नागपुरात तुरीच्या दरात घसरण

नागपुरात तुरीच्या दरात घसरण
नागपुरात तुरीच्या दरात घसरण

नागपूर : येथील कळमणा बाजारात आठवड्याच्या सुरवातीला वधारलेले तुरीचे दर खाली येण्यास सुरवात झाली आहे. आवक वाढल्याच्या परिणामी तुरीचे दरात घसरल्याचे व्यापाऱ्यांनी सांगितले. ३६०० ते ४६०० रुपये प्रती क्‍विंटल असा तुरीचा दर होता, हा दर आता ३६०० ते ४१०० रुपयांवर पोचला आहे.  आठवड्याच्या सुरवातीला बाजारात तुरीची अवघी ६० ते ६५ क्‍विंटल अशी जेमतेम आवक होती. दरम्यान १९ जानेवारीपासून आवकेत वाढ होत ती २२८ क्‍विंटलवर पोचली. सद्यस्थितीत तुरीचे व्यवहार ३६०० ते ४१०० रुपये प्रती क्‍विंटलने होत आहेत. सुरवातीला हेच दर ४६०० रुपये प्रती क्‍विंटलवर गेले होते. शासनाने तूरीला ५४५० रुपयांचा हमीभाव जाहीर केला असला तरी शासकीय खरेदी केंद्र अद्याप सुरू झाले नाही. शासकीय खरेदी सुरू झाल्यानंतर दरात काही अंशी सुधारणा होण्याचा अंदाज वर्तविला जात आहे. सोयाबीनची आवक ७०० ते १००० क्‍विंटल अशी आहे. २८०० ते ३१०० रुपये प्रती क्‍विंटलचा दर सुरवातीला होता. त्यात सुधारणा होत हे दर ३३०० रुपये क्‍विंटलपर्यंत पोचले आहेत.  मोठ्या आकाराचा संत्रा २००० ते २५०० रुपये क्‍विंटलवर स्थीर आहे. ६० क्‍विंटलपासून २०० क्‍विंटलपर्यंत संत्र्याची आवक बाजारात होत आहे. १७०० क्‍विंटल अशी मोसंबीची सरासरी आवक आहे. मोठ्या आकाराच्या मोसंबी फळांना १६०० ते २००० रुपये प्रती क्‍विंटलचा दर मिळत आहे. डाळींबाचे दर १००० ते ५००० रुपये प्रती क्‍विंटल असे स्थिर आहेत. डाळिंबाची आवक ११०० ते १५०० क्‍विंटल अशी दररोजची आहे. बाजारात बटाट्याची आवकदेखील ५५०० ते ९००० क्‍विंटलची आहे. बटाट्याचे बाजारात दर सरासरी ४०० ते ८०० रुपये प्रती क्‍विंटल असे गेल्या आठवड्यापासून स्थिर आहेत. २००० ते ३५०० रुपये प्रती क्‍विंटल असा लाल कांद्याचा तर १८०० ते २५०० रुपये प्रती क्‍विंटल असा पांढऱ्या कांद्याचा दर आहे. कांदा आवक  दररोजची सरासरी २००० क्‍विंटलची आहे.  आठवडयाच्या सुरवातीला ७०० ते १००० रुपये प्रती क्‍विंटल असलेल्या टोमॅटोच्या दरात चांगलीच घसरण नोंदविण्यात आली. टोमॅटो दर २० जानेवारीला ४०० ते ६०० रुपये प्रती क्‍विंटलवर पोचले होते. या दरात काही अंशी सुधारणा होण्याचा अंदाज व्यापारी वर्तवित आहेत. टोमॅटोची सरासरी आवक १०० ते १५० क्‍विंटल अशी आहे. २००० ते २५०० रुपये प्रती क्‍विंटल चवळी शेंग होती. या शेंगाचे दर वधारत २५०० ते ३००० रुपये प्रती क्‍विंटलवर पोचले आहेत. १७ जानेवारी रोजी ३५०० रुपये प्रती क्‍विंटलचा दरही चवळी शेंगांना मिळाला. भेंडी २५०० ते ३००० रुपये प्रती क्‍विंटलवर आठवडाभरापासून स्थिर आहे. १०० ते १२० क्‍विंटल अशी भेंडीची सरासरी आवक आहे. ढोबळ्या मिरचीची आवक बाजारात १७० क्‍विंटलची आहे. १४०० ते १६०० रुपये प्रती क्‍विंटलचा दर या मिरचीला मिळत आहे. फुलकोबी सुरवातीला १२०० ते १८०० रुपये प्रती क्‍विंटल होती. त्यात घसरण होत हे दर ५०० ते ८०० रुपये प्रती क्‍विंटलवर पोचले आहेत. २७० क्‍विंटलची कोबीची आवक आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com