agriculture news in Marathi, tractor rental platform launched in Odisha, Maharashtra | Agrowon

ओडिशात भाडोत्री ट्रॅक्टर योजनेस प्रारंभ
वृत्तसेवा
शनिवार, 17 नोव्हेंबर 2018

ओडिशा राज्यातील जवळपास ९१.८ टक्के शेतकरी हे मध्यम आणि अल्प भूधारक आहेत. अशा शेतकऱ्यांची पत कमी असल्याने यंत्रे खरेदीसाठी कर्जे उपलब्ध होत नाहीत. त्यामुळे अशा शेतकऱ्यांना शेतीत यांत्रिकीकरण वाढविण्यासाठी मदत होईल. ‘जेफार्म सर्व्हिसेस’चा हा उपक्रम अद्वितीय असा आहे. 
- मल्लिका श्रीनिवासन, अध्यक्ष आणि मुख्य कार्यकारी अधिकारी, ‘टाफे’

भुवनेश्‍वर ः राज्यातील शेतकऱ्यांना अद्ययावत यंत्रे आणि ट्रॅक्टर शेतीकामासाठी उपलब्ध व्हावेत, यासाठी ओडिशा सरकारने ट्रॅक्टर आणि कृषी औजारे भाडोत्री तत्त्वावर (ट्रॅक्टर ॲँड फार्म इक्विपमेंट रेंटल प्लॅटफॉर्म, टाफे) देण्याचे केंद्र सुरू केले आहे. केंद्रामार्फत शेतकऱ्यांना ट्रॅक्टर आणि अद्ययावत कृषी अवजारे वापरासाठी देण्यात येणार आहेत. या केंद्राचे उद्‌घाटन राज्याचे मुख्यमंत्री नवीन पटनाइक यांच्या हस्ते नुकतेच झाले.

ओडिशा राज्यात मध्यम आणि अल्प भूधारक शेतकऱ्यांची संख्या मोठी आहे. पत कमी असल्यामुळे या शेतकऱ्यांना ट्रॅक्टर किंवा अद्ययावत यंत्रे खरेदी करणे शक्य होत नाही. त्यामुळे कृषी यांत्रिकीकरणावर मर्यादा येऊन उत्पादनही कमी होत आहे. शेतकऱ्यांची अद्ययावत यंत्रांची समस्या सोडविण्यासाठी ओडिशा राज्य सरकारने भाडे तत्त्वावर ट्रॅक्टर आणि कृषी अवजारे देण्यासाठी केंद्र सुरू केले आहे.

राज्य सरकारने या योजनेचे नाव ‘जेफार्म सर्व्हिसेस’ असे ठेवले आहे. ट्रॅक्टर आणि शेती अवजारे भाडे तत्त्वावर देण्याची कल्पना ही अद्वीतीय आहे. सीएसआर च्या माध्यमातून ‘टाफे’ केंद्र सुरू करण्यात येत असून, देशातील शेतकऱ्यांचे जीवनमान उंचविण्याचे उद्दिष्ट आहे. ‘जेफार्म सर्व्हिसेस’ हे ओडिशा कृषी मंत्रालय आणि ‘टाफे’ कंपनीच्या ‘सीएसआर’चा संयुक्त उपक्रम आहे. याचा मुख्य उद्देश शेतकऱ्यांना ट्रॅक्टर आणि कृषी अवजारे मोफत भाडे तत्त्वावर देणे हा आहे.

‘टाफे’ कंपनीचे अध्यक्ष आणि मुख्य कार्यकारी अधिकारी मल्लिका श्रीनिवासन यांनी सांगितले, की देशात मोठ्या प्रमाणात अल्पभूधारक शेतकऱ्यांची संख्या आहे. त्यामुळे त्यांना शेतीत नविन तंत्रज्ञान वापरावर बंधने येत असून, याचा परिणाम त्यांच्या उत्पन्नावर होत आहे. ‘जेफार्म सर्व्हिसेस’च्या माध्यमातून अल्पभूधारक शेतकऱ्यांना शेतीकामासाठी ट्रॅक्टर उपलब्ध होणार असून, ॲपद्वारेही यंत्रे उपलब्ध होतील. देशातील लाखो शेतकऱ्यांचे उत्पन्न २०२२ दुप्पट करण्याच्या दृष्टीने या उपक्रमाचा लाभ होणार आहे. 

