agriculture news in marathi, Towards the construction of the ponds, bunds will be checked | Agrowon

तलाव, बंधाऱ्यांच्या कामांची होणार तपासणी ः मांढरे
टीम अॅग्रोवन
रविवार, 24 जून 2018

पुणे : पुणे जिल्हा परिषदेमार्फत करण्यात येणारी, पाझर तलाव, सिमेंट बंधाऱ्यांचे कामे निकृष्ट दर्जाची आहेत. बंधारे बांधताना तीन ते चार दिवसांत काम पूर्ण होते. अधिकारी कामाच्या ठिकाणी फिरकत नाही, निकृष्ट बांधकामामुळे बंधारे गळतीला लागले आहेत, त्यामुळे जिल्ह्यातील बंधाऱ्यांच्या कामांची तपासणी करण्याची मागणी सदस्यांनी सर्वसाधारण सभेमध्ये केली. यावर वर्षभरात बांधण्यात आलेल्या बंधाऱ्यांच्या कामांची तपासणी करण्याचे आश्‍वासन मुख्य कार्यकारी अधिकारी सूरज मांढरे यांनी दिले.

पुणे : पुणे जिल्हा परिषदेमार्फत करण्यात येणारी, पाझर तलाव, सिमेंट बंधाऱ्यांचे कामे निकृष्ट दर्जाची आहेत. बंधारे बांधताना तीन ते चार दिवसांत काम पूर्ण होते. अधिकारी कामाच्या ठिकाणी फिरकत नाही, निकृष्ट बांधकामामुळे बंधारे गळतीला लागले आहेत, त्यामुळे जिल्ह्यातील बंधाऱ्यांच्या कामांची तपासणी करण्याची मागणी सदस्यांनी सर्वसाधारण सभेमध्ये केली. यावर वर्षभरात बांधण्यात आलेल्या बंधाऱ्यांच्या कामांची तपासणी करण्याचे आश्‍वासन मुख्य कार्यकारी अधिकारी सूरज मांढरे यांनी दिले.

जिल्हा परिषद सदस्य विरधवल जगदाळे यांनी निकृष्ट दर्जाच्या बंधाऱ्यांचा विषय सभागृहात मांडला. अधिकारी परस्पर बंधारे बांधत असून, ठेकेदार आणि अधिकारी मिळून मिसळून काम करत कामांच्या दर्जाकडे दुर्लक्ष होत असल्याने, तीन ते चार दिवसांत बंधारे बांधून तयार होतात. अधिकारी कामाच्या ठिकाणी फिरकतही नाही, एसी रूममध्ये बसून बंधारे बांधतात. त्यामुळे काही बंधारे आता गळतीला लागले आहे आणि हेच अधिकारी पालकंत्र्यांकडून स्वत:ची पाठ थोपटून घेतात, असा आरोप केला. शिवसेनेच्या गटनेत्या अाशा बुचके यांनी जुन्नर तालुक्‍यात बंधारा बांधण्यासाठी ७० लाख रुपये देऊनही बंधारा बंधाण्यात आला नसल्याचे सांगितले.

या दिरंगाईला जबाबदार कोण असा प्रश्‍न त्यांनी उपस्थित केला. छोटे पाटबंधारे विभागातील विषय हाताळून आमची ‘पीएचडी’ झाली. मात्र, हे अधिकारी अजूनही झोपलेच आहेत, असा टोला रणजित शिवतारे यांनी केला. निकृष्ट दर्जाचे असलेल्या बंधाऱ्यांची पाहणी करून, संबंधित अधिकाऱ्यांवर कारवाई करा, खरच ज्या ठिकाणी चांगले बंधारे उभारले त्या ठिकाणी कौतुकही करा, अशी भूमिका गटनेते शरद बुट्टेपाटील यांनी मांडली.

अध्यक्ष विश्‍वास देवकाते यांनी अधिकाऱ्यांकडून ठेकेदारांना पाठीशी घातले जात असले तर त्यांच्यावर कारवाई करण्यात येईल, या प्रकरणी चौकशी करण्यात येईल. सदस्यांनी बंधाऱ्याबाबत तक्रारी कराव्यात, त्या बंधाऱ्यांची तपासणी केली जाईल, निकृष्ट बंधाऱ्यांचे बिल रोखून धरण्यात येईल, असे सभागृहाला सांगितले. मुख्य कार्यकारी अधिकारी सूरज मांढरे यांनी वर्षभरातील बंधाऱ्यांचे स्ट्रक्चरल आॅडिट करण्यात येईल, यात अंदाजपत्रक, कामाची जागा, मोजमाप, खर्च योग्य आहे का, साठवण होणाऱ्या पाण्याची क्षमता आदी बाबींची तपासणी केली जाईल.

इतर ताज्या घडामोडी
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...
लोकसभेसाठी माढ्यातून तुल्यबळ उमेदवारकऱ्हाड : लोकसभेसाठी माढा मतदारसंघात भारतीय जनता...
उपोषणासाठी बाजार समित्यांच्या...नाशिक : नियमनमुक्तीमुळे बाजार समित्यांचे...
परभणीतील शेतकऱ्यांचे कोल्हापुरात आंदोलनकोल्हापूर : परभणी जिल्ह्यातील नुकसानग्रस्त...
युवकांच्या सहकारी संस्था स्थापणार :...कऱ्हाड : राज्यातील सहकारी संस्थांचे सभासद हे ६०...
बाजार समित्यांमधील...नाशिक : तेलंगण, तमिळनाडू व कर्नाटकच्या धर्तीवर...
पुलवामातील हल्ल्यात बुलढाणा जिल्ह्याचे...बुलडाणा : पुलवामा येथे झालेल्या अतिरेकी ...
हल्ल्या मागे जे आहेत त्यांना शिक्षा...नवी दिल्ली : जम्मू-काश्‍मीरच्या पुलवामा...
आम्ही विसरणार नाही.. माफही करणार नाही...नवी दिल्ली- जम्मू-काश्‍मीरच्या पुलवामा जिल्ह्यात...
काश्‍मीरमधील शेतकऱ्याला थकबाकीची रक्कम...पुणे : काश्‍मीरमधील शेतकऱ्याला सफरचंदाचे पैसे...
बिबट्याच्या दहशतीखाली चोरट्यांकडून...आंबेठाण, जि. पुणे : शिंदे गाव (ता. खेड) येथे दोन...
‘डिंभे’चे पाणी जोड बोगद्याद्वारे ‘...मुंबई : डिंभे डाव्या तीर कालव्यातील गळती...
विदर्भात आज गारपीट, हलक्या पावसाचा अंदाजपुणे : पोषक हवामानामुळे आज (ता. १४) विदर्भात...
कापसासाठी ‘एमसीएक्‍स’कडून गोदामांची...मुंबई : कापूस उत्पादक शेतकऱ्यांना समृद्ध...
कर्ज देण्याच्या नावाखाली ७३ शेतकऱ्यांची...गोंदिया : कर्ज देण्याच्या नावाखाली ७३...