agriculture news in marathi, tractor without driver, pune | Agrowon

शेतशिवारांत लवकरच 'ड्रायव्हर' विना ट्रॅक्टर !
मनोज कापडे
बुधवार, 18 ऑक्टोबर 2017

'देशाच्या शेतीत यांत्रिकीकरणाचा विकास झपाट्याने होत आहे. रोबोटकडून शेतीची कामेदेखील केली जातील. 2050 पर्यंत देशात रोबोट फार्मिंगचा पहिला टप्पा पूर्ण झालेला असेल. रोबोट फार्मिंग युगाची सुरवात म्हणून ड्रायव्हरलेस ट्रॅक्टरकडे पाहिले जात आहे, असे मत यांत्रिकीकरणातील अभ्यासक व्यक्त करीत आहेत.

पुणे : सर्जा-राजाच्या परंपरेने चालणाऱ्या भारतीय शेतीत ट्रॅक्टर आला तेव्हा शेतकऱ्यांनी बिचकत स्वागत केलं होतं. आता शेतीचा प्राण बनलेल्या ट्रॅक्टरवरचा चालक (ड्रायव्हर) बेपत्ता होणार आहे. चालकविना शेतीकाम करणारा ट्रॅक्टर याच वर्षी महाराष्ट्रातल्या शेतशिवारांमध्ये काम करताना दिसेल. शेतीतील पहिला रोबोट म्हणून ही घटना पाहिली जाईल, असे ट्रॅक्टर उद्योगातील अभ्यासकांचे म्हणणे आहे.

'ड्रायव्हर नसतानाही शेतीची कामे करणारा ट्रॅक्टर महिंद्रा अॅन्ड महिंद्रा कंपनीच्या चेन्नईतील संशोधन प्रकल्पात तयार झाला आहे. या ट्रॅक्टरच्या चाचण्या आम्ही पुणे जिल्ह्यात घेतल्या. आमच्या अपेक्षेपेक्षाही शेतकऱ्यांना उत्तम सेवा देण्याची ताकद असलेला हा ट्रॅक्टर याच वर्षी महाराष्ट्रात विक्रीसाठी उपलब्ध होईल, अशी माहिती 'महिंद्रा'मधील उच्चपदस्थ सूत्रांनी दिली.

मनुष्यबळ खर्चात बचत होणार
ट्रॅक्टर उद्योगातील सूत्रांच्या म्हणण्यानुसार, भारतात याच दशकात 20 एचपी ते 100 एचपी ताकद असलेल्या श्रेणीतील ट्रॅक्टर 'ड्रायव्हरलेस' होतील. पहिल्या टप्प्यात 50 ते 57 एचपी श्रेणीतील 'ड्रायव्हरलेस' ट्रॅक्टर शेतकऱ्यांसाठी विक्रीस उपलब्ध होतील. सध्या या श्रेणीतील पारंपरिक म्हणजे चालक असलेल्या ट्रॅक्टरच्या किमती सात लाख ते नऊ लाखाच्या दरम्यान आहेत. ड्रायव्हरलेस ट्रॅक्टरमध्ये तंत्रज्ञानाचा खर्च वाढला आहे. त्यामुळे पहिल्या टप्प्यात चालक नसलेल्या ट्रॅक्टरच्या किमती जादा असतील. अर्थात, चालक नसल्यामुळे शेतकऱ्याच्या मनुष्यबळ खर्चात मोठी बचत होईल, असे सूत्रांचे म्हणणे आहे.

शेतीकामे होणार बिनचूकपणे
'आमच्या मते 'ड्रायव्हरलेस ट्रॅक्टर' शेतकऱ्यांना वरदान ठरतील. सध्या ट्रॅक्टर कामात स्वतः शेतकऱ्यालाच गुंतून पडावे लागते किंवा चालक तरी ठेवावा लागतो. 'ड्रायव्हरलेस ट्रॅक्टर'मुळे शेतकऱ्यांचा खूप वेळ वाचेल, उत्पादन खर्चात बचत होईल आणि सर्वात महत्त्वाची बाब म्हणजे शेतीकामे बिनचूकपणे होणार असल्यामुळे उत्पादनात देखील वाढ होईल, अशी माहिती ट्रॅक्टर उद्योगातील अभ्यासक आशिष गुप्ता यांनी दिली.

