नाशिक जिल्ह्यात कर्जमाफीचे अडीच लाखांवर अर्ज

नाशिक जिल्ह्यात कर्जमाफीचे अडीच लाखांवर अर्ज
नाशिक जिल्ह्यात कर्जमाफीचे अडीच लाखांवर अर्ज

नाशिक : राज्य सरकारने जाहीर केलेल्या पीककर्जमाफीसाठी नाशिक जिल्ह्यातून दोन लाख 66 हजार 133 शेतकऱ्यांनी ऑनलाइन अर्ज भरले आहेत. आता संबंधित शेतकऱ्यांच्या कर्जासंदर्भातील माहिती भरण्याचे काम बॅंका करणार आहेत.

सरकारने दीड लाख रुपयांपर्यंत पीककर्ज माफ केले जाण्याची घोषणा केलेली आहे. दीड लाखावर कर्ज असल्यास वरील रक्कम भरल्यानंतरच दीड लाख रुपये माफ होणार आहेत. तर नियमित कर्ज भरणाऱ्या शेतकऱ्यांना जास्तीत जास्त 25 हजार रुपये अनुदान दिले जाणार आहे. यासाठी सरकारने ऑनलाइन अर्ज भरण्याची सक्ती केली होती.

पण, सुरुवातीलाच गटसचिवांचे आंदोलन सुरू असल्याने कर्जमाफीच्या घोषणेची अंमलबजावणी होण्यात खोडा घातला गेला होता. हे आंदोलन संपल्यानंतर तीन दिवस सर्व्हर डाउन असल्याने अर्ज भरण्याची प्रक्रियाच बंद होती. महा-ई सेवा केंद्रांवरच ऑनलाइन अर्ज भरणे बंधनकारक करण्यात आले होते. त्यासाठी बाराशेवर केंद्रांची व्यवस्था संपूर्ण जिल्हाभरात करण्यात आली होती.

दरम्यानच्या काळात निर्माण झालेल्या समस्या लक्षात घेऊन ऑनलाइन अर्ज भरण्यासाठी सरकारने 22 सप्टेंबरपर्यंत मुदतवाढ दिली होती. या मुदतीत संपूर्ण जिल्हाभरातून 2 लाख 66 हजार 133 शेतकऱ्यांनी अर्ज भरले आहेत. विशेष म्हणजे जिल्हा मध्यवर्ती सहकारी बॅंकेने लेखी अर्ज केवळ दीड लाख इतकेच वाटप केले होते. प्रत्यक्षात त्यापेक्षाही जास्त ऑनलाइन अर्ज भरण्यात आले आहेत.

आता बॅंका संबंधित शेतकऱ्यांच्या कर्जासंदर्भातील माहिती संगणकात भरणार आहेत. हेही काम ऑनलाइन असल्याने निकषात नेमका कोणता शेतकरी बसतो आणि कोणता नाही, हेही सहज ध्यानात येणार असल्याचे सांगण्यात आले. त्यादरम्यान ऑडिटरकडून या अर्जांची पडताळणीही केली जाणार आहे. शिवाय ऑनलाइन भरलेल्या अर्जांचे चावडीवाचन होणार आहे. त्यासाठी कृषी विभागाच्या कर्मचाऱ्यांची मदत घेतली जाणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com