agriculture news in Marathi, tomato season at last stage in nashik district, Maharashtra | Agrowon

नाशिक जिल्ह्यातील टोमॅटो हंगाम अंतिम टप्प्यात
ज्ञानेश उगले
मंगळवार, 12 डिसेंबर 2017

ओखी वादळाच्या तडाख्याने टोमॅटो पिकाचे नुकसान झाले. यामुळे बाजारात दुय्यम दर्जाच्या टोमॅटोची आवक झाल्यामुळे गुरुवारी (ता.७) टोमॅटोच्या दरात उतरण झाली होती. मात्र शनिवार (ता.९) पासून पुन्हा दरात वाढ झाली. आवकेचे चित्र पाहता टोमॅटोचे हे दर येत्या काळात टिकून राहतील अशी स्थिती आहे.
- सुभाष पूरक, टोमॅटो उत्पादक, वडनेरभैरव, ता. चांदवड, जि. नाशिक

नाशिक : दसऱ्यापासून सुरू झालेला नाशिक भागातील खरीप टोमॅटोचा हंगाम अंतिम टप्प्यात आला आहे. पिंपळगाव बसवंत, लासलगाव यासह गिरणारे, खोरीफाटा या बाजारातील टोमॅटोची आवक ८० टक्‍क्‍यांनी घटली आहे. गत सप्ताहात टोमॅटोला प्रति २० किलो वजनाच्या क्रेटला १०१ ते ७३१ व सरासरी २५० रुपये दर मिळाले. 

दसरा, दिवाळीच्या दरम्यान नाशिक जिल्ह्यात दररोज ४ लाख क्रेटची आवक होत होती. ही आवक गत सप्ताहात अवघी ४० हजारांवर आली आहे. या स्थितीत गत सप्ताहात टोमॅटोच्या दरात मोठीच चढ उतार झाल्याचे दिसून आले. गत सप्ताहाच्या सुरवातीस सोमवारी (ता.४)  पिंपळगाव बसवंत बाजार समितीत १७३० क्रेटची आवक झाली. या वेळी टोमॅटोला प्रति २० किलो वजनाच्या क्रेटला १०१ ते ७३१ व सरासरी ५५१ असा दर मिळाला.

नाशिक भागातील टोमॅटो हंगाम शेवटच्या टप्प्यात असताना गत सप्ताहात खुडत्या अवस्थेतील टोमॅटो पिकाला जोरदार पावसाने झोडपले. परिणामी टोमॅटोच्या दरात ५० टक्‍क्‍यांनी उतरण झाली. प्रति क्रेटचे दर सरासरी ५५० वरून २०० पर्यंत उतरले होते. गुरुवारी (ता.७) व शुक्रवारी (ता.८) दर उतरलेले असताना शनिवारी मात्र पुन्हा दराने उसळी घेत ३०० चा दर गाठला. रविवारी (ता.१०) खोरी फाटा, गिरणारे या बाजारात टोमॅटोला १०० ते ४५० व सरासरी २७५ रुपये दर मिळाले.

यंदा सुरवातीपासून टोमॅटोला स्थिर दर मिळाल्यामुळे टोमॅटो पिकाची विशेष काळजी घेण्यावर उत्पादकांनी भर दिला आहे. बहुतांश भागात दुसऱ्यांदा बहर घेण्याचे प्रयोग सुरू आहेत. चांदवड तालुक्‍यात उशिरा लागवड झालेल्या टोमॅटोची आवक येत्या सप्ताहात सुरू होईल. 

दरम्यान सध्याचे दर येत्या काळात स्थिर राहतील, असे बाजार समितीच्या सूत्रांनी सांगितले.

पिंपळगाव बसवंत बाजार समितीतील गत सप्ताहातील टोमॅटोचे दर (आवक व दर प्रति क्विंटलचे)

दिवस (तारीख)  आवक      किमान    कमाल    सरासरी
सोमवार (ता.४)  ८६५४     ५०५     ३६५५     २७५५
मंगळवार (ता. ५) ३८०५     ५००     ३५००     २३५५
बुधवार (ता.६)   ७७६२     ५०५     ३५५५     २४०५
गुरुवार (ता.७)   ६४५५     ३५५     २०५५     ९०५
शुक्रवार (ता.८)   ६८४०     २५५     १५००     ६५५

   
   
    
 
 
 
 

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...