तीन जिल्ह्यांत एक लाख ३६ हजार क्विंटल तूर खरेदी

औरंगाबाद जिल्ह्यात पाच खरेदी केंद्रावरून तुरीची खरेदी करण्यात आली. या पाच केंद्रावरून आजवर २२७३ शेतकऱ्यांकडून २० हजार ९२५ क्‍विंटल तुरीची खरेदी करण्यात आली. जिल्ह्यात हरभऱ्याचीही पाच खरेदी केंद्र मंजूर करण्यात आली असून त्यापैकी गंगापूर, औरंगाबाद व पैठण येथे हरभऱ्याची खरेदी सुरू करण्यात आली आहे. आणखी दोन खरेदी केंद्र लवकरच सुरू करण्यात येणार असल्याची माहिती सूत्रांनी दिली.

 

उस्मानाबाद जिल्ह्यात ७ हजार ६६० शेतकऱ्यांकडून ९१ हजार क्‍विंटल तुरीची खरेदी करण्यात आली. शिवाय ३९० शेतकऱ्यांकडून ६०५० क्‍विंटल हरभऱ्याचीही खरेदी करण्यात आली आहे. जालना जिल्ह्यात आठ खरेदी केंद्रांवरून २ हजार ७२८ शेतकऱ्यांकडून २४ हजार ६९९ क्‍विंटल तुरीची खरेदी करण्यात आली आहे.

 

जालना जिल्ह्यात हरभऱ्याचे एकच खरेदी केंद्र सुरू करण्यात आले आहे. जालन्यातील या एकमेव खरेदी केंद्रावरून २० क्‍विंटल हरभऱ्याची खरेदी करण्यात आली आहे.