कीड व्यवस्थापनासाठी निंबोळी अर्काचा वापर करा : चलवदे

कीड व्यवस्थापनासाठी निंबोळी अर्काचा वापर करा 
कीड व्यवस्थापनासाठी निंबोळी अर्काचा वापर करा 

नांदेड ः निरोगी मानवी आरोग्यासाठी शेतकऱ्यांनी सेंद्रिय शेती पद्धतीचा अंवलंब करणे गरजेचे आहे. कीड नियंत्रणासाठी शेतकऱ्यांनी निंबोळी अर्काचा प्राधान्याने वापर करणे आवश्यक आहे, असे प्रतिपादन जिल्हा अधीक्षक कृषी अधिकारी रविशंकर चलवदे यांनी शनिवारी (ता. २५) केले.

कृषी विभागातर्फे शनिवार (ता. २५) ते ७ जून या कालावधीत राबविण्यात येत असलेल्या ‘उन्नत शेती, समृद्ध शेतकरी’ पंधरावाड्याचे उद्‍घाटन पिंपळगाव (ता. नांदेड) येथे शनिवारी (ता. २५) श्री. चलवदे यांच्या हस्ते झाले, या वेळी ते बोलत होते. सरपंच आनंदराव डक अध्यक्षस्थानी होते. अध्यक्ष प्रताप पाटील पुंड, तालुका कृषी अधिकारी विनायक सरदेशपांडे, मंडळ कृषी अधिकारी प्रकाश पाटील, एस. जी. चामे, पर्यवेक्षक वसंत जारिकोटे, कृषी सहायक सुरेखा शिंदे, सोनाली शिंदे, प्रीती गवळी, वनिता सर्वज्ञ आदी उपस्थित होते. 

श्री. चलवदे पुढे म्हणाले, ‘‘सेंद्रिय शेती पद्धतीसाठी शेणखत, गोमूत्र यांचा वापर महत्त्वाचा आहे. त्यासाठी देशी गायींचे संगोपन करावे लागणार आहे. सेंद्रिय निविष्ठांच्या वापरामुळे शेती रसायनमुक्त होईल. रसायमुक्त शेती उत्पादनाच्या वापरामुळे मानवी आरोग्य निरोगी राहण्यास मदत होईल.’’

या वेळी कृषी विभागाच्या योजना, शेती शाळा संकल्पना, बीजप्रक्रिया, बियाणे उगवणशक्ती चाचणी प्रयोग, पेरणीसाठी जमीन तयार करणे, रुंद वरंबा सरी तंत्रज्ञान आदींबाबत शेतकऱ्यांना माहिती देण्यात आली. सूत्रसंचालन श्री. जारिकोटे यांनी केले. तर शेखर कदम यांना आभार मानले. नामदेव डक, मोरोती डक, पंडित डक, मधुकर पुंड, भगवान पुंड, मालोजी डक, संजय डक, कल्याण पुंड आदींनी पुढाकार घेतला. या वेळी शेतकरी मोठ्या संख्यने उपस्थित होते.

‘ॲग्रोवन’च्या विशेषांकाचे वाटप या कार्यक्रमामध्ये ‘अॅग्रोवन’च्या खरीप हंगाम नियोजन विशेषांकाचे वाटप करण्यात आले. तसेच निंबोळी अर्क या माहितीपत्रकाचे विमोचन करून वाटप करण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com