सांगली जिल्ह्यात तूर खरेदीची मर्यादा वाढविली

सांगली जिल्ह्यात तूर खरेदीची मर्यादा वाढविली
सांगली जिल्ह्यात तूर खरेदीची मर्यादा वाढविली

सांगली : बाजार समितीत तूर खरेंदी केंद्र सुरू झाले आहे. शासनाच्या नियमानुसार केवळ हेक्‍टरी ३.५० क्विंटल तूर खरेदी केली जात होती. मात्र, तुरीची उत्पादकता पाहून हेक्‍टरी साडेतीन क्विंटलऐवजी पाच क्विंटल तूर खरेदी करण्याचा निर्णय घेतला आहे. जिल्ह्यातील ६०० तूर उत्पाकद शेतकऱ्यांनी आजअखेर नोंदणी केली आहे. अशी माहिती जिल्हा मार्केटिंगच्या सूत्रांनी दिली. नाफेडमार्फत सांगली मार्केट यार्डात सेंट्रल वेअर हाउस येथे हमीभावाने तूर खरेदी केंद्र सुरू झाले आहे. तुरीची खरेदी शुक्रवारी (ता. २) सुरू झाली आहे. तुरीला क्विंटलला ५ हजार ४५० रुपये हमीभाव आहे. मात्र बाजारात ४ हजार १०० रुपये दर आहे. तुरीचे दर घसरल्याने खरेदी केंद्र सुरू झाले आहे. मंगळवार(ता. ६)अखेर सुमारे ६०० शेतकऱ्यांनी तूर विक्रीसाठी नोंदणी केली आहे. यामुळे जिल्ह्यातील जत, आटपाडी तालुक्‍यांसह अन्य भागांतील शेतकऱ्यांनी हमीभावात तुरीची विक्री करण्यासाठी नोंदणी केली होती. त्यानुसार तुरीची विक्री करण्यासाठी शेतकरी आले. शासनाच्या नियमानुसार केवळ हेक्‍टरी साडेतीन क्विंटलची खरेदी होत असल्याने शेतकऱ्यांच्यात तीव्र नाराजी व्यक्त झाली. तूर खरेदी न झाल्याने शेतकऱ्यांना परत जावे लागते. मात्र पीक कापणी प्रयोग अहवालानुसार सांगली जिल्ह्यात हेक्‍टरी ३.५० क्विंटल तूर खरेदी करण्याबाबत शासनाचे पत्र आले. त्यामुळे काही शेतकऱ्यांना साडेतीन क्विंटलवरील तूर परत न्यावी लागली होती. खरेदी केंद्राच्या पहिल्याच दिवशी शेतकऱ्यांना मोठा त्रास सहन करावा लागला. जत तालुक्‍यातील अनेक शेतकऱ्यांची साडेतीन क्विंटलवरील तूर खरेदी केली नाही. जादाची २२ क्विंटल तूर घेऊन टेंपो परत असताना त्यांना लगेचच परत बोलावून तूर खरेदी केली. शेतकऱ्यांचे नुकसान होऊ नये म्हणून वरिष्ठ कार्यालयाशी संपर्क साधून हेक्‍टरी ५ क्विंटलने खरेदीचा निर्णय झाल्याचे सांगण्यात आले. जत तालुक्‍यात खरेदी केंद्र सुरू करा जत तालुक्‍यातून एक शेतकरी २२ पोती तूर घेऊन सांगली येथे तूर खरेदी केंद्रावर विक्रीसाठी येतोय. त्यासाठी गाडी भाडे, वेळ आणि श्रम वाया जात आहेत. यामुळे जत येथील बाजार समितीत तूर खरेदी केंद्र सुरू केले, तर शेतकऱ्यांना वेळेत तूर विक्री करण्यास मदत होईल. यासाठी जत बाजार समितीत तूर खरेदी केंद्र लवकरात लवकर सुरू करावी, अशी मागणी तूर उत्पादक शेतकरी करू लागले आहेत. हमीभावाने तूर खरेदीसाठी सहाशेहून अधिक शेतकऱ्यांनी नोंदणी केलेली आहे. दररोज वीस ते पंचवीस शेतकऱ्यांना खरेदी केंद्रावर तूर आणण्याचे मेसेज दिले जात आहेत. तूर खरेदी केंद्रावर आणताना स्वच्छ व वाळवून आणावी. - आर. एन. दानोळे, जिल्हा मार्केटिंग अधिकारी, सांगली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com