agriculture news in Marathi, touring fares in drought area, Maharashtra | Agrowon

सांगली : दुष्काळी भागात मंत्र्यांच्या दौऱ्यांचा निव्वळ फार्स
टीम अॅग्रोवन
शनिवार, 18 मे 2019

दुष्काळाची पाहणी करण्यासाठी आलेल्या मंत्र्यांना आम्ही पाण्याचा प्रश्न मांडला होता. २० लिटर पाणी दिले जाते पण हे पाणी पुरत नाही. जनावरांना पाणी किती वापरायचे? पन्नास लिटरची मागणी केली होती. रोजगार हमी योजनेची कामे बंद आहे. पण आमच्या मागण्या जिल्हा प्रशासनाने पूर्ण झाल्या नाहीत. 
- अमोघसिद्ध शेंडगे, दरीबडची, ता. जत.

सांगली ः जिल्ह्यातील दुष्काळी पट्ट्यातील कवठेमहांकाळ, जत, आटपाडी या भागांत गेल्या आठवड्यापूर्वी मंत्री यांनी दुष्काळी स्थिती पाहण्यासाठी दौरे केले, त्यामध्‍ये दुष्काळ निवारण्यासाठी उपाययोजना करण्याचे आदेश दिले, पण या आदेशाला जिल्हा प्रशासनाने कोलदांडा दिला आहे. यामुळे शेतकऱ्यांच्यातून तीव्र संताप व्यक्त होऊ लागला आहे.

जिल्ह्यातील आटपाडी, कवठेमहांकाळ, जत, तासगाव, खानापूर हे तालुके शासनाने दुष्काळी म्हणून जाहीर केले आहेत. या तालुक्यात भीषण दुष्काळी परिस्थिती निर्माण झाली आहे. पिण्याचे पाणी आणि जनावरांच्या चाऱ्याचा प्रश्न गंभीर झाला आहे. या भागातील खरीप व रब्बी हंगाम वाया गेले आहेत.

नोव्हेंबर महिन्यापासून पाण्याची टंचाई निर्माण झाली. आज मितीस जिल्ह्यातील या भागात १८८ टॅंकरने पाणीपुरवठा केला जाऊ लागला आहे. पाण्याची पातळी ८०० ते ९०० फुटांपर्यंत खाली गेली आहे. द्राक्ष, डाळिंबाच्या बागा वाळून गेल्या आहेत. पाण्याची पातळी खालावल्याने अशुद्ध पाणीपुरवठा, अनियमित पाणीपुरवठा होत आहे. टॅंकर सुरू असल्याने टॅंकर माफियांचे राज्य आले आहे.  

वाढती दुष्काळाची दाहकता यामुळे मुख्यमंत्री देवेंद्र फडणवीस यांनी मंत्री आणि पालकमंत्र्यांना दुष्काळी परिस्थितीचा आढावा घेण्यासाठी दौरा करण्याचे निर्देश दिले होते. त्यानुसार जिल्ह्यातील आटपाडी, जत आणि कवठेमहांकाळ तालुक्यात मंत्र्यांनी दुष्काळाची पाहणी केली. शेतकऱ्यांनी संतप्त भावना व्यक्त केल्या. दुष्काळ मिटविण्यासाठी कधी उपाययोजना सुरू करणार असे प्रश्न विचारले, पण मंत्र्यांकडून समाधानकारक उत्तरे मिळाली नाहीत. शेतकऱ्यांचे प्रश्न समजावून घेतले.

मागेल त्याला टॅंकर देऊ, चारा छावण्या सुरू करू, जनावरांच्या पाण्यासाठी वेगळे टॅंकर देऊ, पाण्यासाठी जादा टॅंकर सुरू करू, छावण्या सुरू करू, असे आश्वासन दिले. त्यानुसार जिल्हा प्रशासनाला दुष्काळ निवारण्यासाठी तातडीने उपाययोजना करण्यासासाठी आदेश दिले. सरकाने आदेश देऊन आठ दिवसांचा कालावधी लोटला. केवळ जिल्हा अधिकारी कार्यालयात दुष्काळ निवारण्यासाठी केवळ बैठकाच सुरू आहेत. त्यावर उपाययोजना सुरू केल्या नाहीत, त्यामुळे उपाययोजना कधी सुरू करणार, असा प्रश्न उपस्थित केला जात आहे.  

