उत्तर प्रदेशमध्ये उभारणार मोठ्या कृषी बाजार समित्या

मुख्यमंत्री योगी अादित्यनाथ
मुख्यमंत्री योगी अादित्यनाथ

लखनौ, उत्तर प्रदेश ः शेतकऱ्यांच्या शेतमालाची साठवणूक, त्यांना बाजारपेठ उपलब्ध व्हावी तसेच किफायतशीर दर मिळावा, या उद्देशाने मोठ्या कृषी बाजार समित्या उभारण्याचा निर्णय उत्तर प्रदेश सरकारने घेतला अाहे.

अशियन डेव्हलपमेंट बॅंकेच्या (एडीबी) सहकार्याने मोठ्या बाजार समित्या उभारण्यात येणार अाहेत. याबाबत राज्याचे मुख्यमंत्री योगी अादित्यनाथ यांनी मोठ्या बाजार समित्या उभारण्यासाठी चार ते पाच जागा निश्चित करण्याचे निर्देश सरकारी अधिकाऱ्यांना दिले अाहेत.

मोठ्या बाजार समित्या उभारण्याबाबत मुख्यमंत्री अादित्यनाथ अाणि एडीबी बॅंकेच्या अधिकाऱ्यांबरोबर शुक्रवारी (ता.२४) बैठक झाली. त्यात हा निर्णय घेण्यात अाला अाहे.

प्रस्तावित मोठ्या बाजार समितीमध्ये गोदामे, शीतगृहे उभारण्यात येणार अाहे. यामुळे शेतकऱ्यांना अापल्या शेतमालाची साठवणूक करता येईल. बाजारातील गरजेनेनुसार शेतकऱ्यांना गोदाम अाणि शीतगृहात साठवणूक केलेला शेतमाल नेऊन विकता येईल, अशी व्यवस्था उभारायला हवी.

जेणेकरून शेतकऱ्यांना मध्यस्थांचा अडथळा होणार नाही. मध्यस्थांकडून होणारी फसवणूक थांबेल. तसेच बाजारातील दराचा अंदाज घेऊन शेतमाल विकता येईल. यामुळे शेतकऱ्यांच्या शेतमालास किफायतशीर दर मिळेल, असे मुख्यमंत्री अादित्यनाथ यांनी बॅंकेच्या अधिकाऱ्यांशी चर्चा करताना म्हटले अाहे.

शेतकरी पूरक असलेल्या बाजार समित्या उभारण्याचा राज्य सरकारचा प्रयत्न अाहे. त्यासाठी गरज पडल्यास उत्तर प्रदेश राज्य बाजार समिती कायद्यात दुरुस्ती केली जाईल, असेही त्यांनी सांगितले.

मोठ्या बाजार समित्यांबरोबरच राज्यात अाधुनिक डेअरी उद्योग उभारण्याची गरज अाहे. राज्यातील विविध भागात ३१ मार्च २०१८ पूर्वी १४ अाधुनिक डेअरी उभारण्यात येतील. यामुळे रोजगार निर्मिती होण्यास मदत होईल, असेही त्यांनी नमूद केले अाहे.

शेतकऱ्यांचे उत्पन्न २०२० पर्यंत दुपटीने वाढविण्यासाठी राज्य सरकार वचनबद्ध अाहे. त्यासाठी राज्य सरकारकडून शेतकरीहिताचे धोरण राबविले जात असल्याचे मुख्यमंत्री अादित्यनाथ यांनी सांगितले.

मोठ्या बाजार समित्यामध्ये गोदामे, शीतगृहे उभारण्यात येतील. जेणेकरून शेतकऱ्यांना त्यांच्या शेतमालाची साठवणूक करता येईल. बाजारातील गरजेनुसार, दराचा अंदाज घेऊन शेतकऱ्यांना अापला शेतमाल विकता येईल. यामुळे मध्यस्थांकडून होणारी फसवणूक थांबेल अाणि शेतमालास किफायतशीर दर मिळेल. - योगी अादित्यनाथ, मुख्यमंत्री, उत्तर प्रदेश

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com