agriculture news in marathi, tur procurement process issue, parbhani, maharashta | Agrowon

नांदेड, परभणी, हिंगोली जिल्ह्यांत तूर खरेदी करण्याचे आव्हान
टीम अॅग्रोवन
गुरुवार, 26 एप्रिल 2018

परभणी : केंद्र शासनाच्या किंमत समर्थन योजनेअंतर्गत आधारभूत किंमत दराने तूर खरेदीसाठी १५ मेपर्यंत मुदतवाढ दिल्यामुळे नोंदणी केलेल्या; परंतु मोजमाप राहिलेल्या शेतकऱ्यांना दिलासा मिळाला आहे. आता नवीन नोंदणी केली जाणार नाही. मुदत वाढीच्या २० दिवसांच्या कालावधीत नांदेड, परभणी, हिंगोली या तीन जिल्ह्यांतील ४२ हजारांवर शेतकऱ्यांची तूर खरेदी करण्याचे आव्हान शासकीय यंत्रणेपुढे आहे. अपुऱ्या गोदाम व्यवस्थेमुळे खरेदीची गती संथच राहणार आहे. त्यामुळे शिल्लक शेतकऱ्यांपैकी किती जणांची तूर खरेदी केली जाईल, याबाबत अनिश्चितता आहे.

परभणी : केंद्र शासनाच्या किंमत समर्थन योजनेअंतर्गत आधारभूत किंमत दराने तूर खरेदीसाठी १५ मेपर्यंत मुदतवाढ दिल्यामुळे नोंदणी केलेल्या; परंतु मोजमाप राहिलेल्या शेतकऱ्यांना दिलासा मिळाला आहे. आता नवीन नोंदणी केली जाणार नाही. मुदत वाढीच्या २० दिवसांच्या कालावधीत नांदेड, परभणी, हिंगोली या तीन जिल्ह्यांतील ४२ हजारांवर शेतकऱ्यांची तूर खरेदी करण्याचे आव्हान शासकीय यंत्रणेपुढे आहे. अपुऱ्या गोदाम व्यवस्थेमुळे खरेदीची गती संथच राहणार आहे. त्यामुळे शिल्लक शेतकऱ्यांपैकी किती जणांची तूर खरेदी केली जाईल, याबाबत अनिश्चितता आहे.

दरम्यान, मुदत वाढ दिल्यानंतर मंगळवारी (ता.२४) या तीन जिल्ह्यांतील खरेदी केंद्रांवर तूर खरेदी सुरू करण्याचे आदेश देण्यात आले. त्यानुसार नांदेड, परभणी, हिंगोली जिल्ह्यांतील केंद्रांवर तूर खरेदी सुरू झाली असल्याचे सूत्रांनी सांगितले. नांदेड, परभणी, हिंगोली या तीन जिल्ह्यांतील नोंदणी केलेल्या ६३ हजार १४३ शेतकऱ्यांपैकी गुरुवारपर्यंत (ता.१८ एप्रिल) २० हजार ८९६  शेतकऱ्यांची २ लाख ४१ हजार ८०५ क्विंटल तूर खरेदी करण्यात आली आहे; परंतु वखार महामंडळाच्या गोदामात साठविण्यासाठी त्यापैकी ९२ हजार १६८ क्विंटल तूर खरेदी केंद्रावरच पडून आहे. त्यामुळे शेतकऱ्यांचे तब्बल ५० कोटी २३ लाख १५ हजार ६०० रुपयांचे चुकारे रखडलेले आहेत.

आधी खरेदी केंद्रावरील तूर साठविण्यासाठी गोदामाची व्यवस्था करावी लागणार आहे. त्यानंतर चुकारे मिळण्याचा मार्ग मोकळा होईल. तसेच नव्याने खरेदी केलेली तूर साठविण्यासाठी जागा होईल. सध्या हरभऱ्याचीदेखील खरेदी सुरू आहे. त्यामुळे खरेदी केलेला शेतमाल साठविण्यासाठी अडचणी येणार आहेत.

