agriculture news in marathi, tur procurment center suddenly closed, nagar, maharashtra | Agrowon

कर्जत येथील तूर खरेदी केंद्र अचानक बंद
टीम अॅग्रोवन
शुक्रवार, 9 मार्च 2018
आमच्या केंद्रावर आतापर्यंत आठ हजार क्विंटल खरेदी झाली आहे. गेल्यावर्षी आम्ही एक लाख अठरा क्विंटल तूर खरेदी केली, तीस हजार क्विंटल उडीद खरेदी केली. दोन वर्षांत अजून एकही तक्रार नाही. मात्र पालकमंत्री प्रा. राम शिंदे यांनी जाणीवपूर्वक राजकीय आकसापोटी आमचे खरेदी केंद्र बंद केले आहे. तालुक्‍यातील शेतकऱ्यांना वेठीस धरण्याचे काम सुरू आहे.
- विठ्ठल पिसाळ, केंद्रप्रमुख, तूर खरेदी केंद्र, कर्जत.
नगर  ः शेतकऱ्यांची व्यापाऱ्याकडून होणारी लूट थांबविण्यासाठी हमीभावाने तूर खरेदी करण्यासाठी सुरू केलेले कर्जत येथील तूर खरेदी केंद्र बुधवारी (ता. ७) अचानक बंद करण्यात आले. येथे तूर विक्रीसाठी सुमारे अठराशेवर शेतकऱ्यांनी नोंदणी केली होती. त्यातील अजून बाराशेवर शेतकऱ्यांची तूर खरेदी करणे बाकी असताना जिल्हा मार्केटिंग अधिकाऱ्यांनी खरेदी केंद्र बंद करण्याचे आदेश दिले. प्रधान कार्यालयाच्या आदेशाने खरेदी केंद्र बंद केल्याचे सांगण्यात आले आहे. खरेदी केंद्र अचानक बंद केल्याने तूर उत्पादक शेतकऱ्यांची मात्र मोठी अडचण झाली आहे. 
 
जिल्ह्यात तूर खरेदीचा प्रश्‍न गेल्या वर्षीपासून सातत्याने चर्चेत आहे. यंदाही तुरीची बऱ्यापैकी उत्पादन झालेले असल्यामुळे बाजारात आवक वाढली आहे. मात्र, व्यापाऱ्यांकडून हमी दरापेक्षा कमी दराने खरेदी केली जात असल्यामुळे नाफेडमार्फत हमीभावाने तुरीची खरेदी करण्यासाठी यंदाही जिल्ह्यामध्ये नऊ ठिकाणी तूर खरेदी केंद्र सुरू करण्यात आले आहेत. सरकारी खरेदी केंद्रावर तूर विक्रीसाठी शेतकऱ्यांनी ऑनलाइन नोंदणीही केलेली आहे. खरेदी केंद्रे सुरळीत सुरू असताना बुधवारी कर्जत येथील तूर खरेदी केंद्र बंद करण्याबाबत जिल्हा मार्केटिंग अधिकारी भारत पाटील यांनी केंद्र चालकास पत्र दिले.
 
अचानक झालेल्या या निर्णयामुळे शेतकरीही अवाक झाले आहेत. येथे तूर विक्री करण्यासाठी आतापर्यंत सुमारे एक हजार आठशे शेतकऱ्यांनी ऑनलाइन नोंदणी केली होती. त्यातील साधारण पाचशे शेतकऱ्यांची तूर हमी दराने खरेदीही झाली आहे. अजूनही अनेक शेतकरी येथे तूर विक्री करण्याच्या प्रतीक्षेत आहेत.
 
अचानक खरेदी केंद्र बंद झाल्याने येथे तूर विक्रीसाठी आलेल्या शेतकऱ्यांना परत जावे लागले. विक्रीसाठी तूर आणण्याचा संदेश आल्यावर तालुक्‍याच्या दूरवरच्या भागातून शेतकरी येथे तूर विक्रीसाठी आले, मात्र खरेदी केंद्र बंद झाल्याचे कळल्यावर आता वाहतुकीचा नाहक भुर्दंड सोसावा लागणार आहे.
 
कर्जत येथील तूर खरेदी केंद्र प्रधान कार्यालयाच्या सूचनेनुसार बंद केले असे जिल्हा मार्केटिंग अधिकारी भारत पाटील यांनी सांगितले. सुरळीत सुरू असलेले तूर खरेदी केंद्र प्रधान कार्यालयाने बंद करण्यास का सांगितले, याबाबत मात्र सांगितले जात नाही. येथे तूर विक्रीसाठी नोंदणी केलेल्या शेतकऱ्यांनी शेजारच्या खरेदी केंद्रावर तूर विक्री करण्याचा सल्ला मार्केटिंग फेडरेशनने दिला आहे. शेजारी म्हणजे येथून २२ किलोमीटर अंतरावर मिरजगाव येथे तूर खरेदी केंद्र आहे. 

इतर ताज्या घडामोडी
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...
रणजितसिंहाच्या भाजप प्रवेशाने खरच...सोलापूर ः सोलापूर जिल्ह्यातील विशेषतः पश्चिम...
काँग्रेस-राष्ट्रवादीचे प्रत्येकी बारा...मुंबई ः आगामी लोकसभा निवडणुकीसाठी राज्यातील...
आचारसंहिता भंगाच्या ७१७ तक्रारीमुंबई : नागरिकांना आचारसंहिता भंगाच्या तक्रारी...
भाजपकडून लोकसभा उमेदवारांची पहिली यादी...नवी दिल्ली : पंतप्रधान नरेंद्र मोदी वाराणसी तर...
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...