पुणे विभागासाठी साडेपाच कोटींवर वृक्ष लागवडीचे उद्दिष्ट

संग्रहित छायाचित्र
संग्रहित छायाचित्र

पुणे  ः पर्यावरणाचे संतुलन अबाधित राखण्यासाठी दरवर्षी वृक्ष लागवडीचा कार्यक्रम शासनामार्फत राबविण्यात येतो. यंदाही हा पावसाळ्यात हा कार्यक्रम राबविण्यात येणार आहे. पुणे विभागासाठी पाच कोटी ४५ लाख ४६ हजार वृक्ष लागवडीचे उद्दिष्ट देण्यात आले आहे. त्यासाठी चार कोटी ४६ कोटी खड्ड्यांची कामे झाले असल्याची माहिती विभागीय आयुक्तालयाच्या सूत्रांनी दिली.  

गेल्या काही वर्षांपासून पर्यावरणाचे संतुलन बिघडत चालले आहे. ते अबाधित राखण्यासाठी शासनाकडून दरवर्षी वृक्ष लागवडीचा कार्यक्रम हाती घेण्यात येतो. यंदाही हा कार्यक्रम हाती घेतला जाणार आहे. त्यासाठी पुणे विभागात ३३ कोटी वृक्ष लागवड २०१९ अंतर्गत ५.४८ कोटी या एकूण लक्ष्यांकापैकी ४६.४० लाख झाडांचे वन विभाग पुनरुज्जीवन करणार असून, शिल्लक पाच कोटी एक लाख वृक्ष लागवडीसाठी खड्डे खोदले गेले आहेत. राज्यात वृक्ष लागवडीसाठी खड्डे खोदण्याची ५१.३१ टक्के कामे पूर्ण झाली आहेत. पुणे विभागात ही कामे प्रगतिपथावर आहेत. यामध्ये सातारा जिल्ह्यात १०० टक्के, पुणे जिल्ह्यात ८६ टक्के, सांगली जिल्ह्यात ९० टक्के, कोल्हापूर जिल्ह्यात ९५ टक्के, सोलापूर जिल्ह्यात ७४ टक्के कामे पूर्ण झाली आहेत.

वृक्ष लागवडीसाठी ४८४.३९ लाख रोपे आवश्यक आहे. विभागात ५४६.४० लाख रोपेनिर्मिती झाली असून, ती गरजेपेक्षा ६२ लाखांनी अधिक आहेत. त्यामुळे वृक्षलागवडीसाठी रोपांची कमतरता भासणार नसल्याचे सूत्रांनी सांगितले. यामध्ये वन विभागाकडे दोन कोटी ३७ लाख, तर सामाजिक वनीकरण विभागाकडे तीन कोटी ९ हजार अशी एकूण पाच कोटी ४६ लाख ४० हजार रोपे वृक्ष लागवडीसाठी उपलब्ध होतील.   

जिल्हा वृक्ष लागवडीचा लक्ष्यांक उपलब्ध होणारी रोपे
पुणे  १,५२,३८,००० १,६१,३१,०००
सातारा १,२४,०१,००० १,०४,१६,०००
सांगली  ७२,२९,००० ७७,४२,०००
सोलापूर  ८३,४८,०००  ८५,६२, ०००
कोल्हापूर १,१३,३०,०००  १,१७,८९,००० 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com