agriculture news in marathi, unfavorable weather causes pest crises on crops | Agrowon

ढगाळ वातारणाने रोग-किडींचा प्रादुर्भाव वाढला
टीम अॅग्रोवन
बुधवार, 22 नोव्हेंबर 2017

पुणे : राज्यात गेल्या २-३ दिवसांपासून असलेल्या ढगाळ वातावरणाने खरिपातील काढणीला अालेली पिके, रब्बीतील काही पिके, फळबागा अाणि भाजीपाला उत्पादकांचे धाबे दणाणाले आहे. ढगाळ वातावरण, तापमानातील अचनाक चढ-उतार, धुके, पाऊस आणि वाढत्या आर्द्रतेने पिकांवर रोग-किडींचा प्रादुर्भाव वाढला आहे. पावसाचा एकवेळ फायदा होत असला, तरी ढगाळ वातारणाने चिंता वाढली आहे. 

पुणे : राज्यात गेल्या २-३ दिवसांपासून असलेल्या ढगाळ वातावरणाने खरिपातील काढणीला अालेली पिके, रब्बीतील काही पिके, फळबागा अाणि भाजीपाला उत्पादकांचे धाबे दणाणाले आहे. ढगाळ वातावरण, तापमानातील अचनाक चढ-उतार, धुके, पाऊस आणि वाढत्या आर्द्रतेने पिकांवर रोग-किडींचा प्रादुर्भाव वाढला आहे. पावसाचा एकवेळ फायदा होत असला, तरी ढगाळ वातारणाने चिंता वाढली आहे. 

औरंगाबाद/जालना : जिल्ह्यात सर्वच पिकांसह फळपिकांवर प्रादुर्भाव वाढला आहे. द्राक्ष, डाळिंब, भाजीपालाकरिता पीक संरक्षण खर्चात वाढ झाली आहे. फ्लावरिंगच्या द्राक्ष बागांमध्ये घडकूज वाढली आहे. डाउनी पुन्हा तोंड काढण्याची शक्यता आहे. डाळिंबात कळीगळ वाढली आहे. मिरचीमध्ये भुरी व फुलगळीसह थ्रीप्सचा प्रादुर्भाव आहे. डाळिंब बागांमध्ये ‘प्लेग’ व मृग बहराच्या फळांमध्ये क्रॅकिंगचे प्रमाणही वाढले. रब्बी ज्वारीवर लष्करी अळीसोबतच खोडकिडीचा प्रादुर्भाव दिसून आला आहे. 

कोल्हापूर : ढगाळ हवामानाचा फटका भाजीपाला पिकाला बसला आहे. वांगी, भेंडी, फ्लॉवर आदी भाज्यांवर हा प्रादुर्भाव वाढला आहे. हिरव्या मिरचीवर कीड-रोगांचा, वांग्यावर फुलगळ आणि फळ पोखरणारी अळी, पांढरी माशी, कोबीवर किडीचा प्रादुर्भाव आहे. गाळप हंगामावर परिणाम होत आहे. ओलसरपणामुळे वाहने अडकून बसण्याचे प्रमाण वाढत आहे. 

सोलापूर : जिल्ह्यात द्राक्षावर बुरशीजन्य रोगाचा प्रादुर्भाव वाढला आहे. कांदा आणि भाजीपाल्यावरही रोगांचे प्रमाण वाढले आहे. द्राक्ष बागा सध्या फुलोऱ्यात आहेत. शेतकऱ्यांनी कीटकनाशकांची फवारणी वाढवली आहे. ज्वारी पिकाला मात्र चांगलाच फायदा होत आहे. हरभरा, तूर पिकांवर शेंगा पोखरणारी अळी झपाट्याने वाढण्याचा धोका आहे. कांद्याच्या नव्याने लागवडीवर तुडतुडे, माव्याचा प्रादुर्भाव वाढण्याची शक्‍यता आहे. 

सातारा : जिल्ह्यात सोमवारी हलका ते मध्यम स्वरूपाचा पाऊस झाला. रब्बी पिकांच्या दृष्टीने पाऊस फायदेशीर आहे. खरीप हंगामातील अंतिम टप्प्यात काढणीतील पिके भिजल्याने नुकसान होत आहे. भाजीपाला पिकांवर किडीचा प्रादुर्भाव वाढल्याचे शेतकऱ्यांनी सांगितले. 

सांगली : जिल्ह्यात द्राक्षावर भुरी, डाउनी रोगांचा प्रादुर्भाव वाढण्याची शक्‍यता आहे. बुरशीनाशकाचा एक स्प्रे घेण्यासाठी ३ ते ५ हजार रुपयांपर्यंत खर्च वाढतो. तीन आठवड्यांत डाउनीची भीती, भुरीचा प्रादुर्भाव झाल्याने फवारण्या वाढणार आहेत. 

परभणी : परभणी, नांदेड, हिंगोली जिल्ह्यांत तुरीचे पीक फुलोरा, शेंगा भरण्याच्या अवस्थेत असून, शेंगा पोखरणाऱ्या अळीचा प्रादुर्भाव वाढणार आहे. ढगाळ वातावरणामुळे वाढलेला उकाडा ज्वारीच्या वाढीसाठी पोषक ठरत असले, तरी गहू, हरभरा पिकासाठी तो पोषक नाही. 

