अमरावतीत तुर चुकाऱ्यासाठी हवे ८७ कोटी; मिळाले ३८ कोटी

संग्रहित छायाचित्र
संग्रहित छायाचित्र

 अमरावती : चुकाऱ्यांसाठी यंदा शेतकऱ्यांना त्रास होणार नाही, असे शासनाने जाहीर केले असले तरी चुकाऱ्यांसाठीचा शासकीय जाच या हंगामातही कायम आहे. जिल्ह्यात आतापर्यंत १० हजार ६६८ शेतकऱ्यांपैकी निम्म्याच शेतकऱ्यांना चुकारे मिळाले आहेत. उर्वरित शेतकऱ्यांना चुकाऱ्यांसाठी चकरा माराव्या लागत आहेत. 

नाफेडने विदर्भ व जिल्हा मार्केटिंग फेडरेशनच्या माध्यमातून तूर खरेदी केली. ‘विदर्भ’च्या पाच व जिल्हा मार्केटिंगच्या सात अशा एकूण १२ केंद्रांवरून खरेदीस सुरवात झाली. या माध्यमातून एक लाख ५३ हजार ५७० क्‍विंटल तूर खरेदी करण्यात आली आहे. या खरेदीपोटी ८७ कोटी १५ लाख रुपयांचे चुकारे अदा करायचे आहेत. ११ हजार ४२८ शेतकऱ्यांची ही तूर आहे. यापैकी विदर्भ मार्केटिंग फेडरेशनने २४७० शेतकऱ्यांचे १८ कोटी ६३ लाख व जिल्हा मार्केटिंगने २४८९ शेतकऱ्यांचे १९ लाख ७२ हजार रुपये असे एकूण ४९५९ शेतकऱ्यांचे ३८ कोटी ३५ लाख रुपये बॅंकेत जमा केले आहेत. 

या हंगामात नाफेडने गतवर्षीचा अनुभव लक्षात घेत चुकाऱ्यांची पद्धत सोपी केल्याचा दावा केला आहे. यंदा चुकारे खरेदी झाल्यानंतर पंधरा दिवसांत दिले जातील, असा त्यांचा दावा होता. मात्र शेतकऱ्यांना क्‍लेशदायक अनुभवाचा सामना करण्याची वेळ आली आहे. खरेदी करताना शेतकऱ्यांकडून बॅंक खात्याची सत्यप्रत, आधार लिंक व सातबारा उतारा मागविण्यात आला होता. नाफेडकडून चुकाऱ्याची रक्‍कम बॅंकांमध्ये जमा करण्यात आल्याचे सांगण्यात येते; तरी शेतकऱ्यांच्या खात्यात रक्‍कम जमा झाली नाही हे वास्तव आहे. पैसे मिळत नसल्याने शेतकऱ्यांनी विर्दी व जिल्हा मार्केटिंगच्या कार्यालयात चकरा मारणे सुरू केले आहे. तेथे त्यांचे अधिकाऱ्यांसोबत खटके उडू लागल्याने अधिकारी त्रस्त झाले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com