agriculture news in marathi, Turn to the scientific method for goats farm | Agrowon

शेळीपालनात शास्त्रोक्‍त पद्धतीकडे वळा
टीम अॅग्रोवन
सोमवार, 22 जानेवारी 2018

जालना : शेळीपालनाला आता गोट फार्म असे आधुनिक नाव मिळाले आहे. त्याअनुषंगाने आपल्या शेळीपालनाच्या पारंपरिक पद्धती सोडून शास्त्रोक्‍त पद्धतीने शेळीपालन करण्याची गरज असल्याचा सल्ला पशुतज्ज्ञ डॉ. श्रीकांत सटाले यांनी दिला.

जालना : शेळीपालनाला आता गोट फार्म असे आधुनिक नाव मिळाले आहे. त्याअनुषंगाने आपल्या शेळीपालनाच्या पारंपरिक पद्धती सोडून शास्त्रोक्‍त पद्धतीने शेळीपालन करण्याची गरज असल्याचा सल्ला पशुतज्ज्ञ डॉ. श्रीकांत सटाले यांनी दिला.

सकाळ ॲग्रोवनच्या वतीने जालन्यातील आझाद मैदानावर आयोजित प्रदर्शनाच्या दुसऱ्या दिवशी शनिवारी (ता. २०) आधुनिक व व्यावसायिक शेळीपालन या विषयावर पशुतज्ज्ञ डॉ. सटाले यांनी उपस्थित शेतकऱ्यांना मार्गदर्शन केले. डॉ. सटाले म्हणाले, शेळीपालन एक सक्षम पर्यायी पूरक उद्योग म्हणून पुढे आला आहे; परंतु या उद्योगाकडे छंद म्हणून नव्हे, तर व्यवसाय म्हणून बघण्याची गरज आहे. अत्यल्प खर्चाचा, मार्केटिंग करण्याची गरज नसलेला, कोणतेही प्रशिक्षण वा प्रमाणपत्राची गरज नसलेला हा उद्योग आहे.

फक्‍त आपल्याला हा उद्योग नेमका कशासाठी करायचा ते ठरवून त्यानुसार शेळ्यांचे आहार, स्वच्छता, आरोग्य आदींचे व्यवस्थापन केल्यास शेळीपालनात हमखास उत्पन्न मिळते. मटनाच्या अनुषंगाने शेळीपालन करू इच्छिणाऱ्यांनी कोणत्या भागात कोणत्या शेळीच्या मांसाला मागणी आहे, त्याचा अभ्यास करूनच शेळीपालन करावे. पुणे, मुंबईसारख्या शहराच्या परिसरातील शेतकऱ्यांनी आता डेंगीवर शेळीचे दुध गुणकारी असल्याचे पुढे आल्याने शेळीचे डेअरीमार्फत दुध विक्री करणे सुरू केले आहे.

मराठवाडा, विदर्भासारख्या भागात मात्र अशा पद्धतीने दुधाची विक्री करता येणे शक्‍य नाही. त्यामुळे शेतकऱ्यांनी शेळीपालनाचा पर्याय निवडताना आपल्या वातावरणाशी समरस झालेल्या उस्मानाबादी, संगमनेरी, थॅलीचरी, बेरारी वा कोकन कन्या या शेळीच्या जातीची निवड करणे जास्त फायद्याचे ठरते, असे डॉ. सटाले यांनी सांगितले.

मध्यम वजन, दोन वर्षांत तीन वेळा वेत, प्रत्येक वेताला दोन पिले देण्याची क्षमता आपल्या राज्यातील विविध भागानुसार समरस झालेल्या शेळ्यांच्या वानामध्ये आहे. पालनासाठी शेळ्यांची निवड करताना बाजारातून शेळ्या विकत घेणे कटाक्षाने टाळा. कास व पिले बघून शेळ्यांची निवड करण्याचा सल्ला डॉ. सटाले यांनी दिला.

कृत्रिम रेतन पद्धतीने शेळी भरता येणे शक्‍य असल्याने त्याकडेही शेळीपालकांनी जाणीवपूर्वक लक्ष देणे गरजेचे आहे. शेळीपालन रुपयात नव्हे, तर पैशात केल्यास फायद्याचे ठरू शकते. लसीकरण, जंतनाशक, आदींविषयीही डॉ. सटाले यांनी शेतकऱ्यांना मार्गर्शन केले.