दरम्यान, वसमत, पूर्णा, मानवत या ठिकाणी प्रत्येकी १२०० टन साठवण क्षमतेचे गोदाम भाडेतत्त्वावर घेण्यात आले आहेत. खरेदी केंद्रावरील चाळण्या, वजन काट्यांची संख्या वाढविण्यात आली आहे. त्यामुळे तूर खरेदी प्रक्रियेत गती येईल, असे जिल्हा पणन अधिकारी कार्यालयाच्या सूत्रांनी सांगितले.

तूर खरेदी सुरू झाल्यानंतर सुरवातीचे काही दिवस नांदेड जिल्ह्यात प्रतिहेक्टरी १२ क्विंटल, परभणी आणि हिंगोली जिल्ह्यांत प्रतिहेक्टरी ७.५० क्विंटल तूर खरेदी केली जात होती. शासनाने दिलेल्या सुधारित सरासरी उत्पादकतेनुसार नांदेड जिल्ह्यात प्रतिहेक्टरी १०.७६ क्विंटल, परभणी जिल्ह्यात प्रतिहेक्टरी १९.४१ क्विंटल, हिंगोली जिल्ह्यात ६.०३ क्विंटल या मर्यादेत तूर खरेदी केली जात आहे.

पीक कापणी प्रयोगानुसार नांदेड जिल्ह्यात प्रतिहेक्टरी ८.९२ क्विंटल आणि परभणी जिल्ह्यात प्रतिहेक्टरी १४.९० क्विंटल एवढी तूर उत्पादकता आली आहे. परभणी जिल्ह्यात वाढीव उत्पादकतेनुसार खरेदी केली जात असल्यामुळे तुलनेने तूर खरेदी जास्त आणि शेतकरी संख्या कमी असे चित्र आहे.

इतर ताज्या घडामोडी
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...
लोकसभेसाठी माढ्यातून तुल्यबळ उमेदवारकऱ्हाड : लोकसभेसाठी माढा मतदारसंघात भारतीय जनता...
उपोषणासाठी बाजार समित्यांच्या...नाशिक : नियमनमुक्तीमुळे बाजार समित्यांचे...
परभणीतील शेतकऱ्यांचे कोल्हापुरात आंदोलनकोल्हापूर : परभणी जिल्ह्यातील नुकसानग्रस्त...
युवकांच्या सहकारी संस्था स्थापणार :...कऱ्हाड : राज्यातील सहकारी संस्थांचे सभासद हे ६०...
बाजार समित्यांमधील...नाशिक : तेलंगण, तमिळनाडू व कर्नाटकच्या धर्तीवर...
पुलवामातील हल्ल्यात बुलढाणा जिल्ह्याचे...बुलडाणा : पुलवामा येथे झालेल्या अतिरेकी ...
हल्ल्या मागे जे आहेत त्यांना शिक्षा...नवी दिल्ली : जम्मू-काश्‍मीरच्या पुलवामा...
आम्ही विसरणार नाही.. माफही करणार नाही...नवी दिल्ली- जम्मू-काश्‍मीरच्या पुलवामा जिल्ह्यात...
काश्‍मीरमधील शेतकऱ्याला थकबाकीची रक्कम...पुणे : काश्‍मीरमधील शेतकऱ्याला सफरचंदाचे पैसे...
बिबट्याच्या दहशतीखाली चोरट्यांकडून...आंबेठाण, जि. पुणे : शिंदे गाव (ता. खेड) येथे दोन...
‘डिंभे’चे पाणी जोड बोगद्याद्वारे ‘...मुंबई : डिंभे डाव्या तीर कालव्यातील गळती...
विदर्भात आज गारपीट, हलक्या पावसाचा अंदाजपुणे : पोषक हवामानामुळे आज (ता. १४) विदर्भात...
कापसासाठी ‘एमसीएक्‍स’कडून गोदामांची...मुंबई : कापूस उत्पादक शेतकऱ्यांना समृद्ध...
कर्ज देण्याच्या नावाखाली ७३ शेतकऱ्यांची...गोंदिया : कर्ज देण्याच्या नावाखाली ७३...