टॅबलेटच्या साहाय्याने नियंत्रण
'ड्रायव्हरलेस ट्रॅक्टर'मध्ये चालकाचे स्टेअरिंग थेट जीपीएस तंत्राद्वारे फिरवले जाईल. नेमून दिलेल्या अंतरात आणि रेषेतच ट्रॅक्टर चालणार असल्यामुळे शेतीचे काम बिनचूक होईल. ट्रॅक्टरला मागे लावलेले अवजार उचलणे, वळण घेवून पुन्हा अवजार चालविणे अशी कामे ट्रॅक्टर स्वतःहून करेल.

या ट्रॅक्टरला 'जिओफेन्स लॉक' तंत्र बसवण्यात आलेले आहे. त्यामुळे शेतीकाम करताना रेषा सोडून ट्रॅक्टर बाहेर जात असल्यास ट्रॅक्टर बंद होण्याची सुविधा असल्यामुळे अपघाताची शक्यताही नाही. आपत्कालिन स्थितीत इंजिन चालू-बंद करण्याची सुविधा तसेच टॅबलेटच्या साहाय्याने ट्रॅक्टर नियंत्रित होत असल्यामुळे शेतकऱ्याला वावरात न उतरता बाहेर थांबून ट्रॅक्टरला हवे तसे काम करण्यास सांगता येईल.

व्हिडीओ गॅलरी

इतर टेक्नोवन
आरोग्यदायी कडधान्य चिप्सतेलकट बटाटा चिप्सचे प्रमाण बाजारपेठेमध्ये वेगाने...
सुधारित अवजारे करतात कष्ट कमीवैभव विळा : १) गहू, ज्वारी, गवत कापणी जमिनीलगत...
सुधारित ट्रेलरमुळे कमी होईल अपघाताचे...ट्रॅक्टर व उसाने भरलेला ट्रेलर हे ग्रामीण...
कांदा बी पेरणी यंत्राने लागवड खर्चात बचतश्रीरामपूर (जि. नगर) येथे साधारण बारा वर्षांपासून...
मका उत्पादनाच्या अचूक अंदाजासाठी...विविध पिकांची लागवड देशभरामध्ये होत असते. मात्र,...
मळणी यंत्राची कार्यक्षमता महत्त्वाची...मळणी यंत्राची कार्यक्षमता ही जाळीचा आकार, जाळीचा...
योग्य पद्धतीने वापरा मळणी यंत्रसुरक्षित मळणी करण्यासाठी आयएसआय मार्क असलेले...
घरीच तयार करा सौरकुकरआपल्याकडे सौरऊर्जा मोठ्या प्रमाणात उपलब्ध आहे,...
तण काढण्यासाठी पॉवर वीडर उपयुक्तलहान शेतकऱ्यांची गरज ओळखून बाजारपेठेत आता पॉवर...
गुणवत्तापूर्ण अवजारे, ट्रॉली निर्मितीचा...गुणवत्तापूर्ण शेती उपयोगी अवजारे व ट्रॉलीच्या...
डेअरी उत्पादनातील साखर कमी करण्याची...जगभरामध्ये डेअरी उत्पादनांची लोकप्रियता मोठी असून...
ट्रॅक्‍टर, कृषी अवजारे उत्पादकांची...मजुरांचा तुटवडा आणि बैल सांभाळण्यातील चाऱ्यासह...
इलेक्ट्रीक ट्रॅक्टरमध्य फ्रान्स येथील ॲलेक्झांड्रे प्रेवॉल्ट (वय ३०...
ताणस्थितीतही मिळतील अधिक चवदार टोमॅटोतुर्कस्तान येथील इझमीर तंत्रज्ञान संस्थेतील...
दर्जेदार उत्पादनासाठी फ्रिज ड्रायिंगरूढ झालेल्या यांत्रिक ड्रायर्सच्या तुलनेत फ्रिज...
जमीन व्यवस्थापनातून जागतिक तापमानवाढीचा...कर्बवायूचे उत्सर्जन रोखण्यासाठी जमिनीच्या...
योग्य प्रकारे करा विद्राव्य खतांचा वापरपिकांमध्ये अन्नद्रव्याच्या कमतरतेची लक्षणे...
आधुनिक तंत्रज्ञानाच्या वापरातून...नेदरलॅंड येथील पिएट जॅन थिबाऊडीअर (वय ३१ वर्षे)...
ड्रॅगन फ्रूटपासून आरोग्यवर्धक जेली, जॅम...कमी शर्करा असलेल्या फळांमध्ये ड्रॅगन फ्रूट हे...
काकडीच्या फुलांचा खाद्यपदार्थ...खाद्य पदार्थांच्या बाजारपेठेत कंपन्या वेगवेगळ्या...