agriculture news in marathi, tomato plantation start in pune district, maharashtra | Agrowon

पुणे जिल्ह्यात टोमॅटो लागवडीस प्रारंभ
टीम अॅग्रोवन
शनिवार, 17 मार्च 2018
मी दरवर्षी साधारणपणे तीन ते चार एकरांवर टोमॅटोची लागवड करतो. यंदाही १५ एप्रिलनंतर लागवड करणार आहे. चालूवर्षी देखील सुमारे तीन ते चार एकरांवर लागवडीचे नियोजन आहे. 
- रघुनाथ शिंदे, शेतकरी, खैरेनगर, ता. शिरूर, जि. पुणे.
पुणे : जिल्ह्यातील अनेक भागांतील शेतकऱ्यांनी गेल्या आठ दिवसांपासून टोमॅटो पीक लागवडीस सुरवात केली आहे. दरवर्षीप्रमाणेच यंदाही टोमॅटोच्या क्षेत्रात वाढ होण्याची शक्‍यता आहे. 
 
टोमॅटो पिकाची लागवड तीनही हंगामात करता येते. खरीप हंगामासाठी जून ते जुलै, रब्बी हंगामासाठी सप्टेंबर ते ऑक्‍टोबर आणि उन्हाळी हंगामासाठी डिसेंबर ते जानेवारी या महिन्यात लागवड होते. साधारणपणे २५ ते ३० दिवसांनंतर रोपे लागवडीस येतात. त्यानंतर रोपांची शेतात लागवड केली जाते. मात्र, जिल्ह्यातील शेतकऱ्यांना पुणे, मुंबई या शहरातील बाजारपेठ जवळ असल्याने अनेक शेतकरी वर्षभर टोमॅटोचे पीक घेतात.
 
जिल्ह्यात प्रामुख्याने मार्च ते एप्रिल महिन्यात टोमॅटो लागवडीवर अधिक भर दिला जातो. त्यामुळे या टोमॅटोला चांगला दर मिळतो असा शेतकऱ्यांचा अनुभव आहे. सध्या बाजारात टोमॅटोचे दर अपेक्षित नाहीत. त्यामुळे काही प्रमाणात टोमॅटो उत्पादकांना तोटा सहन करावा लागत आहे. मात्र, आता लागवड केलेल्या टोमॅटोला जून ते जुलै महिन्यात चांगले दर मिळतील अशी अपेक्षा शेतकऱ्यांना आहे. 
 
जिल्ह्यात उत्तरेकडील खेड, आंबेगाव, जुन्नर हे तीन तालुके टोमॅटोचे आगार म्हणून ओळखले जातात. याशिवाय शिरूर, बारामती, इंदापूर, दौड, पुरंदर भागातील अनेक शेतकरी टोमॅटोचे पीक घेतात. तसेच मावळ, मुळशी, भोर, वेल्हा तालुक्‍यात अल्प प्रमाणात शेतकरी टोमॅटो पीक घेऊ लागले आहेत.
 
गेल्या काही वर्षांपासून खेड, आंबेगाव, जुन्नर भागातील अनेक शेतकरी प्लॅस्टिक मल्चिंगचा वापर करून टोमॅटो पीक घेत असल्यामुळे उत्पादनात चांगली वाढ होत असल्याचे शेतकरी सांगू लागले आहे. अखिल भारतीय भाजीपाला उत्पादक संघाचे अध्यक्ष श्रीराम गाढवे म्हणाले, की जिल्ह्यात दरवर्षी मोठ्या प्रमाणात शेतकरी टोमॅटोची लागवड करतात. मात्र, मार्च, एप्रिल महिन्यात लागवड केलेल्या टोमॅटोला चांगला दर मिळतो. त्यामुळे या भागातील अनेक शेतकरी या महिन्यात लागवडीला अधिक प्राधान्य देतात. 

 

इतर ताज्या घडामोडी
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...
सरकार `एफआरपी`साठी बांधिल, जादा दरासाठी...सोलापूर   ः ऊसदराच्या आंदोलनाने राज्यभर...
सोयापदार्थाच्या साह्याने कुपोषणाशी...कुपोषणाच्या समस्येशी सामना करण्यासाठी...
गिरणा धरणाचे पाणी जळगाव हद्दीत पोचलेजळगाव : रब्बी हंगामासाठी हतनूर धरणातून तीन, तर...
मालेगाव, सिन्नरसह आठ तालुक्यांत चारा...नाशिक : नाशिक जिल्ह्यात पावसाचे प्रमाण अत्यंत कमी...
परभणीत चारा, वैरणीच्या दरात सुधारणा परभणी : जिल्ह्यात उद्भवलेल्या दुष्काळी...
‘भीमा'तर्फे प्रतिटन शंभर रुपयांचे वाटपसोलापूर : टाकळी सिकंदर (ता. मोहोळ) येथील भीमा...
साताऱ्यात प्रतिदहा किलो वाटाण्यास १२००...सातारा : येथील कृषी उत्पन्न बाजार समितीत मंगळवारी...
खोटी आकडेवारी दाखवून गाळप परवाने घेतले...पुणे   : शेतकऱ्यांना `एफआरपी` दिल्याचे...
वाशीम जिल्ह्यात रब्बीची २४ टक्के पेरणीवाशीम   ः जिल्हा प्रशासनाला रब्बी हंगामातील...
नगरमध्ये गहू, हरभरा पिकांचे १५ हजार...नगर   ः जिल्ह्यात कृषी विभागाच्या विविध...
पुणे जिल्ह्यात पंधरा दिवसांत पाणीसाठा...पुणे : दुष्काळाच्या झळा वाढत असतानाच पुणे...
केळीच्या खेडा खरेदीबाबत भरारी पथकांची...जळगाव  ः खानदेशात केळीच्या खेडा खरेदीसंबंधी...
बोंड अळीच्या नुकसानीचे अनुदान...अकोला : अाधीच अनेक दिवसांपासून रखडलेले बोंड अळी...
नगर जिल्ह्यातील दहा लाख जनावरे...नगर  ः दुष्काळाच्या पाश्वर्भूमीवर लोकांना...
जत तालुक्यातील दुष्काळग्रस्तांना...सांगली  : जत तालुक्यातील शेतकरी दुष्काळाच्या...