औरंगाबाद : येत्या खरिपात मराठवाड्यातील प्रमुख पिकांची गत हंगामात आलेली उत्पादकता लक्षात घेऊन उत्पादकता प्रस्तावित करण्यात आली आहे. त्यामध्ये तुरीचे हेक्‍टरी १० क्‍विंटल ६५ किलो उत्पादन प्रस्तावित करण्यात आले आहे. शिवाय कापसाच्या रुईचे गत हंगामात हेक्‍टरी २ क्‍विंटल १४ किलो असलेले उत्पादन हेक्‍टरी ३ क्‍विंटल २५ किलो प्रस्तावित करण्यात आले आहे. राज्यस्तरीय खरिपाच्या आढावा नियोजनात मराठवाड्यातील पिकनिहाय प्रस्तावित उत्पादकतेचा आराखडा मांडण्यात आला आहे. कृषी विद्यापीठाचे तंत्रज्ञान, सुधारित बियाणे, खते, समूह शेती आदींचा प्रभावी वापर करून येत्या खरिपात प्रत्येक पिकाची उत्पादकता वाढविण्यावर भर दिला जाणार आहे. २०१७-१८ मध्ये मराठवाड्यात ज्वारीची १ लाख ५५ हेक्‍टरवर पेरणी झाली, तर उत्पादकता हेक्‍टरी ८ क्‍विंटल ६ किलो आली होती. येत्या खरिपात ज्वारीचे क्षेत्र ३ लाख ४५ हजार हेक्‍टरवर प्रस्तावित करण्यात आले असून, उत्पादकता हेक्‍टरी ९ क्‍विंटल ९० किलो प्रस्तावित करण्यात आली आहे. गत हंगामात बाजरीची १ लाख ३६ हजार हेक्‍टरवर पेरणी झाली, तर उत्पादकता हेक्‍टरी ४ क्‍विंटल ९९ किलो आली होती. येत्या खरिपात १ लाख ६९ हजार हेक्‍टरवर बाजरीचे क्षेत्र प्रस्तावित करण्यात आली असून, हेक्‍टरी ६ क्‍विंटल उत्पादकता प्रस्तावित करण्यात आली आहे. मकाची गत हंगामात २ लाख ८० हजार हेक्‍टरवर पेरणी झाली, तर उत्पादकता हेक्‍टरी १३ क्‍विंटल २२ किलो आली होती. येत्या खरिपात मकाचे क्षेत्र ३ लाख ४० हजार हेक्‍टरवर प्रस्तावित करण्यात आले असून, उत्पादकता हेक्‍टरी १५ क्‍विंटल ८५ किलो प्रस्तावित करण्यात आली आहे. गत खरिपात मुगाची १ लाख ८९ हजार हेक्‍टरवर पेरणी झाली तर हेक्‍टरी २ क्‍विंटल ७२ किलो उत्पादन झाले होते. येत्या खरिपात मुगाचे क्षेत्र २ लाख २४ हजार हेक्‍टरवर प्रस्तावित करण्यात आले असून, उत्पादकता हेक्‍टरी ४ क्‍विंटल ८५ किलो प्रस्तावित करण्यात आली आहे. गत खरिपात उडदाची १ लाख ८३ हजार हेक्‍टरवर पेरणी झाली होती, तर उत्पादकता हेक्‍टरी ३ क्‍विंटल ५५ किलो आली होती. येत्या खरिपात उडदाचे क्षेत्र २ लाख ३ हजार हेक्‍टरवर तर उत्पादकता हेक्‍टरी ५ क्‍विंटल ५ किलो प्रस्तावित करण्यात आली आहे. सोयाबीनची गत हंगामात १७ लाख २५ हजार हेक्‍टरवर पेरणी झाली होती. तर उत्पादन हेक्‍टरी ८ क्‍विंटल ५६ किलो आली होती. येत्या खरिपात १५ लाख ५२ हजार हेक्‍टरवर सोयाबीनचे क्षेत्र प्रस्तावित करण्यात आले असून, उत्पादन हेक्‍टरी १० क्‍विंटल ५५ किलो प्रस्तावित करण्यात आले आहे. गत खरिपात १५ लाख ९२ हजार हेक्‍टरवर लागवड झालेले कपाशीचे क्षेत्र येत्या खरिपात १६ लाख २१ हजार हेक्‍टरवर प्रस्तावित करण्यात आले आहे.
| ज्वारी | ८ क्‍विंटल २४ किलो |
| बाजरी | ४ क्‍विंटल ०८ किलो. |
| मका | १० क्‍विंटल ०९ किलो |
| तूर | ७ क्‍विंटल १० किलो |
| मूग | ४ क्‍विंटल ०२ किलो |
| उडीद | ४ क्‍विंटल २१ किलो |
| सोयाबीन | ८ क्‍विंटल ७६ किलो |
| कापूस | २ क्‍विंटल ६८ किलो |
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.