agriculture news in marathi, two lakh compensation for poisoning affected families, Yavatmal | Agrowon

विषबाधेत मृत्यू झालेल्या शेतकऱ्यांच्या कुटुंबीयांना दोन लाखांची मदत
विजय गायकवाड
बुधवार, 4 ऑक्टोबर 2017

सर्व कीटकनाशक कंपन्यांना कीटकनाशकांची विक्री करताना संरक्षक किट पुरविणे बंधनकारक करण्यात येणार आहे. कंपन्यांच्या सामाजिक दायित्व निधीतून (Corporate Social Responsibility Fund) हा पुरवठा करण्यासाठी सर्व कीटकनाशक कंपन्यांना आदेश देण्यात येत आहेत. आवश्यकता भासल्यास शासनातर्फेही संरक्षक किटचा पुरवठा करण्यात येईल. 
- देवेंद्र फडणवीस, मुख्यमंत्री

मुंबई: विदर्भातील यवतमाळ जिल्ह्यात कीटकनाशकाची फवारणी करताना विषबाधा होऊन मृत्यू झालेल्या शेतकऱ्यांच्या कुटुंबीयांना राज्य सरकारकडून प्रत्येकी दोन लाख रुपयांची मदत जाहीर करण्यात आली आहे; तसेच अतिरिक्त मुख्य सचिव (गृह) यांच्या अध्यक्षतेखाली चौकशी समिती नेमण्याचा निर्णय राज्य मंत्रिमंडळाच्या बैठकीत मंगळवारी (ता. ३) घेण्यात आला, अशी माहिती कृषिमंत्री पांडुरंग फुंडकर यांनी दिली.

‘‘विदर्भातील यवतमाळ जिल्ह्यात सोयाबीन आणि कपाशीवर फवारणी करताना विषबाधा होऊन सोमवारी (ता. ०२) संध्याकाळपर्यंत १५ शेतकऱ्यांना आपला जीव गमवावा लागला; तर ५०० पेक्षा अधिक शेतकरी रुग्णालयात उपचार घेत आहेत,’’ असे कृषिमंत्र्यांनी सांगितले.

कृषिमंत्री म्हणाले, की पावसाचा खंड पडल्याने कपाशी आणि सोयाबीनवर किडींचा मोठ्या प्रमाणात पादुर्भाव झाला आहे. त्यामुळे शेतकरी पिकांवर कीटकनाशके फवारणी करत आहेत. या वर्षी कपाशीवर सुरवातीला मावा, तुडतुडे, गुलाबी बोंडअळी व आता मिलीबगचा प्रादुर्भाव झाला आहे. एेन भरात आलेले हे पीक कीडरोगांमुळे हातचे जाण्याची भीती निर्माण झाल्याने शेतकऱ्यांकडून पीक वाचविण्यासाठी सारे प्रयत्न अवलंबिले जात आहेत.

त्याकरिता कपाशीवर सातत्याने फवारणी करण्यावर शेतकऱ्यांचा भर आहे. बीटी कपाशीची लागवड सर्वाधिक आहे. त्यातच शेतकऱ्यांनी शिफारस केलेल्या अंतराऐवजी सघन लागवड पद्धत वापरली . त्यामुळे कपाशीची झाडे दाट झाली असून, त्यांची वाढदेखील सहा फुटांपेक्षा जास्त आहे.

‘‘कपाशीचे कीडनियंत्रण मजुरांमार्फत केले जाते. त्याकरिता मजुरांच्या टोळ्या आहेत. मजुरांना फवारणीचे तांत्रिक ज्ञान नाही. त्यातच मजुरांच्या उंचीपेक्षा कापसाच्या झाडांची उंची अधिक झाल्याने चायनीस फवारणी यंत्रे वापरून त्यावर फवारणी करताना तो अंश थेट तोंडात जातो. यासंबंधीची तपासणी आणि चौकशी अतिरिक्त मुख्य सचिव (गृह) करतील, त्यानंतर दोषींवर कारवाई करण्यात येईल,’’ असेही कृषिमंत्र्यांनी सांगितले.

