agriculture news in marathi, Three more deaths in Yavatmal poisoning case | Agrowon

यवतमाळ विषबाधा प्रकरणी आणखी तिघांचा मृत्यू
विनोद इंगोले
सोमवार, 2 ऑक्टोबर 2017

यवतमाळ : कीडनाशक फवारणी दरम्यान बाधित झालेल्या तीन शेतकरी, शेतमजुरांचा रविवारी (ता. १) उपचारादरम्यान मृत्यू झाला. तिघांच्या मृत्यूमुळे या घटनेत मृत्युमुखी पडलेल्यांची संख्या आता १८ वर पोचली आहे. तसेच, २५ जणांची दृष्टी बाधित झाली आहे.

कपाशीवर या वर्षी मोठ्या प्रमाणात कीड-रोगांचा प्रादुर्भाव झाला आहे. एेन हाताशी आलेले हे पीक कीड-रोगाच्या परिणामी हातून जाण्याची स्थिती निर्माण झाल्याने शेतकऱ्यांनी पीक वाचविण्यासाठी धडपड चालविली आहे. त्याकरिता पिकावर कीडनाशकांची फवारणी केली जात आहे.

यवतमाळ : कीडनाशक फवारणी दरम्यान बाधित झालेल्या तीन शेतकरी, शेतमजुरांचा रविवारी (ता. १) उपचारादरम्यान मृत्यू झाला. तिघांच्या मृत्यूमुळे या घटनेत मृत्युमुखी पडलेल्यांची संख्या आता १८ वर पोचली आहे. तसेच, २५ जणांची दृष्टी बाधित झाली आहे.

कपाशीवर या वर्षी मोठ्या प्रमाणात कीड-रोगांचा प्रादुर्भाव झाला आहे. एेन हाताशी आलेले हे पीक कीड-रोगाच्या परिणामी हातून जाण्याची स्थिती निर्माण झाल्याने शेतकऱ्यांनी पीक वाचविण्यासाठी धडपड चालविली आहे. त्याकरिता पिकावर कीडनाशकांची फवारणी केली जात आहे.

पिकाची उंची सहा फुटांपेक्षा अधिक झाली, त्यातच शेतकऱ्यांनी लागवडीच्यावेळी शिफारशीत अंतरापेक्षा कमी अंतरावर कपाशीची लागवड केली. परिणामी या दाट झाडांमध्ये फवारणी करताना शेतमजुरांच्या शरीरात विषाचा अंश उतरतो. नाकावाटे तसेच घामावाटे विष शरीरात भिनते, असा निष्कर्ष काढण्यात आला आहे.

शासकीय यंत्रणेचे दुर्लक्ष?
जिल्ह्यात मे महिन्यापासून फवारणीमुळे विषबाधा झालेल्या शेतकऱ्यांवर उपचार सुरू होते. यातील काही शेतकऱ्यांचा यादरम्यान मृत्यूही झाला. सुरवातीला हे प्रमाण कमी असल्याने शासकीय यंत्रणेने याकडे दुर्लक्ष केले. रविवारी विषबाधितांची संख्या ५६० वर पोचली आहे. त्यासोबतच मृतांचा आकडादेखील १८ वर पोचला आहे.

रविवारी (ता. १) मारेगाव तालुक्‍यातील पिसगाव येथील शेतमजूर शंकर आगलावे (वय ५०) यांचा नागपूर येथे उपचारादरम्यान मृत्यू झाला. वणी तालुक्‍यातील आमलोण येथील दत्तात्रेय गजानन टेकाम (वय ३५) यांचा वणी येथील सुगम हॉस्पिटलमध्ये मृत्यू झाल्याची नोंद आहे. कळंब तालुक्‍यातील सावरगाव येथील नामदेव फुलमाळी यांचा यवतमाळ येथील वसंतराव नाईक शासकीय रुग्णालयात मृत्यू झाला. विशेष म्हणजे या घटनांमध्ये २५ जणांची दृष्टी बाधित झाली आहे.

