agriculture news in Marathi, tur purchasing stuck in online registration in State, Maharashtra | Agrowon

तूर खरेदी अडकली नोंदणीतच
हरी तुगावकर
मंगळवार, 23 जानेवारी 2018

हमीभावाने खरेदी केंद्र सुरू केले तर बाजारपेठेवर परिणाम होईल हे खरे आहे; पण शासनाच्या खरेदी केंद्रांवर शेतकऱ्यांना मोठा मनस्ताप सहन करावा लागत आहे. गेल्या वर्षीचा वाईट अनुभव माझ्या पाठीशी आहे. शासनाचे धोरण चांगले आहे; पण राबविणारे चुकीचे आहेत. 
- नंदकुमार चामले, शेतकरी, धनेगाव, ता. लातूर
 

लातूर ः तेलंगणा, कर्नाटक राज्याने हमीभावाप्रमाणे तुरीची खरेदी सुरू केली आहे. महाराष्ट्र मात्र आॅनलाइन नोंदणीच्या प्रक्रियेतच अडकल्याचे चित्र आहे. हमीभावाने तूर खरेदी केंद्र सुरू होत नसल्याने बाजारभाव पडलेले आहेत. हमीभावापेक्षा बाजारात सध्या सर्वसाधारण दर १३०० रुपयांनी कमी आहेत. तुरीची आवक कमी असतानाही ही परिस्थिती आहे. तुरीची आवक वाढल्यानंतर तर हे भाव आणखीनच कोसळण्याची शक्यता आहे. 

या वर्षी केंद्र शासनाने तुरीसाठी पाच हजार ४५० रुपये क्विंटल हमीभाव जाहीर केला आहे. केंद्र शासनाच्या आयात- निर्यात धोरणाचा किंचितसा परिणाम बाजारपेठेवर झालेला दिसत आहे. त्यामुळे चार हजार रुपयांच्या वर तूर गेली; पण शासनाच्या एनसीडीईएक्सवर हमीभावापेक्षा कमी दराने तुरीची खरेदी केली गेली आहे. 

दीड ते दोन हजार रुपये हमीभावापेक्षा कमी दराने ही खरेदी केल्याने त्याचाही परिणाम बाजारपेठेवर झाल्याचे दिसून येत आहे. सट्टेबाजांनी यात हात धुऊन घेतल्याचे सांगितले जाते. एक महिन्यापासून तुरीची आवक सुरू झाली आहे. या एक महिन्यात फक्त एकच दिवस चार हजार सातशे रुपये भाव गेला. उर्वरित मात्र सरासरी चार हजार ते साडेचार हजार रुपयेच भाव राहिला आहे. लातूरसह अकोला, सोलापूर, जळगाव अशा महत्त्वाच्या बाजारपेठांत हाच भाव राहिला आहे. हमीभावापेक्षा एक हजार रुपये कमी दराने तूर विक्री करण्याची वेळ शेतकऱ्यांवर आली आहे. 

बाजार तुटत असल्याने खरेदीदार या मानसिकतेतून बाहेर यायलाच तयार नाहीत. त्यामुळे तूरडाळीला उठावच नाही. मागणी नसल्याने त्याचा परिणामही आता बाजारपेठेवर दिसून येत आहे. तसेच, शासनाने गेल्या वर्षी खरेदी केलेली ६५ लाख तूर विक्रीस काढली आहे. बाजारभावाप्रमाणेच त्याचा लिलाव होत आहे. शासनच हमीभावापेक्षा कमी दराने तुरीची विक्री करीत असल्याचा परिणामदेखील बाजारपेठेवर होत आहे. तेलंगणने आतापर्यंत ३३ हजार ५०२ क्विंटल, तर कर्नाटकने १० हजार ५६९ टन तुरीची खरेदी केली आहे. कर्नाटक राज्य तर हमीभावाच्या वर राज्य शासनाचा बोनसही देऊन शेतकऱ्यांना दिलासा देत आहे. 

आवक कमी तरीही...
गत वर्षी डिसेंबरमध्ये तुरीची हमीभावाने खरेदी करणारे महाराष्ट्र मात्र सध्या जाहिरातबाजीतच मश्गुल आहे. आॅनलाइन नोंदणीच्या प्रक्रियेतच शासन अडकले आहे. हमीभावाने खरेदी केंद्रे सुरू झाली तरच बाजारपेठेतील भावातही वाढ होण्याची शक्यता आहे. लातूरसारख्या बाजारपेठेत सात-आठ हजार क्विंटलची आवक आहे. आवक कमी असताना भाव वाढत नाहीत. आवक वाढल्यानंतर तर आणखी भाव कोसळण्याची शक्यता आहे. 

प्रतिक्रिया
सध्या आयात कमी असतानासुद्धा तुरीचा भाव पडलेला आहे. शासनाने खरेदी केंद्र सुरू केले तर हा भाव वाढण्यास मदत होणार आहे. यासोबतच कुपोषणमुक्तीसाठी प्रथिने गरजेची आहेत, ती डाळीतून मिळतात. याचा प्रचारही करण्याची गरज आहे. 
- हुकूमचंद कलंत्री, तुरीचे व्यापारी

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...