महत्त्वाचे सल्ले
  -  बाजारातून शेळ्या निवडणे टाळा
  -  वजन वाढविण्यासाठी लहानपणी प्रोटीनयुक्‍त चारा द्या
  -  जन्मानंतर पिलाला अर्ध्या तासात चिक पाजल्याने पिलाची प्रतिकारक्षमता वाढते  
  - पाच टक्‍क्‍यांपेक्षा जास्त मरतूक नको.
  -  शेळ्यांना लस देणे टाळू नका.
  - लेंडी तपासून जंतनाशक द्या.
  -  विभागून चारा देण्याची सोय करा.
  -  दिवसभरात सकाळी खुराक, दहा वाजता लसूनघास, दुपारी ऊर्जा चारा, संध्याकाळी झाडपाला असे आहाराचे नियोजन हवे.

इतर ताज्या घडामोडी
....अन्यथा एक जूनपासून आर-पारची लढाई औरंगाबाद : शेतकरी संपाच्या वेळी मागण्या मान्य...
ऊसदरातील कपात रद्द करण्याची साताऱ्यातील... सातारा  ः साखरेच्या दरात घसरण झाल्यामुळे...
अॅग्रोवन कृषी प्रदर्शनाला शेतकऱ्यांचा... नगर ः येथे सुरू असलेल्या ‘सकाळ - अॅग्रोवन’ कृषी...
‘निर्यातक्षम उत्पादनासाठी डाळिंबाचा...नगर  : डाळिंबाची सर्वच ठिकाणी लागवड वाढत आहे...
धुळ्यातील मुळ्याला परराज्यातून मागणी धुळे  : जिल्ह्यातील न्याहळोद व परिसरातील...
‘म्हैसाळ’च्या पाण्यासाठी होणार आंदोलन सांगली  ः म्हैसाळ योजना थकबाकीमुळे बंद आहे...
औरंगाबादेत 'रयत क्रांती'कडून पुतळा दहनऔरंगाबाद : कृषी व पणन राज्यमंत्री सदाभाऊ खोत...
देगाव फूड पार्कचे गुरुवारी उद्‌घाटन ः...पुणे ः प्रक्रिया उद्याेगांतून राेजगारनिर्मितीसह...
गुहागर तालुक्यात गवा रेडा पडला विहिरीतगुहागर - तालुक्यातील मुंढर आदिवाडी मध्ये...
प्रथमोपचाराने कमी होते सर्पदंशाची...निसर्गाच्या सानिध्यात शेती करताना निसर्गाचे घटक...
उत्तर महाराष्ट्रात बुधवार ते...महाराष्ट्रासह भारतावर १०१० हेप्टापास्कल इतका कमी...
गुलाबी बोंड अळी नियंत्रणासाठी वेळेत...या वर्षीच्या हंगामात महाराष्ट्रातील कापूस उत्पादक...
द्राक्षबागेत रिकटवेळी घ्यावयाची काळजीसध्याच्या वाढत्या तापमानामध्ये द्राक्षबागेमध्ये...
प्रतिकारकता विकसन रोखण्यासाठी होतोय...पि कांमध्ये येणाऱ्या अनेक किडी या कीटकनाशकांसाठी...
नगर येथे ‘अॅग्रोवन कृषी प्रदर्शना’स...नगर : नगर आणि शेजारच्या जिल्ह्यातील शेतकऱ्यांसह...
कर्जमाफीच्या सहाव्या यादीत साताऱ्यातील... सातारा  : कर्जमाफी योजनेचा लाभ देण्यासाठी...
शाश्‍वत शेळीपालनातून साधावी प्रगती :... नगर : शेळीपालन हा शेतीपूरक व्यवसाय आहे. मात्र...
खासगी बाजार समित्यांना ‘ई-नाम’ बंधनकारकपुणे: आॅनलाइन नॅशनल ॲग्रिकल्चर मार्केट (ई-नाम)...
चार जिल्ह्यांत ४३ हजार क्विंटल तूर खरेदी औरंगाबाद  : मराठवाड्यातील औरंगाबाद, जालना...
जळगावमधील नदीकाठावरील गावांना... जळगाव  ः जिल्ह्यात नदीकाठावरील गावांना...