‘पेंच’ लाभक्षेत्रातील शेतकऱ्यांना १३ हजार सिंचन विहिरी

‘पेंच’ लाभक्षेत्रातील शेतकऱ्यांना १३ हजार सिंचन विहिरी
‘पेंच’ लाभक्षेत्रातील शेतकऱ्यांना १३ हजार सिंचन विहिरी

नागपूर : मध्य प्रदेशातील चौराई प्रकल्पामुळे पेंच प्रकल्पाच्या पाणीसाठ्यात मोठ्या प्रमाणात घट झाल्यामुळे पेंच प्रकल्पाच्या लाभक्षेत्रातील शेतकऱ्यांच्या सिंचनावर परिणाम झाला आहे. त्याची दखल घेत प्रथमच लाभक्षेत्रातील शेतकऱ्यांसाठी १३ हजार सिंचन विहिरींचा कार्यक्रम राबविण्यात येईल, अशी घोषणा पालकमंत्री चंद्रशेखर बावनकुळे यांनी केली.  विभागातील पेंच लाभक्षेत्राअंतर्गत येणाऱ्या नागपूर व भंडारा जिल्ह्यातील शेतकऱ्यांना धडक सिंचन विहिरींचा सर्वाधिक लाभ होणार असून विभागातील गोंदिया, गडचिरोली, आणि वर्धा जिल्ह्यासाठी दोन टप्प्यात हा कार्यक्रम राबविण्यात येणार आहे. या कार्यक्रमासंदर्भातील शासन निर्णय निर्गमित करण्यात आला आहे. विभागात घेण्यात आलेल्या १३ हजार सिंचन विहिरींच्या धडक कार्यक्रमाअंतर्गत पहिल्या टप्प्यात १० हजार तर दुसऱ्या टप्प्यात तीन हजार विहिरी पूर्ण करण्यात येणार आहेत. नागपूर जिल्ह्यात पेंच लाभक्षेत्रासाठी ४ हजार ५०० तर इतर शेतकऱ्यांसाठी ५०० विहिरी बांधण्यात येणार आहेत. भंडारा जिल्ह्यातील पेंच लाभक्षेत्रातील ८०० व इतर क्षेत्रातील ७०० अशा दीड हजार विहिरींचा लक्षांक असून सर्व धडक सिंचन विहिरी ऑनलाइन पद्धतीने अर्ज मागवून मंजूर करण्यात येणार आहेत.  विहीर मंजूर करताना लाभक्षेत्रातील पाच एकरांपर्यंत शेती असणाऱ्या शेतकऱ्यांचा प्राधान्याने विचार केला जाईल. पाच ते दहा एकर शेती असणाऱ्यांनाही योजनेचा लाभ देण्यात येणार आहे. जिल्ह्यातील सुमारे २ लाख शेतकऱ्यांना योजनेचा लाभ होईल, अशी माहितीही त्यांनी दिली. वेस्टर्न कोल्डफिल्डच्या खाणीमधून वाहून जाणारे पाणी पेंच प्रकल्पामध्ये जमा करण्याच्या दृष्टीने बाराशे कोटी रुपयांचा आराखडा राबविण्यात येत असल्याची माहितीही त्यांनी आढावा बैठकीत दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com