कर्जमाफीसाठी परभणीतून सव्वातीन लाख शेतकऱ्यांची नोंदणी

संग्रहित छायाचित्र
संग्रहित छायाचित्र

परभणी : छत्रपती शिवाजी महाराज शेतकरी सन्मान योजनेअंतर्गत शुक्रवार (ता.२२) पर्यंत परभणी जिल्ह्यातील ३ लाख ३४ हजार २४५ शेतकऱ्यांनी आॅनलाइन नोंदणी केली आहे. आॅनलाइन अर्जासाठी मुदत वाढ दिल्यामुळे १८ हजार २४३ शेतकऱ्यांना नोंदणी करता आली, असे जिल्हा उपनिबंधक कार्यालयातील सूत्रांनी सांगितले.

कर्जमाफीसाठी आॅनलाइन अर्ज भरण्यासाठी सुरवातीला देण्यात आलेल्या १५ सप्टेंबरपर्यंतच्या मुदतीमध्ये जिल्ह्यातील ३ लाख १६ हजार शेतकऱ्यांनी नोंदणी केली, तर १ लाख ७३ हजार शेतकऱ्यांनी अर्ज भरले होते; परंतु आॅनलाइन अर्ज भरू न शकलेले शेतकरी कर्जमाफीपासून वंचित राहण्याची शक्यता निर्माण झाल्यानंतर शुक्रवार (ता.२२) पर्यंत ७ दिवसांची मुदत वाढ देण्यात आली.

या वाढीव कालावधीत १८ हजार २४३ शेतकऱ्यांनी आॅनलाइन नोंदणी केली आहे. त्यामुळे शुक्रवार (ता.२२) अखेर कर्जमाफीसाठी आॅनलाइन नोंदणी करणाऱ्या शेतकऱ्यांची संख्या ३ लाख ३४ हजार २४५ एवढी झाली आहे.

एकूण १ लाख ८० हजार ९४० शेतकरी कुटुंबांनी अर्ज भरले आहेत. यापैकी १ लाख ७७ हजार ५२६ शेतकऱ्यांनी अर्जासोबतच आधार कार्ड जोडलेले आहे. तसेच ३ हजार ४१४ शेतकऱ्यांनी आधार कार्डाविना अर्ज केले आहेत.

या अर्जांची तालुकास्तरीय समिती, जिल्हास्तरीय समितीमार्फत छाननी केली जाणार आहे. आॅनलाइन यादीच्या प्रिंट काढून प्रत्येक गावात जाऊन चावडीवाचन केले जाणार आहे. यानंतर कर्जमाफीसाठी पात्र शेतकऱ्यांची संख्या स्पष्ट होणार आहे, असे सूत्रांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com