प्रशासनाला गांभीर्य नाही
दुष्काळी परिस्थितीवर उपाययोजना करण्याची गरज असताना, मंत्री व प्रशासकीय अधिकारी पाहणी करण्यात वेळ घालवत आहेत. दुष्काळाची तीव्रता वाढत आहे. रोजगार हमीच्या कामाचा पत्ता नाही. दुष्काळामुळे अनेकांच्या हाताला काम नाही. कामे बंद आहेत, असे असतानाही दुष्काळी पट्ट्यात नवीन रोजगार हमी योजनेची कामे सुरू करण्यासाठी प्रशासन लक्ष देत नाही. प्रशासनाला दुष्काळाचे गांभीर्य असल्याचे दिसून येत नाही.

 

इतर अॅग्रो विशेष
मॉन्सून एक्सप्रेस कोकणात दाखल;...पुणे : अरबी समुद्रात आलेल्या वायू चक्रीवादळामुळे...
नवसंकल्पना ठीक; पण... राज्य शासनाच्या पशुसंवर्धन विभागातर्फे राज्यात ‘...
उत्पन्न दुपटीसाठी आत्ताही अपुरे उपाय दर्जेदार बियाणांची उपलब्धता  शेतकऱ्यांना...
सौर कृषिपंप योजनेतील लाभार्थी हिस्सा...मुंबई : मुख्यमंत्री सौर कृषिपंप योजनेत...
कृषी विभागात बदल्यांची धूमपुणे  : राज्यात ऐन खरिपाच्या नियोजनात कृषी...
मका लागवड तंत्रज्ञानपेरणी     खरीप हंगाम ः १५...
पावसाचा प्रत्येक थेंब जिरवा ः...पुणे  ः पावसाच्या पाण्याचे विविध प्रयोगांनी...
मॉन्सून आज कोकणात?पुणे  : अरबी समुद्रात आलेल्या ‘वायू’...
ग्रामविकासाचा आदर्श झालेले वडगाव पांडे महाराष्ट्र ग्राम सामाजिक परिवर्तन अभियानाच्या...
राज्यात डाळिंबाचा मृग बहर अडचणीतसांगली ः राज्यात डाळिंबाचे क्षेत्र एक लाख ३० हजार...
कोकणात पाऊस जोर धरणारपुणे  : मॉन्सूनच्या आगमनास पोषक स्थिती...
सिंधुदुर्ग जिल्हयात मुसळधार पाऊस (video...सिंधुदुर्ग : जिल्ह्यातील काही भागात बुधवारी (ता....
मक्यावरील लष्करी अळीचे एकात्मिक नियंत्रणमहाराष्ट्रात फॉल आर्मी वर्म (स्पोडोप्टेरा...
राज्य अर्थसंकल्प : सर्वसमावेशक ‘निवडणूक...मुंबई : राज्यात मोसमी पाऊस लांबला असला तरी आगामी...
‘सबसरफेस ड्रीप’ तंत्राने  ऊस, टोमॅटोची...शेततळ्यातले जेमतेम पाणी आणि उपलब्ध पाण्याचा योग्य...
कोकणात तुरळक ठिकाणी जोरदार पावसाचा अंदाजपुणे   : राज्यातील मॉन्सूनचे आगमन...
जुनीच वाट की नवी दिशाप्रधानमंत्री किसान सन्मान निधी योजना ...
कोरड्या महाराष्ट्रावर घोषणांचा पाऊसराज्यात सत्तेत आल्यानंतर शेतीतील गुंतवणूक वाढविली...
लोकसहभागातून नागरी पर्जन्यजल संधारण शक्यप्रत्येक जलस्रोताचे पुनर्भरण करून त्याचं बळकटीकरण...
बोंडअळी निर्मूलन प्रकल्पात आठ राज्यांचा...नागपूर : देशात सर्वात आधी गुजरात त्यानंतर...