परभणीत भूजलपातळी खालावली

परभणीत भूजलपातळी खालावली
परभणीत भूजलपातळी खालावली

परभणी : जिल्ह्यातील भूजपातळीमध्ये आॅक्टोबरच्या तुलनेत ०.८९  ते ४.५१ मीटरने घट झाली आहे. परभणी तालुक्यातील भूजलपातळी सर्वाधिक म्हणजे ९.३७ मीटरपर्यंत खोल गेली आहे. आॅक्टोबरच्या तुलनेत जिंतूर तालुक्यातील भूजपातळीत सर्वाधिक म्हणजे ४.५१ मीटरने घट झाली आहे, असे भूजल सर्वेक्षण यंत्रणतर्फे घेण्यात आलेल्या निरीक्षण विहिरीतील नोंदीवरून स्पष्ट झाले आहे. भूजलपातळी खालवत असल्यामुळे विहिरी, बोअर कोरडे पडत चालले आहेत. त्यामुळे येत्या काळात जिल्ह्यातील अनेक गावे, वाड्या, वस्त्या, तांड्यावर पाणीटंचाई उद्भवणार आहे. भूजल सर्वेक्षण यंत्रणेमार्फत जिल्ह्यातील नऊ तालुक्यांतील ८६ निरीक्षण विहिरींतील पाणीपातळीच्या नोंदी घेतल्या जातात. आॅक्टोबर महिन्यात घेण्यात आलेल्या नोंदीनुसार परभणी तालुक्यातील भूजलपातळी ६.५६ मीटर खोलीवर होती. जिंतूर तालुक्यात ३.६३ मीटर, सेलू तालुक्यात ५.६३ मीटर, मानवत तालुक्यात २.६३ मीटर, पाथरी तालुक्यात ५.७४ मीटर, सोनपेठ तालुक्यात ४.८६ मीटर, गंगाखेड तालुक्यात ७.४३ मीटर, पालम तालुक्यातील ४.८६ मीटर, पूर्णा तालुक्यातील भूजलपातळी ४.७० मीटर खोलीवर होती. नोव्हेंबर आणि डिसेंबर महिन्यांतील झालेल्या उपशामुळे भूजलपातळी आणखी खोल गेली आहे. जानेवारी महिन्यात घेण्यात आलेल्या निरीक्षण विहिरींतील नोंदीनुसार भूजलपातळीमध्ये ०.८९ ते ४.५१ मीटरने घट झाली आहे. परभणी तालुक्यातील भूजलपातळी ९.३७ मीटर खोलवर गेली आहे. जिंतूर तालुक्यात ८.४१ मीटर, सेलू तालुक्यात ८.३९ मीटर, मानवत तालुक्यात ६.८ मीटर, पाथरी तालुक्यात ८.३६ मीटर, सोनपेठ तालुक्यात ८.७८ मीटर, गंगाखेड तालुक्यात ८.७१ मीटर, पालम तालुक्यात ६.९७ मीटर, पूर्णा तालुक्यात ५.१९ मीटर खोलवर गेली आहे. आॅक्टोबर महिन्याच्या तुलनेत जानेवारीमध्ये परभणी तालुक्यातील भूजलपातळी २.८१ मीटरने घटली आहे. जिंतूर तालुक्यातील भूजलपातळी ४.५१ मीटर, सेलू तालुक्यातील २.७६ मीटर, मानवत तालुक्यात ४.१७ मीटरने, पाथरी तालुक्यात २.६२ मीटर, सोनपेठ तालुक्यात ३.९२ मीटर, गंगाखेड तालुक्यात १.२८ मीटर, पालम तालुक्यात २.११ मीटर, पूर्णा तालुक्यात ०.४९ मीटर ने घटली आहे. गतवर्षीच्या जानेवारी महिन्याच्या तुलनेत जिल्ह्यतील भूजलपातळी ०.४९ ते ५ मीटरने खोल गेली आहे. भूजलपातळी खालावत जात असल्यामुळे विहिरी, बोअर कोरडे पडत चालले आहेत त्यामुळे अनेक गावे, वाड्या, वस्त्या, तांड्यावर पाणीटंचाई भासत आहे. येत्या काळात पाणीटंचाईचे संकट अधिक गडद होणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com