नांदेड जिह्यात ढगाळ वातावरणामुळे हरभरा संकटात

नांदेड : दाेन दिवसांपासून ढगाळ वातावरण असल्याने वादळ, पाऊस, गारपिटीची भीती शेतकऱ्यांच्या मनात घर करून बसली आहे. हाता ताेंडाशी आलेले हरभऱ्याचे पीक या अस्मानी संकटामुळे जाऊ नये अशी शेतकऱ्यांना धास्ती आहे. यंदा कमी व अनियमित पाऊस, विविध अळ्यांचा प्रादुर्भाव यामुळे यंदा पिके संकटात सापडली. खरीप हंगाम तर गेला किमान रब्बी हंगाम तरी हाती येईल या अपेक्षेत शेतकरी हाेता. विविध संकटांनी शेतकऱ्यांना ग्रासले आहे. यावर्षी वातावरण सर्वच पिकांसाठी प्रतिकूल असल्याने उत्पादनात माेठी घट झाली. शेतकऱ्यांवरील आर्थिक संकट कायम राहिले. खरीप पीक हातचे गेले. ही कसर रब्बी पिकात भरून काढावी यासाठी शेतकरी कामाला लागले. पऱ्हाटी उपटून तसेच इतर पिकांचे शेत तयार करून रब्बी पिकातील हरभरा पेरला. त्याला अळ्या व विविध राेगांपासून वाचवताना खूप खर्च करावा लागला. गेल्या दाेन दिवसांपासून ढगाळ वातावरण असल्याने पीक हातून जाऊ नये अशी शेतकरी प्रार्थना करीत आहेत. हरभऱ्याची साेंगणी करून हरभरा तयार करावा तर सर्वच शेतातील हरभरा साेंगणीयाेग्य झाला नाही. शेतातील खाेलगट भागातील हरभरा अद्याप हिरवा आहे. मग साेंगणी व मळणी करावी की करू नये अशा द्विधा मनःस्थितीत  शेतकरी सापडला आहे. अपरिपक्व हरभऱ्याची साेंगणी केल्यास उत्पादनात घट येईल.  हिरवा दाणा आल्याने भाव कमी मिळतील. जर हरभरा परिपक्व हाेण्याची वाट पाहिली तर अस्मानी संकटाने नुकसान हाेण्याची भीती. अनेक शेतकरी भाव व उत्पादनाचा विचार न करता हरभरा साेंगून मळणी करण्याच्या तयारीला लागले आहेत. परिणामी हेळंबा, थ्रेशर मिळेनासे झाले आहेत. मागणी वाढल्याने त्यांनीसुद्धा भाव वाढविल्याने शेतकरी आर्थिक अडचणीत सापडला आहे.