बुलडाणा जिल्ह्यात घाटावर सुकाळ; घाटाखाली दुष्काळ

अकोला : जिल्ह्याच्या औद्योगिक विकासासाठी आणि शेतकरी व सर्वसामान्यांच्या प्रगतीसाठी अकोला येथील औद्योगिक क्षेत्रात डाळमिल हब आणि टेक्स्टाईल पार्क उभारण्याकरिता निश्चितपणे प्रयत्नपणे प्रयत्न करू, अशी ग्वाही राज्याचे उद्योगमंत्री सुभाष देसाई यांनी दिली. ते येथे अायोजित ॲग्रो इंडस्ट्रीज मशिनरीज व फूड प्रोसेसिंग प्रदर्शनाच्या उद्‌घाटनप्रसंगी बोलत होते.

पालकमंत्री डॉ. रणजीत पाटील, महापौर विजय अग्रवाल, आमदार गोपीकिशन बाजोरिया, जिल्हाधिकारी आस्तिक कुमार पाण्डेय, कैलास खंडेलवाल, संस्थापक अध्यक्ष भीमराव धोत्रे, बुलडाणा अर्बन बँकेचे अध्यक्ष राधेश्याम चांडक आदी व्यासपीठावर उपस्थित होते.

श्री. देसाई म्हणाले, शेतकऱ्यांच्या विकासासाठी शेतमालावर आधारीत प्रक्रिया उद्योग जास्तीतजास्त प्रमाणात उभारणे गरजेचे अाहे. त्यासाठी फुड प्रोसेसिंग सारखे प्रदर्शन दिशादर्शक ठरू शकते. अकोला येथे डाळमिल हब उभारण्यासाठी उद्योग विभागाकडून निर्णय घेतला जाईल. राज्यात एकूण दहा टेक्स्टाईल पार्क उभारण्याचा शासनाने निर्णय घेतला आहे. यापैकी अमरावती येथे पहिला टेक्स्टाईल पार्क उभारण्यात आला आहे. पुढील टेक्स्टाईल पार्क उभारण्यासाठी अकोल्याला प्राधान्य दिले जाईल. सोबतच कौशल्य विकास केंद्रही उभारण्यात येईल.

एमआयडीसीतील पाण्याचा प्रश्न सोडविण्यासाठी निधीची कमतरता भासू दिली जाणार नाही. अकोला येथील विमानतळाबाबतच्या अडचणी मुख्यमंत्री देवेंद्र फडणवीस यांच्याकडे पाठपुरावा करून सोडविल्या जातील, असेही त्यांनी सांगितले. पालकमंत्री डॉ. पाटील म्हणाले, शेतकऱ्यांच्या प्रगतीसाठी शेतीला यंत्र आणि तंत्राची जोड मिळणे आवश्यक आहे. त्यासोबतच शेतकऱ्यांनी शेतीसोबतच जोडधंदे करावेत. या वेळी महापौर विजय अग्रवाल, आमदार गोपीकिशन बाजोरिया यांनीही मार्गदर्शन केले. प्रास्ताविक कैलास खंडेलवाल यांनी केले.