यांत्रिकीकरण वाढीस मदत
‘जेफार्म सर्व्हिसेस’च्या माध्यमातून शेतकऱ्यांना त्यांच्या गरजेनुसार वेगवेगळ्या यंत्रांची उपलब्धता होणार आहे. हा उपक्रम ओडिशा राज्याचा कृषी विभाग आणि ‘टाफे’च्या ‘सीएसआर’चा संयुक्त आहे. यातून मध्यम आणि अल्पभूधारक शेतकऱ्यांना कृषी यांत्रिकीकरण वाढविण्यासाठी मदत होणार आहे. राजस्थान, मध्य प्रदेश, उत्तर प्रदेश, गुजरात आणि बिहार या मोठ्या राज्यांमध्ये केलेल्या प्रायोगिक तत्त्वावर हा उपक्रम राबविला असता, ६५ हजार वापरकर्त्यांकडून सव्वा लाख ट्रॅक्टरची नोंदणी झाली होती. या योजनेतून कंपनीलाही फायदा होत आहे.  

इतर अॅग्रो विशेष
बीड, उस्मानाबाद जिल्ह्यांत चारा...औरंगाबाद : मराठवाड्यातील बीड व...
वर्षावनातील विविधतेसाठी किडी,...संशोधकांना उष्ण कटिबंधीय वर्षावनातील विविधतेने...
पशुधन सहायकांच्या पदोन्नतीप्रकरणात...नागपूर : निकष डावलून राज्यातील पशुधन सहायकांना...
तमिळनाडूतील १११ शेतकऱ्यांचे मोदींना...तिरुचिरापल्ली, तमिळनाडू : विविध मागण्यांकडे...
शेतीला मिळाली बीजोत्पादनाची साथबोरी (ता. जिंतूर, जि. परभणी) गावशिवारात चंद्रशेखर...
भर दुष्काळात राज्यातील शेळ्या-मेंढ्या...नगर ः दुष्काळी भागातील जनावरे जगवण्यासाठी छावण्या...
पपईच्या बनावट बियाणेप्रकरणी चौघांना अटककोल्हापूर : नामवंत कंपनीच्या पपई बियाण्यांच्या...
उन्हाचा चटका वाढणार; नांदेडला तुरळक...पुणे : विदर्भ, मराठवाड्यात वादळी पावसाने...
वऱ्हाडात फळबागांवर चालू लागल्या कुऱ्हाडीअकोला : दुष्काळी परिस्थितीने शेतकऱ्यांचे जगणे...
'जलवर्धिनी' करतेय लोकशिक्षणातून जल...जलवर्धिनी प्रतिष्ठानतर्फे पाण्याचे संधारण आणि...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....
अतितीव्र हवामानस्थितीला कर्बाचे वाढते...पुणे : वातावरणातील कार्बनडाय ऑक्साईडचे (कर्ब)...
कमतरतेनुसार सूक्ष्म अन्नद्रव्यांचा वापर...अलीकडे सूक्ष्म अन्नद्रव्यांची कमतरता अधिक...
पिंप्री गावाने कमावले लसूणघास शेतीत नाव पिंप्री (वळण) (ता. राहुरी, जि. नगर) हे गाव मुळा...
दुष्काळातही सुरती हुरड्याची  चवच काही...औरंगाबाद जिल्ह्यातील सारंगपूर येथील अरुण कडूबाळ...
। तुका म्हणे कान्हा । भूक लागली नयनां ।।देहू : तुकाराम तुकाराम...असा नामघोष आणि...
नांदेड जिल्ह्यात कापूस उत्पादकता...नांदेड ः नांदेड जिल्ह्यात २०१८-१९ च्या खरीप...
नगरची लढत राहणार लक्षवेधीनगर : राज्याच्या सर्वाधिक लक्ष असलेल्या नगर (...
रब्बी पीकविम्याला बोगस प्रकरणांचे ग्रहणमुंबई ः २०१८-१९ च्या रब्बी हंगामात पंतप्रधान...
सहा कारखान्यांची धुराडी थंडावलीऔरंगाबाद  : मराठवाडा व खानदेशातील पाच...