agriculture news in marathi, tur purchase payment release, akola, maharshtra | Agrowon

तुरीच्या रखडलेल्या चुकाऱ्यांचा मार्ग मोकळा
गोपाल हागे
बुधवार, 4 ऑक्टोबर 2017
वाशीम : यंदाच्या हंगामात २६ जुलै ते ३१ ऑगस्टदरम्यान बाजार हस्तक्षेप योजनेअंतर्गत विक्री केलेल्या तुरीचे कोट्यवधींचे चुकारे थकले होते. एकट्या वाशीम जिल्ह्यात ही रक्कम ८५ कोटी ७३ लाख एवढी होती. हा निधी जिल्हा प्रशासनाला प्राप्त झाला असून, त्याच्या वितरणाची प्रक्रिया सुरू करण्यात आली आहे.
 
वाशीम : यंदाच्या हंगामात २६ जुलै ते ३१ ऑगस्टदरम्यान बाजार हस्तक्षेप योजनेअंतर्गत विक्री केलेल्या तुरीचे कोट्यवधींचे चुकारे थकले होते. एकट्या वाशीम जिल्ह्यात ही रक्कम ८५ कोटी ७३ लाख एवढी होती. हा निधी जिल्हा प्रशासनाला प्राप्त झाला असून, त्याच्या वितरणाची प्रक्रिया सुरू करण्यात आली आहे.
 
उपरोक्त काळात जिल्ह्यात एक लाख ६९ हजार ७८० क्विंटल तूर प्रशासनाने खरेदी केली आहे. बुलडाणा, अकोला व वाशीम जिल्हे मिळून २२४ कोटींचा निधी मिळाला आहे.बाजार हस्तक्षेप योजनेअंतर्गत शासनाने नाफेडच्या सहकार्याने ३१ ऑगस्टपर्यंत तुरीचे मोजमाप करून घेतले. दरम्यान, महिनाभर चुकारे रखडले होते. याबाबत वारंवार निधी उपलब्ध करून देण्याची शासनाकडे मागणी झाली. अखेरीस हा निधी जिल्ह्यांना वळता करण्याची प्रक्रिया सुरू झाली आहे. 
 
या निधीचे धनादेश तयार करून संबंधित शेतकऱ्यांना दिले जाणार आहेत. यासाठी शेतकऱ्यांना त्यांच्या खरेदी-विक्री संघात संपर्क साधावा लागेल. तेथे तूर विकल्याची पावती, आधार कार्ड, सातबारा उतारा सोबत नेल्यानंतर संबंधित अधिकारी पडताळणी करतील. कागदपत्रांची चाचपणी झाल्यानंतर धनादेश दिले जातील. वाशीम जिल्ह्यात वाशीम, अनसिंग, मालेगाव, मंगरुळपीर, कारंजा, रिसोड या केंद्रावर तुरीची खरेदी झाली. एक लाख ६९ हजार क्विंटल तुरीची ८५ कोटी ७३ लाख ८९ हजार रुपये थकीत होते. शासनाकडून ही रक्कम देण्यात आली आहे. 
 
शासनाने वाशीम, अकोला आणि जिल्ह्यांसाठी एकूण २२४ कोटी रुपये मंजूर केले आहेत. त्यात वाशीमचा वाटा ८५ कोटी ७३ लाख एवढा आहे. सुमारे ५५ कोटी रुपये अकोला जिल्ह्यातील शेतकऱ्यांना वितरीत केले जाणार आहेत तर बुलडाणा जिल्ह्यासाठी ८३ कोटी मिळाले असून हा निधी शेतकऱ्यांना वितरित करण्यात आला आहे.
 
तुरीचे चुकारे रखडल्याने शेतकऱ्यांची मोठी अडचण झाली होती. हा पैसा मिळाल्यानंतर अनेकांना रब्बी हंगामासाठी नियोजन करायचे होते. त्यामुळे शेतकरी पैशांसाठी वारंवार खरेदी-विक्री संघाच्या कार्यालयात चकरा मारत होते. आता हा निधी मोकळा झाला असून, लवकरच शेतकऱ्यांच्या खात्यात निधी जमा होणार आहे. हा पैसा रब्बी पिकांच्या लागवडीसाठी तसेच आगामी दिवाळी सणासाठी शेतकऱ्यांना उपयोगी ठरेल.

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...