agriculture news in marathi, tur storage issue in marathwada, maharashtra | Agrowon

तीन जिल्ह्यांत एक लाख क्‍विंटल तूर जागेअभावी केंद्रावरच पडून
टीम अॅग्रोवन
गुरुवार, 22 मार्च 2018
औरंगाबाद  : खरेदी केंद्रे सुरू होऊन तूर खरेदीही झाली. परंतु लातूर आणि बीड आणि उस्मानाबाद या तीन जिल्ह्यांतच जवळपास १ लाख १० हजार क्‍विंटल तूर जागेअभावी खरेदी केंद्रावरच पडून आहे.
 
यामध्ये लातूर जिल्ह्यातील ३० हजार, बीड जिल्ह्यातील ६० हजार, तर उस्मानाबाद जिल्ह्यातील जवळपास २२ हजार क्‍विंटल तुरीचा समावेश आहे. सारं काही ऑनलाइन पद्धतीने झालेल्या या प्रक्रियेत तूर विक्री करणाऱ्या शेतकऱ्यांना विक्री केलेल्या मालाचे पैसे अजूनही मिळाले नसल्याचे चित्र आहे. 
 
औरंगाबाद  : खरेदी केंद्रे सुरू होऊन तूर खरेदीही झाली. परंतु लातूर आणि बीड आणि उस्मानाबाद या तीन जिल्ह्यांतच जवळपास १ लाख १० हजार क्‍विंटल तूर जागेअभावी खरेदी केंद्रावरच पडून आहे.
 
यामध्ये लातूर जिल्ह्यातील ३० हजार, बीड जिल्ह्यातील ६० हजार, तर उस्मानाबाद जिल्ह्यातील जवळपास २२ हजार क्‍विंटल तुरीचा समावेश आहे. सारं काही ऑनलाइन पद्धतीने झालेल्या या प्रक्रियेत तूर विक्री करणाऱ्या शेतकऱ्यांना विक्री केलेल्या मालाचे पैसे अजूनही मिळाले नसल्याचे चित्र आहे. 
 
तुरीचे आगर म्हणून ओळखल्या जाणाऱ्या लातूर जिल्ह्यात यंदा हमीभावाने तूर खरेदीसाठी दहा केंद्रे सुरू करण्यात आली. या दहा केंद्रांवरून ८८७४ शेतकऱ्यांची ८४ हजार ८११ क्‍विंटल तुरीची खरेदी करण्यात आली. साठवणुकीसाठी आवश्‍यक जागेअभावी ३० हजार ५६ क्‍विंटल तूर अजूनही संबंधित केंद्रावर पडून आहे. वेअर हाउसमध्ये ५४ हजार ७५५ क्‍विंटल तूर साठविण्यात आली आहे. खरेदी करण्यात आलेल्या तुरीच्या चुकाऱ्यापोटी ४६ कोटी २२ लाख २४ हजार ९१५ रुपये शेतकऱ्यांना देणे बाकी आहे, असे सूत्रांनी सांगितले.
 
बीड जिल्ह्यात ८८४६ शेतकऱ्यांची ८३ हजार ४२८ क्‍विंटल तूर खरेदी करण्यात आली. साठवणुकीच्या जागेची सर्वाधिक अडचण असलेल्या बीड जिल्ह्यात खरेदी केलेल्या तुरीपैकी तब्बल ६० हजार क्‍विंटल तूर केंद्रावरच पडून आहे. केवळ २२ हजार ९८० क्‍विंटल तूर गोदामामध्ये साठविण्यात आली आहे. उस्मानाबाद जिल्ह्यात जवळपास ५८ हजार क्‍विंटल तुरीची खरेदी करण्यात आली. त्यापैकी जवळपास २२ हजार क्‍विंटल तूर जागेअभावी खरेदी केंद्रावरच आहे. अपेक्षित चुकाऱ्याची रक्‍कम अजूनही शेतकऱ्यांच्या खाती वर्ग होणे बाकी असल्याची माहिती सूत्रांनी दिली.
 
