agriculture news in marathi, Trash prices in pulses | Agrowon

कडधान्य कवडीमोल दरात व्यापाऱ्यांच्या घशात
टीम अॅग्रोवन
मंगळवार, 16 ऑक्टोबर 2018

मला एकरी ९० किलोच मुगाचे उत्पादन आले. मागील महिन्यातच चार क्विंटल मुगाची धुळ्यात ३६०० रुपये प्रतिक्विंटल दरात विक्री केली. तेव्हा दर ३६०० ते ४००० रुपये प्रतिक्विंचल होते. आता मुगाचा दर ५१०० झाला, त्याचा मला काय फायदा? कारण शेतकऱ्याला शेतमाल आला की लागलीच त्याची विक्री करावी लागते. हे शासनाला माहीत आहे. मग ते शासकीय खरेदी उशिराच का दरवर्षी करतात. ऑनलाइन नोंदणीत घोळ होतो, हेदेखील त्यांना माहीत आहे, मग या नोंदणीचा अट्टहास का?  
         - नरेंद्र पाटील, शेतकरी, कापडणे (जि. धुळे)

 

जळगाव : कडधान्याचा हंगाम येऊन एक महिना झाला; परंतु अजूनही शासकीय खरेदी केंद्र सुरू झालेले नाहीत. मुदतवाढीचा रतीब शासनदरबारी सुरू आहे, दुसरीकडे उडीद व मुगाची कवडीमोल दरात खानदेशातील शेतकऱ्यांना विक्री करावी लागत आहे. आजघडीला ७५ ते ८० टक्के कडधान्याची विक्री खासगी बाजार, बाजार समित्यांमध्ये झाली आहे. शेतकऱ्यांना यात सुमारे २५ कोटी रुपयांचा फटका बसला आहे.

खानदेशात धुळे जिल्ह्यात मुगाची १५ हजार हेक्‍टरवर पेरणी झाली होती. यातून एकरी ९० किलो ते एक क्विंटल उत्पादन तेथे आले. नंदुरबारातही सुमारे १० हजार हेक्‍टरवर मूग होता. तेथेही पावसाअभावी एकरी एक क्विंटलच उत्पादन हाती आले. तर जळगावात ३० हजार हेक्‍टवर मूग होता. जळगावातही एकरी ९० किलो ते एक क्विंटल उत्पादन आले. अर्थातच खानदेशात मुगाचे एकूण एक लाख १८ हजार क्विंटलपर्यंत मुगाचे उत्पादन आले, असे कृषी विभागातील सूत्रांनी सांगितले. यातील ८० टक्के मुगाची विक्री झाल्याची माहिती बाजार समित्यांमधील सूत्रांनी दिली आहे. जळगाव, पाचोरा, अमळनेर, शहादा, शिरपूर, चोपडा, यावल, चाळीसगाव, धुळे येथील बाजारांमध्ये जवळपास ८५ हजार क्विंटल मुगाची विक्री झाली आहे. अर्थातच सुमारे २० ते २५ हजार क्विंटल मूग शेतकऱ्यांकडे आहे.

मुगाला हमीभाव कुठल्याही बाजार समितीत मिळाला नाही. सरासरी ३८०० रुपये प्रतिक्विंटल या दरात विक्री झाली. ३५ कोटींची उलाढाल त्यातून झाली. हमीभावापेक्षा क्विंटलमागे तीन हजार रुपये कमी मिळाले. सुमारे २३ कोटींचे नुकसान शेतकऱ्यांना मूग विक्रीसंबंधी खानदेशात सहन करावे लागले. उडदाची जळगाव जिल्ह्यात २५ हजार हेक्‍टरवर, नंदुरबारात १० हजार आणि धुळ्यातही सुमारे १५ हजार हेक्‍टरवर पेरणी झाली होती. उडदाचे एकरी दोन क्विंटल उत्पादन आल्याचे कृषी विभागातील सूत्रांचे म्हणणे आहे. खानदेशात एकूण एक लाख ९० हजार क्विंटलपर्यंतचे उत्पादन आले असून, यातील सुमारे ७५ टक्के उडदाची विक्री बाजारांमध्ये झाली आहे.

उडदालाही प्रतिक्विंटल सरासरी चार हजार रुपये दर मिळाला. उडदाला ५६०० रुपये हमीभाव असून, क्विंटलमागे १६०० रुपये कमी मिळाले. ३० ते ३५ कोटींचे नुकसान शेतकऱ्यांचे झाले आहे. शासकीय खरेदी केंद्र सुरू करण्याची घोषणा झाली, पण प्रत्यक्ष केंद्र सुरू नाहीत. ऑनलाईन नोंदणीचा घोळ व मुदतवाढीचा धडाका सुरू असल्याने शेतकरी त्रासून खाजगी बाजारात उडीद, मुगाची विक्री करीत आहेत. जळगाव शासकीय खरेदी केंद्रात उडीद व मुगाच्या विक्रीसंबंधी फक्त तीन हजार शेतकऱ्यांची नोंदणी झाली आहे.

धुळे व नंदुरबारातही ही नोंदणी पाच हजार शेतकऱ्यांपेक्षा अधिक नाही. शासकीय खरेदी लांबतच आहे, यामुळे शेतकरी बाजारात धान्य विक्री करीत आहेत. पुढे सणासुदीसह इतर कारणांसाठी शेतकऱ्यांच्या हाती पैसे हवा असतो. यामुळे शेतकरी किती दिवस प्रतीक्षा करतील, असा मुद्दा शेतकरी उपस्थित करीत आहे. मग शासनाला २० टक्के कडधान्यही खरेदी करावे लागणार नाही, असे चित्र तूर्त तरी आहे.

ठळक बाबी

  •  खानदेशात यंदा उडीद व मुगाचेउत्पादन सप्टेंबरच्या मध्यातच हाती आले.
  •  उडदाचे एकरी दोन, तर मुगाचे एक क्विंटलपर्यंतचे उत्पादन
  •  उडदाला ४०००, तर मुगाला मिळाला सरासरी ३८०० रुपये प्रतिक्विंटलचा दर
  •  मुगाला ६९७५ रुपये प्रतिक्विंटल, तर उडदाला ५६०० रुपये आहे हमीभाव
  •  मुगाला हमीभावापेक्षा ३००० रुपये कमी दर, तर उडदालाही १६०० रुपये कमी दर
  •  ८० टक्के कडधान्याच्या विक्रीनंतर बाजारात दरात सुधारणा

इतर बातम्या
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
दोन्ही शिंदेंना आत्मविश्वास नडला सोलापूर : सोलापूर आणि माढा लोकसभा मतदारसंघाच्या...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
सांगोला साखर कारखाना राज्य बँकेच्या...सोलापूर : सांगोला सहकारी साखर कारखाना राज्य...
‘कृष्णे’च्या पाणीपातळीत घटसांगली : म्हैसाळ उपसा सिंचन योजनेला पाणीपुरवठा...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
बुलडाण्यात मागणी आल्यास तत्काळ टँकर...बुलडाणा  : जिल्ह्यात पाणीटंचाईचे संकट भीषण...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
वऱ्हाडात विद्यमान खासदारांनाच पुन्हा...अकोला ः लोकसभा निवडणुकीच्या निकालात गुरुवारी (ता....
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
नाशिकला हेमंत गोडसे रिपीट, तर डॉ. भारती...नाशिक : नाशिक जिल्ह्यात नाशिक व दिंडोरी लोकसभा...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
निविष्ठांची तस्करी रोखण्यासाठी...यवतमाळ ः गेल्या वर्षीच्या अनुभवातून बोध घेत...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...