agriculture news in marathi, Twenty-five percent of the product will be purchased of tur | Agrowon

उत्पादनाच्या पंचवीस टक्‍केच होणार तूर खरेदी
टीम अॅग्रोवन
रविवार, 11 फेब्रुवारी 2018

औरंगाबाद : केंद्र शासनाच्या किंमत समर्थन योजनेअंतर्गत नाफेडच्या वतीने सुरू असलेल्या तूर खरेदीत प्रत्येक तालुक्‍यात तुरीच्या एकूण उत्पादनापैकी २५ टक्‍केच तूर खरेदी करण्यात येणार आहे. महाराष्ट्र स्टेट मार्केटिंग फेडरेशनच्या ३१ जानेवारीच्या पत्रातच तसे स्पष्ट करण्यात आले आहे. ऑनलाइन नोंदणी करणाऱ्या शेतकऱ्यांची संख्या वाढत असताना उत्पादनाच्या २५ टक्‍के तूर खरेदी कशी ठरवणार, असा प्रश्न उपस्थित होतो आहे.

औरंगाबाद : केंद्र शासनाच्या किंमत समर्थन योजनेअंतर्गत नाफेडच्या वतीने सुरू असलेल्या तूर खरेदीत प्रत्येक तालुक्‍यात तुरीच्या एकूण उत्पादनापैकी २५ टक्‍केच तूर खरेदी करण्यात येणार आहे. महाराष्ट्र स्टेट मार्केटिंग फेडरेशनच्या ३१ जानेवारीच्या पत्रातच तसे स्पष्ट करण्यात आले आहे. ऑनलाइन नोंदणी करणाऱ्या शेतकऱ्यांची संख्या वाढत असताना उत्पादनाच्या २५ टक्‍के तूर खरेदी कशी ठरवणार, असा प्रश्न उपस्थित होतो आहे.

मराठवाड्यातील उस्मानाबाद, लातूर व बीड या तीन जिल्ह्यांत जवळपास ४१ हजारांवर शेतकऱ्यांनी हमीदराने तुरीच्या खरेदीसाठी ऑनलाइन नोंदणी केली आहे. त्यामध्ये लातूर जिल्ह्यातील २० हजार, उस्मानाबाद जिल्ह्यातील १४ हजार तर बीड जिल्ह्यातील ७ हजारांवर शेतकऱ्यांचा समावेश आहे. ऑनलाइन नोंदणी केलेल्या शेतकऱ्यांची ठरवून दिलेल्या निकषानुसार तूर खरेदीचे व मशिनने ठरवून दिलेल्या धाग्यानुसार खरेदीचे काम सुरू आहे. यंत्रणेच्या माध्यमातून सुरू आहे.

उस्मानाबाद जिल्ह्यात चारशे शेतकऱ्यांची ३२०० क्‍विंटल, लातूर जिल्ह्यातील ४३ शेतकऱ्यांकडून ३ हजार ८९७ क्‍विंटल ७७ किलो, तर बीड जिल्ह्यात ५४७ शेतकऱ्यांकडून हेक्‍टरी साडेसहा क्‍विंटलप्रमाणे ५ हजार २५९ क्‍विंटल ८८ किलो तुरीची खरेदी करण्यात आल्याची माहिती संबंधित डीएमओ कार्यालयाच्या वतीने देण्यात आली.

औरंगाबाद जिल्ह्यातील हेक्‍टरी उत्पादकतेच्या प्रश्नानंतर आता बीड जिल्ह्यातही शेतकऱ्यांकडून हेक्‍टरी उत्पादनाचा प्रश्न उपस्थित केला जात आहे. एकीकडे तालुकानिहाय कृषी विभागाकडून कळविण्यात आलेली उत्पादकता जवळपास साडेपाच ते बारा क्‍विंटल हेक्‍टरी असताना शासनाकडून कळविण्यात आलेली उत्पादकता साडेसहा क्‍विंटलची कशी याविषयी शेतकऱ्यांकडून प्रश्न उपस्थित होत असल्याने यासंदर्भात डीएमओ कार्यालयाकडून वरिष्ठ पातळीवर पत्र देऊन मार्गदर्शन मागविण्यात आल्याची माहिती डीएमओ कार्यालयाच्या वतीने देण्यात आली.

ऑनलाइन नोंदणी केलेल्या शेतकऱ्यांची संख्या वाढत असली, तरी प्रत्यक्षात दरदिवशी कितीही केली तरी उत्पादनाच्या तुलनेत पंचवीस टक्‍क्‍यांपेक्षा जास्त तुरीची खरेदी होण्याची शक्‍यता नसल्याचे जाणकारांचे म्हणने आहे. मग महाराष्ट्र स्टेट को-ऑपरेटिव्ह मार्केटिंग फेडरेशनने आपल्या ३१ जानेवारीच्या पत्रात उत्पादनाच्या तुलनेत २५ टक्‍क्‍यांपेक्षा जास्त खरेदी होणार नाही याची दक्षता घ्या असे म्हणून नेमके साधले काय हे कळायला मार्ग नाही.

अन्नदाता शेतकरी संघटनेने केला निषेध
महाराष्ट्र स्टेट को-ऑपरेटिव्ह मार्केटिंग फेडरेशनने आपल्या ३१ जानेवारीच्या पत्रात उत्पादनाच्या तुलनेत २५ टक्‍क्‍यांपेक्षा जास्त खरेदी होणार नाही याची दक्षता घेण्याच्या केलेल्या उल्लेखाचा अन्नदाता शेतकरी संघटनेने निषेध केला आहे. शेतकऱ्यांची सर्व उत्पादित तूर शासनाने खरेदी करण्याची मागणी अन्नदाता शेतकरी संघटनेचे अध्यक्ष जयाजीराव सूर्यवंशी यांनी पणन मंत्र्यांकडे केल्याची माहिती अन्नदाताच्या वतीने देण्यात आली.

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...