कृषी आयुक्तांना निलंबित करा ः विखे पाटील
फवारणीतून विषबाधा झाल्याची नेमकी कारणे शोधून त्यावर उपाययोजना करण्यात आली नाही. तब्बल १८ शेतकऱ्यांचे मृत्यू झाल्यानंतरही राज्याच्या कृषी आयुक्तांनी तातडीने यवतमाळचा दौरा केला नाही. या गंभीर प्रकरणाची वेळीच दखल न   घेतल्यामुळे राज्याचे कृषी आयुक्त, विभागीय कृषी सहसंचालक, जिल्हा अधीक्षक कृषी अधिकारी आणि जिल्हा शल्यचिकित्सकांना तातडीने निलंबित करावे.

त्यासोबतच संबंधित औषध कंपन्यांविरुद्ध सदोष मनुष्यवधाचे गुन्हे दाखल करावेत आणि पीडित शेतकरी व त्यांच्या कुटुंबांना तात्काळ भरीव आर्थिक मदत द्यावी आणि राज्य सरकारने विशेष चौकशी पथकाची (एसआयटी) स्थापना करावी, अशी मागणी विधानसभेतील विरोधी पक्षनेते राधाकृष्ण विखे पाटील यांनी केली आहे.

इतर अॅग्रो विशेष
शेतीचे वास्तव यावे पुढेसंबंधित विभागाकडील उपलब्ध माहिती, आकडेवारी हाच...
कृषी निर्यात दुपटीसाठी ‘राष्ट्रीय धोरण’पंतप्रधान नरेंद्र मोदी यांच्या अध्यक्षतेखालील...
मराठवाड्यात महारेशीम अभियानाला सुरवात औरंगाबाद ः रेशीम उद्योगातून शेतकऱ्यांचे जीवनमान...
जळगावमधील सर्वच तालुके दुष्काळीजळगाव : जिल्ह्यातील सर्व गावांची अंतिम पैसेवारी...
परभणीची खरिपाची अंतिम पैसेवारी ४४.६९...परभणी ः परभणी जिल्ह्याची खरीप हंगामाची अंतिम...
औरंगाबादमध्ये २७ डिसेंबरपासून ‘ॲग्रोवन’...पुणे  : राज्यातील शेतकऱ्यांना तंत्रज्ञान व...
एफआरपी थकविणाऱ्या कारखान्यांचे होणार...सोलापूर : यंदाच्या गाळप हंगामात संबंधित...
किमान तापमानात वाढ पुणे  : ‘पेथाई’ चक्रीवादळाच्या प्रभावामुळे...
विदर्भातील तीन जिल्हा बँकांचे विलीनीकरण...मुंबई: राज्यातल्या सामान्य शेतकऱ्यांच्या...
रब्बी कर्जवाटपाचे नियोजन कोलमडलेपुणे  : राज्यात यंदा दुष्काळ, कर्जवसुलीतील...
मराठवाड्यातील दुष्काळाची पैसेवारीने...औरंगाबाद : मराठवाड्यातील आठही जिल्ह्यांतील ८५३३...
औषधी जायफळाचे मूल्यवर्धनजायफळ सालीचे वजन ६० टक्के असते. जायफळ सालीमध्ये...
पीकविम्यासाठी राज्यात तक्रार समित्या...पुणे : पीकविमा देताना कंपन्यांकडून होणारी लूट होत...
अल्पभूधारक कुटुंबाच्या आयुष्यात...पारंपरिक पिकांना पूरक व्यवसायांची जोड दिली तर...
कलमे, रोपबांधणी कलेचे रोजगारात केले...औरंगाबाद जिल्ह्यात पैठण तालुक्‍यातील रजापूर...
कांदाप्रश्नी हवे दीर्घकालीन धोरणसध्या कांद्याचा प्रश्न अत्यंत गुंतागुंतीचा बनला...
‘बीटी’ला पर्याय सेंद्रिय कापूसजागतिक पातळीवर काही कंपन्या आणि फॅशन ब्रॅंडने...
देशातील कृषी क्षेत्राचे २०१९ मध्ये...पुणे : देशातील शेती, जमीन, पशुधन धारणा, शेतकरी...
स्थानिकीकरणातही मका टिकवून आहे काही मूळ...जंगली मका प्रजातीपासून स्थानिकीकरण होण्याच्या...
कर्नाटकसाठीची ऊसतोडणी मंदावलीकोल्हापूर: दक्षिण महाराष्ट्रात उसाची रक्कम...