agriculture news in marathi, tur procurment process and storage issue, latur, maharashtra | Agrowon

लातूर, बीड जिल्ह्यात साठवणुक जागेअभावी तूर खरेदीला ब्रेक
टीम अॅग्रोवन
सोमवार, 2 एप्रिल 2018
साठवणुकीसाठी जागेचा प्रश्‍न निर्माण झाल्याने तूर खरेदीला ब्रेक लागला आहे. जसजशी जागा उपलब्ध होईल तसतशी खरेदी केली जाईल. 
- यादव सुमठाने, जिल्हा पणन अधिकारी, लातूर. 
औरंगाबाद  : हमीभावाने तूर खरेदीसाठी नोंदणी केलेल्या शेतकऱ्यांच्या तूर खरेदीला साठवणुकीच्या जागेअभावी ब्रेक लागला आहे. लातूर जिल्ह्यात दहापैकी केवळ तीन खरेदी केंद्र शुक्रवारी (ता. ३०) सुरू होती तर बीड जिल्ह्यात १५ पैकी केवळ सहा केंद्रांवरच तुरीची खरेदी झाली. जेथे जागेचा प्रश्‍न सुटला आहे त्याच केंद्रावर खरेदी सुरू असल्याची माहिती सूत्रांनी दिली. 
 
मराठवाड्यातील लातूर, बीड, उस्मानाबाद हे जिल्हे तुरीचे आगर म्हणून प्रसिद्ध आहेत. बाजारातील दर पडल्याने शासनाने हमी दराने तुरीची खरेदी केंद्रे सुरू केली. लातूर जिल्ह्यात १० केंद्रावरून १० हजार ४२४ शेतकऱ्यांची १ लाख १० हजार ९७ क्‍विंटल तुरीची खरेदी केली गेली.
 
गतवर्षी खरेदी केलेली तूर व इतर शेतीमाल गोदामांमध्ये साठवलेला असल्याने यंदा तूर खरेदीत जागेचा प्रश्‍न भेडसावेल हे स्पष्ट होते. लातूर जिल्ह्यात शुक्रवारी त्याचा सर्वाधिक परिणाम दिसून आला. साठवणुकीच्या जागेअभावी जिल्ह्यातील १० पैकी केवळ ३ खरेदी केंद्रांवरच तुरीची खरेदी करणे शक्‍य झाले. लातूर जिल्ह्यात खरेदी केलेल्या एकूण तुरीपैकी ५५ हजार ३४१ क्‍विंटल तुरीला साठवणुकीसाठी जागाच मिळाली नाही. त्यामुळे ही तूर संबंधित खरेदी केंद्रावरच पडून आहे.
 
बीड जिल्ह्यातही यापेक्षा वेगळी स्थिती नाही. बीड जिल्ह्यात शुक्रवारी १५ पैकी केवळ सहा खरेदी केंद्रावरच तुरीची खरेदी करणे शक्‍य झाली. बीड जिल्ह्यात शनिवारपर्यंत (ता. ३१) पंधरा खरेदी केंद्रावरून १० हजार ५६७ शेतकऱ्यांची १ लाख १५ क्‍विंटल तूर खरेदी करण्यात आली. त्यापैकी तब्बल ५७ हजार ९०६ क्‍विंटल तूर अजूनही खरेदी केलेल्या केंद्रावरच पडून असल्याची माहिती सूत्रांनी दिली.
 
तुरीच्या खरेदीला साठवणुकीसाठी जागाच नसल्याने ब्रेक लागला असून हरभऱ्याच्या खरेदीलाही याच कारणाने विलंब होत असल्याचे बोलले जात आहे. गोदामात साठवणूक न होण्याने शेतकऱ्यांना विक्री केलेल्या शेतीमालाचे चुकारेही मिळण्यात अडथळा निर्माण झाला आहे.

इतर बातम्या
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
अतितीव्र हवामानस्थितीला कर्बाचे वाढते...पुणे : वातावरणातील कार्बनडाय ऑक्साईडचे (कर्ब)...
म्हसवडच्या छावणीतील झोपड्यांत...म्हसवड, जि. सातारा : भीषण दुष्काळामुळे चारा व...
`बोकटेतील बंधाऱ्यात पाणी सोडा`नाशिक : येवला, मनमाड व ३८ गावे पाणीपुरवठा...
सांगलीतील प्रकल्पांत अवघा ११ टक्के...सांगली ः ऐन उन्हाळ्याच्या तोंडावर जिल्ह्यातील लघु...
निवडणूक काळातही मिळणार ‘सन्मान'नागपूर  : शेतकऱ्यांना वर्षाला सहा हजार रुपये...
काटोल पोटनिवडणुकीला अंतरिम स्थगिती नागपूर : काटोल विधानसभा पोटनिवडणुकीला मुंबई उच्च...
मातेरेवाडीत द्राक्षबाग कोसळून लाखोंचे...नाशिक : दिंडोरी तालुक्यातील मातेरेवाडी येथील...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
‘पोक्रा’आचारसंहितेच्या कचाट्यातनांदुरा, जि. बुलडाणा : नानाजी देशमुख कृषी संजीवनी...
नगर जिल्ह्यात टॅंकरचा आकडा...नगर : गतवर्षी पावसाने दडी मारल्याने जिल्ह्यात...
मराठवाड्यात २९ लाख जनता टॅंकरवर अवलंबून औरंगाबाद : मराठवाड्यातील २९ लाख ७२ हजार ५५२...
कृष्णा खोऱ्यात पाणी देण्यासाठी...कोयनानगर, जि. सातारा ः शासनाने कोयना धरणाच्या...
दिव्‍यांग मतदारांना केंद्रावर मूलभूत...पुणे ः मतदान केंद्रावर दिव्‍यांग मतदारांना (पीपल...
परभणीत कैरी प्रतिक्विंटल ३००० ते ४५००...परभणी ः येथील पाथरी रस्त्यावरील फळे भाजीपाला...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
। तुका म्हणे कान्हा । भूक लागली नयनां ।।देहू : तुकाराम तुकाराम...असा नामघोष आणि...