बुलडाणा : विविध अडचणींचा सामना करीत बुलडाणा जिल्ह्यात तूर खरेदीने तीन लाख क्विंटलचा टप्पा गाठला अाहे. महाराष्ट्र को-अाॅप. फेडरेशन अाणि विदर्भ को-अाॅप. मार्केटिंग फेडरेशन या दोन एजन्सीमार्फत १४ केंद्रांवर जिल्ह्यात तूर खरेदी केली जात अाहे.
या हंगामात हमीभावाने तूर विक्रीसाठी जिल्ह्यातील ७७ हजार शेतकऱ्यांनी अाॅनलाइन नोंदणी केली असून, अातापर्यंत केवळ २२ हजार शेतकऱ्यांची तूर खरेदी झाली अाहे. तूर खरेदीची मुदत १८ एप्रिल असून, अाता १५ दिवसांत उरलेल्या ५५ हजार शेतकऱ्यांची तूर मोजून घेण्याचे यंत्रणांपुढे अाव्हान अाहे.
तूर खरेदी प्रक्रियेअंतर्गत महाराष्ट्र को-अाॅप. फेडरेशनने नऊ केंद्रांवर एक लाख ४० हजार ७०१ क्विंटल तूर खरेदी केली. विदर्भ मार्केटिंग फेडरेशन को-अाॅपरे.िटव्हने पाच केंद्रांवर एक लाख ६० हजार १२२ क्विंटल तुरीची खरेदी केली. दोन्ही एजन्सी मिळून तूर खरेदी तीन लाख क्विंटलवर पोचली. अातापर्यंत केवळ ३० ते ३५ टक्के नोंदणी झालेल्या शेतकऱ्यांची तूर खरेदी झाली अाहे. अाता बाकी शेतकऱ्यांची तूर खरेदी करण्याचे मोठे अाव्हान अाहे.
तूर खरेदीला फेब्रुवारी महिन्यात सुरवात झाल्यापासून विविध अडचणी येत अाहेत. त्यात प्रामुख्याने खरेदी केलेली तूर ठेवायला जागाच शिल्लक नाही. जागेअभावी तसेच सोबतच हरभरा खरेदी केली जात असल्याने अडचणीत मोठी भर पडली अाहे. तूर खरेदीचा मोठा पल्ला गाठायचा असून, गेल्या मोसमातील शिल्लक तूर अाधी हलवणे गरजेचे अाहे.
तूर खरेदीनंतर वेअरहाऊस ती ठेवली जाते. त्यानंतर चुकाऱ्यांची प्रक्रिया सुरू होते. विदर्भ मार्केटिंग फेडरेशनने बुलडाणा जिल्ह्यात सुमारे ८७ कोटींची तूर खरेदी केली. त्यापैकी ५६ कोटींचे चुकारे झाले; तर ३० कोटी अद्याप मिळायचे अाहेत. महाराष्ट्र स्टेट को-अाॅप. फेडरेशनने ७६ कोटींची खरेदी केली अाहे. यातील चुकारे मिळायचे अाहेत.
