Agriculture News in Marathi, Tomato seasonal prices up, aurangabad district | Agrowon

टोमॅटो हंगाम यंदा समाधानकारक
संतोष मुंढे
मंगळवार, 21 नोव्हेंबर 2017
औरंगाबाद : गतवर्षी फेकूण द्यायची वेळ आलेल्या टोमॅटोला यंदाचा हंगाम उत्पादकांना बरा गेला, असेच म्हणावे लागेल. एकूण उत्पादनांपैकी बऱ्यापैकी माल कमी दराने गेला असला तरी जवळपास २० ते २५ टक्‍के माल चांगल्या दराने बांधावरूनच गेल्याने लागवड व उत्पादन घटविलेल्या टोमॅटो उत्पादक शेतकऱ्यांमध्ये समाधान दिसत आहे. 
 
औरंगाबाद : गतवर्षी फेकूण द्यायची वेळ आलेल्या टोमॅटोला यंदाचा हंगाम उत्पादकांना बरा गेला, असेच म्हणावे लागेल. एकूण उत्पादनांपैकी बऱ्यापैकी माल कमी दराने गेला असला तरी जवळपास २० ते २५ टक्‍के माल चांगल्या दराने बांधावरूनच गेल्याने लागवड व उत्पादन घटविलेल्या टोमॅटो उत्पादक शेतकऱ्यांमध्ये समाधान दिसत आहे. 
 
टोमॅटो खरेदीसाठी इतर ठिकाणांहून येणाऱ्या व्यापाऱ्यांचा दरवर्षी जवळपास दोन महिने राहणारा मुक्‍काम यंदा मात्र महिनाभरापुरता मर्यादित राहिला. मराठवाड्यातील औरंगाबाद जिल्ह्यांतर्गत येत असलेल्या टोमॅटो आगाराला जवळपास दोन वर्षे मरणकळा सोसाव्या लागल्या.
 
गतवर्षी दर पडल्याने शेतकऱ्यांनी अक्षरश: टोमॅटोचे पीक काढून टाकले होते. खर्च करूनही उत्पन्नात  दोन वर्षे सतत दगा बसल्याने वरूडकाजी, सुलतानपूर, हिरापूर, कुबेर गेवराई, टोणगाव, जडगाव, वडखा, वरझडी आदी गावशिवारांत यंदा टोमॅटोची लागवड ६० ते ७० टक्‍क्‍यांनी घटली होती. 
 
यंदा जुलैमध्ये लागवड केलेल्या टोमॅटो उत्पादकांना सुरवातील १५० ते ३०० रुपये कॅरेटने उत्पादित मालाची विक्री करावी  लागली. ऑगस्ट ते सप्टेंबरदरम्यान ऐन मालाचे उत्पादन जोमात असताना दर न मिळाल्याने यंदाही टोमॅटो दगा देतो की काय, अशी स्थिती निर्माण झाली होती, परंतु त्यानंतर आधीच क्षेत्र घटलेल्या टोमॅटो आगारातील उत्पादन जसजसे घटले; तसतसे टोमॅटोचे दरही चांगले वधारत गेले.
 
४०० ते ८०० रुपये प्रतिकॅरेटपर्यंत टोमॅटोचे प्रतिकॅरेटचे दर पोचल्यांने यंदा टोमॅटो उत्पादकांना उत्पादनात घट आली तरी दराने बऱ्यापैकी आधार दिल्याची माहिती टोमॅटो उत्पादक शेतकऱ्यांनी दिली. 
 
यंदा वरूडकाजीच्या केंद्रावरून ऑगस्ट ते सप्टेबरदरम्यान जवळपास दररोज पंधरा गाड्या (५४० कॅरेट प्रतिगाडीप्रमाणे) टोमॅटो दिल्ली, अलिगड, जयपूर, मुंबई, अलाहाबाद, झांशी, आग्रा, बुलंदशहर आदी ठिकाणी पुरवठा झाला. या शहरांमधील खरेदीदार जवळपास महिनाभर (ऑगस्ट ते सप्टेंबर दरम्यान) वरूडकाजी व परिसरातील गावांमध्ये तळ ठोकूण होते, असे शेतकरी सांगतात. 
 
