आगामी लोकसभा निवडणूक कृषी धोरणांवर झाली पाहिजे ः घनवट

आगामी लोकसभा निवडणूक कृषी धोरणांवर झाली पाहिजे ः घनवट
आगामी लोकसभा निवडणूक कृषी धोरणांवर झाली पाहिजे ः घनवट

परभणी ः सर्व शेतकऱ्यांच्या हितासाठी शरद जोशीप्रणीत भारत उत्थान कार्यक्रमाची अंमलबजावणी करणे आवश्यक आहे. २०१९ मध्ये होणारी लोकसभा निवडणूक कृषी धोरणाच्या मुद्द्यांवर झाली पाहिजे, असे प्रतिपादन शेतकरी संघटनेचे अध्यक्ष अनिल घनवट यांनी बुधवारी (ता. २६) केले.

शरद जोशीप्रणीत शेतकरी संघटनेच्या शिर्डी येथे १० ते १२ डिसेंबर या कालावधीत होणाऱ्या अधिवेशनाच्या तयारीसाठी बोबडे टाकळी (ता. परभणी) येथे बुधवारी (ता. २६) आयोजित जाहीर सभेत श्री. घनवट बोलत होते. या वेळी युवा आघाडीचे महाराष्ट्र अध्यक्ष सतीश दाणी, पश्चिम महाराष्ट्र विभागप्रमुख अनिल चव्हाण, पश्चिम महाराष्ट्र महिला आघाडीच्या विभागप्रमुख सीमा नरवाडे, जिल्हाध्यक्ष गजनान देशमुख आदी उपस्थित होते.

श्री. घनवट पुढे म्हणाले, सध्याच्या सरकारच्या चुकीच्या धोरणांमुळे जगाचा पोशिंदा असलेला शेतकरी वर्ग अडचणी सापडला आहे. शेतकऱ्यांच्या हितासाठी शरद जोशीप्रणीत भारत उत्थान कार्यक्रम (मार्शल प्लॅन) अमलात आला पाहिजे. आगामी २०१९ मधील लोकसभा निवडणूक कृषी धोरणावर झाली पाहिजे. शेतकऱ्यांच्या चुकीच्या धोरणांमुळे शेतकऱ्यांची लूट सुरूच आहे. गेल्या वीस वर्षांत लाखो शेतकऱ्यांना आत्महत्येचा मार्ग पत्कारावा लागला. शेतकरी सरकाराचे देणे लागत नसून, सरकारच शेतकऱ्यांचे देणे लागते. शेतकऱ्यांना घामाचे दाम मिळाले पाहिजेत. अतिवृष्टी, दुष्काळ, गारपीट, थंडी, कीड, रोग, वन्यप्राण्यांकडून केली जाणारी पिकांची नासाडी याबद्दल शेतकऱ्यांचा काहीही दोष नाही. शेतकऱ्यांच्या कर्जमुक्तीसाठी, सातबारा कोरा करण्यासाठी, न्याय हक्क तसेच हितासाठी राज्यातील सर्व शेतकऱ्यांनी संघटित होऊन सरकारवर दबाव वाढवावा लागणार आहे. त्यासाठी शिर्डी येथे डिसेंबर महिन्यात होणाऱ्या शेतकरी संघटनेच्या अधिवेशनास महाराष्ट्रातील शेतकऱ्यांनी मोठ्या संख्यने सहभागी व्हावे, असे आवाहन श्री. घनवट

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com