच्या गेटदुरुस्तीस...बुलडाणा ः पाटबंधारे विभागांतर्गत असलेल्या चिखली...
हिंगोली : टॅंकरद्वारे ५६ हजार...हिंगोली : जिल्ह्यातील पाणीटंचाईची समस्या गंभीर...
अंबाबरवा अभयारण्यात चार वाघांचे दर्शनअकोला ः मेळघाट व्याघ्र प्रकल्पांतर्गत येत...
गंगापुरात बनावट खतसाठा जप्तऔरंगाबाद : जिल्ह्यातील गंगापूर येथील एका खत...
सहकार आयुक्तालयातील नियुक्त्यांचे घोळ...पुणे  : दुष्काळ, कर्जमाफी आणि घसरलेले...
चारा, पाण्याची व्यवस्था करा : आमदार...सांगोला, जि. सोलापूर  : राज्यात दुष्काळी...
संत्रा बाग वाळल्याने नयाखेडा येथील...अमरावती ः चार बोअरवेल घेतले, इतरांच्या...
गाळ उपसण्यासाठी गावकऱ्यांचे ‘एकीचे बळ'संगमेश्‍वर, जि. रत्नागिरी : ‘एकीचे बळ मिळते फळ’...
सोलापूर, माढ्याचा निकाल उशिरासोलापूर : लोकसभा निवडणुकीची मतमोजणी गुरुवारी...
झाडावर नाही, काळजावर घाव पडतात नगर ः ‘‘दहा वर्षांपूर्वी संत्र्याची लागवड केली...