मराठवाड्यातील प्रकल्पांत उपयुक्‍त साठा ३१ टक्‍क्‍यांवर

मराठवाड्यातील प्रकल्पांत उपयुक्‍त साठा ३१ टक्‍क्‍यांवर
मराठवाड्यातील प्रकल्पांत उपयुक्‍त साठा ३१ टक्‍क्‍यांवर

औरंगाबाद  : मराठवाड्यातील ८६७  प्रकल्पांमधील उपयुक्‍त पाणीसाठा ३१ टक्‍क्‍यांवर पोचला आहे. गत आठवडाभरात जवळपास अकरा टक्‍क्‍यांची वाढ झाली आहे. १७ ऑगस्टपर्यंत २० टक्‍क्यांवर असलेला प्रकल्पांमधील उपयुक्‍त पाणीसाठा ३१ टक्‍क्‍यांवर पोचला आहे.

मराठवाड्यातील ११ मोठ्या प्रकल्पांत ३१ ऑगस्टपर्यंत उपयुक्‍त पाणीसाठा ३४.९९ टक्‍क्‍यांवर पोचला आहे. औरंगाबाद जिल्ह्यातील जायकवाडी प्रकल्पातील पाणीसाठा ४७.४० टक्‍क्‍यांवर पोचला आहे. त्यामध्ये उपयुक्‍त पाणीसाठा १०२९.०५४ दलघमीवर पोचला आहे. उस्मानाबाद जिल्ह्यातील सिनाकोळेगाव प्रकल्पात अजूनही उपयुक्‍त पाणीसाठा झालाच नाही. नांदेड जिल्ह्यातील विष्णुपुरी प्रकल्प ९४ टक्‍क्‍यांवर पोचला आहे. उर्ध्व पेनगंगा प्रकल्प ६३ टक्‍के, निम्न तेरणा प्रकल्प ४० टक्‍के, निम्न दुधना २६ टक्‍के, सिद्धेश्वर २० टक्‍के, माजरा ४ टक्‍के, तर येलदरी प्रकल्पात ७ टक्‍के उपयुक्‍त पाणीसाठा झाला आहे.

मराठवाड्यातील ७४६ लघू प्रकल्पांतील उपयुक्‍त पाणीसाठा ३१ ऑगस्टपर्यंत किंचित घटून १९.८३ टक्‍क्‍यांवर आला आहे. गत आठवड्यात लघू प्रकल्पातील उपयुक्‍त पाणीसाठा २० टक्‍क्‍यांच्या पुढे होता. गोदावरी नदीवरील ११ बंधाऱ्यांमध्ये ५५.४० टक्‍क्‍यांवर पोचला आहे. तेरणा, मांजरा, रेणा नदीवरील २४ बंधाऱ्यांमधील गत आठवड्यात ३०.८८ टक्‍क्‍यांवर असलेला उपयुक्‍त पाणीसाठा या आठवड्यात घटून २६.१२ टक्‍क्‍यांवर आला असल्याची माहिती जलसंपदा विभागाच्या सूत्रांनी दिली. अर्धा पावसाळा संपल्यानंतरही प्रकल्पांच्या पाणीसाठ्यात न झालेली वाढ चिंता वाढविणारी आहे.

लघु प्रकल्पांची संख्या व उपयुक्‍त पाण्याचा टक्‍का
जिल्हा प्रकल्पांची संख्या उपयुक्‍त पाण्याचा टक्‍का
औरंगाबाद ९३ २२
जालना ५७ ०५
बीड १२६ ०५
लातूर १३२ १२
उस्मानाबाद २०१ १९
नांदेड ८८ ४६
परभणी २२ २७
हिंगोली २६ ९४

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com