agriculture news in marathi, udayanraje bhosle says take a urgent desicion on mararatha reservation, maharashtra | Agrowon

मराठा आरक्षणाचा निर्णय तातडीने घ्यावा : खासदार उदयनराजे भोसले
टीम अॅग्रोवन
सोमवार, 6 ऑगस्ट 2018

आरक्षणाबाबत आता चर्चेची नाही, तर निर्णय घेण्याची वेळ आली आहे. सर्व मागण्या सरकार दरबारी दाखल आहेत. त्यावर सरकारने तातडीने निर्णय घ्यावा.                                                 - उदयनराजे भोसले, खासदार.

पुणे : मराठा आरक्षणाचा प्रश्‍न समित्या आणि आयाेगांमध्ये ३० वर्षांपासून गुंतवून ठेवला आहे. आरक्षणाचा निर्णय न्यायव्यवस्था, सरकार आणि प्रशासन यांच्या हाती असून, या तिघांनी एकत्रित बसून लाेकसंख्येच्या निकषानुसार तातडीने निर्णय घ्यावा, असे आवाहन खासदार उदयनराजे भाेसले यांनी केले. आपण समन्वयक म्हणून मुख्यमंत्र्यांशी बाेलणार नसल्याचेही त्यांनी या वेळी स्पष्ट केले.

मराठा क्रांती माेर्चाच्या विविध जिल्हा समन्वयकांची बैठक रविवारी (ता.५) पुण्यात झाली. बैठकीनंतर आयोजित पत्रकार परिषदेमध्ये खासदार उदयनराजे भाेसले बाेलत हाेते. या वेळी ते म्हणाले, की लाेकशाही सुरू झाल्यानंतर विविध जातींप्रमाणेच मराठा समाजाला देखील आरक्षण मिळण्याची गरज हाेती. मात्र आरक्षण मिळाले नाही. सर्वच मराठा समाज श्रीमंत आणि जमीनदार आहे हा गैरसमज आहे. या समाजाला आरक्षण न मिळाल्याने अनेक पिढ्यांचे नुकसान झाले आहे. गेल्या ३० वर्षांपासून केवळ समित्या आणि आयाेगांमध्ये आरक्षणाचा विषय अडकवून ठेवला आहे. याला केवळ आताचे नाहीतर जुनी सरकारेदेखील जबाबदार आहेत.

आरक्षणाचा प्रश्‍न आता चिघळला असून, नैराश्यातून अनेक तरुण आत्महत्या करीत आहेत. ते आरक्षणासाठी जीव द्यायला तयार आहेत, तर जीव घ्यायला सुद्धा पुढे मागे बघणार नाहीत. आत्महत्येचा विचार करणाऱ्या तरुणांच्या मानसिकतेचा विचार सरकारने करावा. यासाठी तातडीने आरक्षणाचा निर्णय घ्यावा, अशी मी सरकारला विनंती करीत आहे.

दरम्यान, सर्व समन्वयकांनी खासदार उदयनराजे भोसले यांची सरकारशी चर्चा करण्यासाठी समन्वयक म्हणून सर्वानुमते निवड केली. मात्र, आपण समन्वयक म्हणून मुख्यमंत्र्यांशी बाेलायला जाणार नसल्याचे खासदार उदयनराजे भोसले यांनी सांगितले. आंदाेलनाचा समन्वयक म्हणून मुख्यमंत्र्यांशी चर्चेला गेलाे तर तुमचे अगाेदरच काहीतरी शिजले हाेते हा आराेप माझ्यावर झालेला चालणार नाही, म्हणून मी मुख्यमंत्र्यांशी बाेलणार नाही, असे त्यांनी स्पष्ट केले.
 

इतर ताज्या घडामोडी
पाणी अमूल्य असल्याने जनजागृतेची गरज ः...कोल्हापूर : ‘‘पाण्यासाठी व्यापक जनजागृती होणे...
येवला तालुक्यात हंडाभर पाण्यासाठी वणवणनाशिक : कमी पावसामुळे येवला तालुक्यात पाणीटंचाई...
हवामानविषयक समस्यांमुळे शेतीवर परिणाम ः...परभणी ः जागतिक तापमान वाढ, पावसातील अनियमितता,...
मतदार यादीत वाढला महिलांचा टक्कानगर : निर्दोष मतदार यादी तयार करण्यासाठी जिल्हा...
तापमानातील चढ-उताराचा अंजीर उत्पादकांना...परभणी : तापमानातील चढ-उतारामुळे अंजिराची फळे...
गुलटेकडीत भाजीपाल्याची आवक कमी; दर वाढलेपुणे ः गुलटेकडी येथील कृषी उत्पन्न बाजार...
यंदा मतदानात महिला पुरुषांना मागे टाकणारनवी दिल्ली : लोकसभा निवडणुकांमध्ये पुरुषांपेक्षा...
शक्तिशाली उल्कापातापासून बचावली पृथ्वीपुणे ः अमेरिकेतील अवकाश संशोधन संस्था ‘नासा’...
संत्रा बागांना उरला केवळ टॅंकरचा आधारअमरावती : संत्रा बागा जगविण्यासाठी...
मराठवाड्याच्या पाण्यासाठी फक्त बोलून...परभणी : केवळ जायकवाडीच्या हक्काच्या...
राज्यात चार हजाराने मतदान केंद्रे वाढलीमुंबई  : लोकसभा निवडणुकीसाठी राज्यात...
काँग्रेस-राष्ट्रवादीच्या महाआघाडीचा...मुंबई : गेले सहा महिने विविध समविचारी पक्षांशी...
चंद्रपूर : बांगडेंच्या उमेदवारीने...चंद्रपूर : गेल्या पंधरवाड्यापासून चंद्रपूर...
प्रियांका गांधींचा नागपुरात होणार रोड शोनागपूर ः काँग्रेस उमेदवाराच्या प्रचारार्थ...
अमरावती लोकसभेसाठी होईल दुहेरी लढतअमरावती : शिवसेनेकडून दोनदा संसदेत गेलेल्या...
संजय धोत्रे चौथ्यांदा लोकसभा...अकोला :  लोकसभा निवडणुकीची रणधुमाळी सुरू...
लोकसभा निवडणुकीसाठी आतापर्यंत ७१...मुंबई : लोकसभा निवडणूक २०१९ अंतर्गत आज पहिल्या व...
शेती, बेरोजगारी, वाहतूक कोंडी प्रश्‍...पुणे : जिल्ह्यातील ‘शेतीसंपन्न’ आणि ‘औद्योगिक...
भाजपच्या चार विद्यमान खासदारांचा पत्ता...मुंबई : लोकसभा निवडणुकीसाठी भाजपाने...
सातारा : प्रमुख धरणांतील पाणीसाठ्यात घटसातारा : कमी पर्जन्यमानाचा परिणाम...