जळगाव : जिल्ह्यात केळी, कापूस व तूर उत्पादक शेतकरी चिंतेत आहेत. केळीवर करप्याचा प्रादुर्भाव वाढून पाने पिवळी पडत आहेत. तुरीमध्ये फुलगळ सुरू असून, तयार शेंगांवर अळीचा प्रादुर्भाव झाला आहे. कपाशीची बोंडे ओली झाल्याने दर्जा घसरू लागला आहे. मका, ज्वारीची काढणी सुरू असून, नासाडी होऊ नये म्हणून काढणीअभावी पडून असलेले कणसे झाकून ठेवण्यासाठी रोज सायंकाळी शेतकऱ्यांना धावपळ करावी लागते. 

अकोला : कमी थंडी, ढगाळ हवामान, धुके अशा प्रकारच्या वातावरणामुळे तुरीची फुलगळ वाढली आहे. वांगी, टोमॅटो, मिरची तसेच पालेभाज्यावर्गीय पिकांवर पांढरी माशी, रसशोषणारी कीड व रोग वाढण्याची शक्यता. काही ठिकाणी हरभरा पिकात मूळकूजसारखे प्रकार होत आहेत. 

नाशिक : प्रतिकूल हवामामुळे जिल्ह्यातील द्राक्ष बागायतदारांचे धाबे चांगलेच दणाणले. द्राक्ष सध्या छाटणीनुसार काही फुलोरा, मणी धारणा आणि पक्वतेच्या टप्प्यात आहे. भुरी, डाऊनी या रोगांचा प्रादुर्भाव वाढण्याची भिती आहे. सटाणा तालुक्यात अर्लीचे द्राक्ष काढणीच्या अवस्थेत आहेत. मणी तडकण्याची येथे भिती व्यक्त केली जात आहे.  इगतपुरी तालुक्‍यात भात सोंगणी अंतिम टप्प्यात आली आहे. दरवर्षी वाढता उत्पादन खर्च आणि हाती येणारे उत्पन्न याचा ताळमेळ घालताना शेतकरी मेटाकुटीस येत आहे. पाऊस आणि वाढत्या उत्पादन खर्चामुळे या भागातील भातशेतीचे गणित बिघडले असल्याचे शेतकऱ्यांनी सांगितले. 

इतर अॅग्रो विशेष
गाडीने येणारा कापूस गोणीत आणण्याची वेळ जालना : जनावरांचा चारा आणि पिण्याच्या पाण्याचा...
दुष्काळाच्या गर्तेत गुरफटला गावगाडाऔरंगाबाद : पावसाळ्यात पडलेले प्रदीर्घ खंड व...
दुष्काळ जाहीर करण्यासाठी पीक नुकसानीचा...नाशिक : दुष्काळ जाहीर करण्यासाठी केंद्र सरकारची...
मुंबईत १५ ला सर्वपक्षीय मेळावा ः नवलेकोल्हापूर: किसान सभेच्या पुढाकाराने १५...
दुष्काळ जाहीर करण्याबाबत टोलवाटोलवी ः...पुणे : राज्यात अनेक ठिकाणी दुष्काळी स्थिती असूनही...
नव्या दुष्काळी संहितेमुळे राज्यातील...मुंबई: राज्यावर १९७२ च्या दुष्काळापेक्षाही...
हुमणी रोखण्यासाठी कृती आराखडा : कृषी...पुणे : राज्यात उसाच्या क्षेत्रावर मोठ्या प्रमाणात...
मध्य महाराष्ट्र, मराठवाडा, विदर्भात...पुणे: राज्यात ‘ऑक्टोबर हीट’चा चटका सातत्याने...
नव्या हंगामात ऊस गाळपासाठी ३१ साखर...पुणे : राज्यात नव्या गाळप हंगामासाठी आतापर्यंत ३१...
चौदा हजार गावांमधील भूजल पातळी चिंताजनकमुंबई : राज्य सरकारच्या भूजल सर्वेक्षण व...
बदलत्या काळात बनली कलिंगड शेती...पाण्याची उपलब्धता असताना चितलवाडी (जि. अकोला)...
संघर्ष, चिकाटी, एकोप्यातूनच लाभले...बलवडी (भाळवणी) (ता. खानापूर, जि. सांगली) जोतीराम...
'सकाळ'चे दिवाळी अंक अॅमेझॉनवर !पुणे : क्लिकवर चालणाऱया आजच्या जगात दिवाळी अंकही...
संपूर्ण देशातून मॉन्सून परतलापुणे : नैर्ऋत्य मोसमी वारे (माॅन्सून) रविवारी (ता...
डॉ. हद्दाड आणि डाॅ. नॅबार्रो यांना २०१८...पुणे : जगभरातील कुपोषित माता आणि बालकांना...
हुमणीग्रस्त ऊसक्षेत्र चार लाख हेक्टरवरपुणे ः राज्यात दुष्काळामुळे त्रस्त झालेल्या...
पाणीटंचाईने संत्राबागांची होरपळअमरावती ः विदर्भाचा कॅलिफोर्निया अशी ओळख असलेल्या...
उन्हाचा चटका वाढलापुणे : राज्यात पावसाने उघडीप दिल्यानंतर कमाल...
पाच मिनिटांत एका एकरवर फवारणी !...शेतीमध्ये आधुनिक तंत्रज्ञान आले पाहिजे, असे जो तो...
‘सह्याद्री’ च्या शिवारात हवामान अाधारित...अत्याधुनिक संगणकीय, उपग्रह व डिजिटल या प्रणाली...