उशिरा सुचलेले शहाणपण
प्रशासकीय यंत्रणा आणि कृषी विभाग विषबाधित शेतकरी, शेतमजुरांना वाचविण्यासाठी प्रयत्न करण्याचा आव आणत आहे. त्याअंतर्गत बैठकांचे सत्र सुरू आहे. विशेष म्हणजे रविवारी (ता. १) देखील प्रशासकीय यंत्रणेकडून जागृती करण्यात आली. मात्र, हे उशिरा सुचलेले शहाणपण असल्याचे शेतकऱ्यांचे म्हणणे आहे. फवारणीदरम्यान सुरक्षेकडे दुर्लक्ष, तंबाखू खाण्याच्यावेळी हातदेखील न धुणे, तसेच दाट झाडांमध्ये फवारणी करताना शेतमजुरांच्या नाकावाटे, घामावाटे विष शरीरात भिनते, असे अनेक निष्कर्ष या पार्श्‍वभूमीवर मांडले गेले आहेत.

इतर अॅग्रो विशेष
आश्‍वासनानंतर कडू यांचे विमा आंदोलन...पुणे : फळ पीकविमा योजनेतील गलथानपणामुळे...
वैशिष्ट्यपूर्ण, मूल्यवर्धित उत्पादनांत...औरंगाबाद येथील सौ. मनीषा संतोष चव्हाण यांनी...
मुंबईमध्ये शेतकरी ते ग्राहक सेंद्रिय...नाशिक : सिन्नर तालुक्यात दुष्काळी परिस्थिती...
अकोली जहाॅंगीर येथे एचटीबीटी...अकोला ः देशात प्रतिबंधित असलेले एचटीबीटी कापूस...
कर्नाटक आगमनानंतर, मॉन्सूनच्या...पुणे : अरबी समुद्रातील ‘वायू’ चक्रीवादळामुळे...
सांगली जिल्ह्यात बेदाणा उत्पादनात वाढ,...सांगली ः बेदाणा निर्मितीसाठी प्रतिकूल वातावरण...
तिसऱ्या दिवशीही समुद्राला उधाणसिंधुदुर्ग : वायुवादळामुळे समुद्राला आलेले...
खरीप हंगामासाठी भेंडीची नवी जातचिपळूण ः दापोली येथील डॉ. बाळासाहेब सावंत कोकण...
कोकणात बरसणार पूर्वमोसमीच्या सरीपुणे : ‘वायू’ चक्रीवादळाच्या प्रभावामुळे कोकणात...
दुष्काळ सांगतो ‘जपून वापरा पाणी’हवामानाच्या नुकत्याच व्यक्‍त झालेल्या अंदाजानुसार...
‘असर’दार शिक्षणासाठी...कृषी पदवीधर आता माध्यमिक शिक्षकांच्या नोकरीसाठी...
मॉन्सूनची दक्षिण कर्नाटकपर्यंत चालपुणे : अरबी समुद्रातील ‘वायू’ चक्रीवादळामुळे...
गुजरातवरील ‘वायू' संकट तूर्त टळलेअहमदाबाद/ नवी दिल्ली : गुजरात किनाऱ्याच्या दिशेने...
मोगरा शेतीतून दरवळला यशाचा सुगंध...ॲग्रोवनमध्ये मोगरा शेतीची यशकथा वाचून कवठेमहांकाळ...
‘राजवाडी पॅटर्न’द्वारे शंभर एकर जमीन...पावसाळ्यात भरपूर पाऊस, उन्हाळ्यात पाण्याचे...
छत्रपती शाहू महाराज यांनी...कागल, जि. कोल्हापूर ः महाराष्ट्रात राजर्षी शाहू...
राज्यात तुरळक ठिकाणी पावसाचा अंदाज पुणे ः अरबी समुद्रात धुमाकूळ घालणाऱ्या वायू...
'पशुसंवर्धन'मध्ये अखेर नव्याने बदल्यानागपूर ः विश्‍वासात न घेताच बदल्या केल्याचा ठपका...