   उत्पादन खर्चात वाढ
ऑगस्टमध्ये उत्पादन सुरू झाल्यानंतर सप्टेंबरमध्ये जवळपास पंधरवडाभर जोरदार पाऊस झाल्याने त्याचा थेट परिणाम टोमॅटोवर झाला. अतिपाण्यामुळे काही शेतकऱ्यांचे प्लॉट बसले. सततच्या पावसामुळे मालाचा दर्जाही घसरला. त्यामुळे उत्पादन खर्चातही शेतकऱ्यांना वाढ करावी लागली. पाऊस थांबल्यानंतर मात्र शेतकऱ्यांनी घेतलेल्या काळजीमुळे पुन्हा टोमॅटोचे उत्पादन बऱ्यापैकी होऊन त्याला दरही चांगला मिळू लागला. आता या पिकाची दूर्री घेण्याची तयारी शेतकऱ्यांनी चालविली आहे. 
 
यंदा एकरभर टोमॅटोची लागवड केली होती. जवळपास ११०० कॅरेट माल निघाला. त्याला ४०० ते ८०० रूपये प्रतिकॅरेटचा दर मिळाला. एक महिना उत्पादन मिळाले नाही, मात्र गत दोन वर्षाच्या तुलनेत यंदा टोमॅटोचा हंगाम आजवर बराच राहिला.
- गणेश कुबेर, कुबेर गेवराई, ता. जि. औरंगाबाद. 
 
माझ्या सहा एकर टोमॅटोच्या क्षेत्रातून जवळपास साडेचार हजार कॅरेट टोमॅटो आजवर निघाला. जवळपास तीन हजार कॅरेट टोमॅटो १५० ते २०० रुपये दरम्यान गेले. दीड हजार कॅरेट मात्र ५०० ते ९०० रुपये प्रतिकॅरेट प्रमाणे गेले. दोन वर्षांच्या तुलनेत यंदा टोमॅटोचे उत्पादन बरे राहिले अाहे.
- गणेश देशमुख, टोमॅटो उत्पादक, वरूडकाजी ता. जि. औरंगाबाद.

इतर अॅग्रो विशेष
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
दर्जेदार ऊसबेण्याची केली निर्मिती काशीळ (ता. जि. सातारा) येथील उच्चशिक्षित व...
मतदानासाठी सकाळी सात ते सायंकाळी...अकोला ः देशात होत असलेल्या लोकसभा...
कोकणातील आंबा अडकला धुक्याच्‍या फेऱ्यातवेंगुर्ले, जि. सिंधुदुर्ग : ऐन हंगामातच कोकणातील...
विदर्भात वादळी पावसाची शक्यतापुणे : मध्य भारतात होत असलेल्या वाऱ्यांच्या...
हळदीचे दिवसातून दोन वेळा सौदेसांगली ः सांगली बाजार समितीत गेल्या दोन ते...
पदविकाधारकांना कृषिसेवेचे दरवाजे बंद... पुणे : राज्याच्या शेतकरी कुटुंबातील हजारो...
सर्वसामान्यांचा असामान्य नेतामाजी संरक्षणमंत्री आणि गोव्याचे मुख्यमंत्री मनोहर...
सर्जनशीलतेला सलाम!व र्ष २०१७ च्या खरीप हंगामात कापसावर फवारणी...
प्राणघातक हृदयरोगाचे प्रमाण होतेय कमीगेल्या दोन वर्षामध्ये हृदयरोगाला प्रतिबंध आणि...
अन्नत्याग आंदोलनास प्रारंभ : अमर हबीब,...नवी दिल्ली : शेतकरी आत्महत्यांप्रती सहवेदना आणि...
मच्छीमारी व्यवसायाने आणली समृद्धीगणित विषयात पदवी असूनही बेरोजगार राहणं नशिबी आलं...
काबुली हरभऱ्याने उंचावले अर्थकारण चोपडा तालुक्‍यातील (जि. जळगाव) तापी व अनेर...
जत तालुक्यात द्राक्ष, डाळिंब बागा...सांगली : जत तालुक्यात पश्‍चिम भाग वगळता...
प्रकल्प व्यवस्थापकावर कारवाईचे आदेशपुणे : एकात्मिक पाणलोट व्यवस्थापन...
सहवेदना :आज अन्नत्याग आंदोलनयवतमाळ: शेतकरी साहेबराव करपे व कुटुंबीयांप्रति...
उन्हाची काहिली वाढलीपुणे: राज्यात गेल्या काही दिवसांपासून उन्हाची...