बहुतांश जिल्ह्यात हरभऱ्याची नोंदणीच सुरू आहे. दुसरीकडे बीड जिल्ह्यात हरभरा खरेदीसाठी मंजूर १४ केंद्रांपैकी अंबाजोगाई आणि आष्टी या दोन खरेदी केंद्रांवर ७१ शेतकऱ्यांच्या ९१८ क्‍विंटल २६ किलो हरभऱ्याची खरेदी करण्यात आली आहे. अंबाजोगाईच्या केंद्रावर ४६४ क्‍विंटल, तर आष्टीच्या केंद्रावर ४५३ क्‍विंटल हरभऱ्याची खरेदी झाल्याची नोंद आहे. जागेअभावी खरेदी केलेला हरभराही केंद्रावरच पडून आहे. 

इतर ताज्या घडामोडी
संत्रा पिकाबाबतच्या उपाययोजनांचा अहवाल...नागपूर  ः संत्रा उत्पादकांचे आर्थिक हित...
सूक्ष्म सिंचन विस्तारातील अडचणी, पर्याय...औरंगाबाद   : औरंगाबाद येथे आयोजित...
‘ई- टेंडरिंग’ रेशीम उत्पादकांच्या मुळावरपुणे  ः राज्यात पाणीटंचाईमुळे सर्वत्र...
आंदोलनामुळे शेतकऱ्यांना मिळाले ७४...पुणे  : साखर आयुक्तालयासमोर गेल्या तीन...
रोहित पवार यांनी वाढवला नगर जिल्ह्यात... नगर : कर्जत-जामखेड विधानसभा मतदारसंघात मरगळ...
लोणार तालुक्यात कडाक्याच्या थंडीमुळे...बुलडाणा : जिल्ह्यात द्राक्ष शेती टिकवून ठेवण्यात...
कृषी सल्ला (कोकण विभाग)भात रोप अवस्था : उन्हाळी भात रोपवाटिकेस...
थंडीच्या काळात केळी बागांची काळजीकेळीच्या पानांवर कमी तापमानाचे दुष्परिणाम २ ते ४...
पहाटे, रात्री थंडीचे प्रमाण अधिक राहीलमहाराष्ट्राच्या सह्याद्री पर्वत रांगावर १०१४...
पाणंद रस्त्यांची निविदा प्रक्रिया सुरू अकोला : शासनाच्या पाणंद रस्ते योजनेतून...
`साखर उद्योगातील संघटित गुन्हेगारी...मुंबई : गेल्या वर्षीच्या हंगामातील ७०-३०...
शासकीय दूध डेअरीत अमोनियाची गळतीअकोला : येथील मूर्तिजापूर मार्गावर असलेल्या...
कृषी योजनेतील विहिरींनाही दुष्काळाचा...धुळे : अत्यल्प पावसामुळे खानदेशात विहिरींनी...
नागपुरात `जलयुक्‍त`चा निधी आटलानागपूर : फडणवीस सरकारची महत्त्वाकांशी योजना...
मराठवाड्याची ७६२ कोटींची अतिरिक्‍त...औरंगाबाद ः शासनाने कळविलेल्या आर्थिक मर्यादेच्या...
नत्राच्या कार्यक्षम वापरासाठी सेन्सरचा...कृषी क्षेत्रातून होणाऱ्या नत्रांच्या प्रदूषणाची...
कृषिक प्रदर्शनातील प्रात्यक्षिके पाहून...बारामती, जि. पुणे ः कृषिक प्रदर्शनाच्या दुसऱ्या...
जाती-धर्माच्या भिंती तोडणे हीच स्व....इस्लामपूर, जि. सांगली : लोकनेते राजारामबापू पाटील...
पशुधन संख्येनुसार चारा उपलब्ध करून द्यापरभणी ः परभणी जिल्ह्यात गेल्या काही वर्षांत पशुधन...
ज्वारी, हरभरा, करडईच्या पेरणी...परभणी ः जिल्ह्यात यंदा ज्वारी, हरभरा, करडई या तीन...