agriculture news in marathi, vacancies empty in agriculture department, akola, maharashtra | Agrowon

अकोला जिल्ह्यातील कृषी विभागात १०६ पदे रिक्त
टीम अॅग्रोवन
शुक्रवार, 20 एप्रिल 2018

अकोला : जिल्ह्यात कृषी विभागात शंभरावर विविध पदे रिक्त असल्याने त्याचा दैनंदिन कामकाजासह योजनांच्या अंमलबजावणीवर विपरीत परिणाम होत अाहे. अकोटमध्ये तालुका कृषी अधिकारी पदाचा पदभार द्यायलासुद्धा समकक्ष अधिकारी उपलब्ध नसल्याने कृषी सहायकाला हा चार्ज देण्याची वेळ अाल्याचे प्रकरण राज्यभर गाजले.

अकोला : जिल्ह्यात कृषी विभागात शंभरावर विविध पदे रिक्त असल्याने त्याचा दैनंदिन कामकाजासह योजनांच्या अंमलबजावणीवर विपरीत परिणाम होत अाहे. अकोटमध्ये तालुका कृषी अधिकारी पदाचा पदभार द्यायलासुद्धा समकक्ष अधिकारी उपलब्ध नसल्याने कृषी सहायकाला हा चार्ज देण्याची वेळ अाल्याचे प्रकरण राज्यभर गाजले.

जिल्ह्याच्या कृषी विभागात तालुका कृषी अधिकारी, तंत्र अधिकारी, मंडळ कृषी अधिकारी, कृषी अधिकारी, कृषी पर्यवेक्षक, कृषी सहायक अशी एकूण ३५१ पदे अाहेत. यापैकी २४५ पदे भरलेली असून तब्बल १०६ पदे रिक्त अाहेत.
 
या रिक्त असलेल्या पदांमध्ये प्रामुख्याने थेट शेतकऱ्यांशी संपर्क असणारी कृषी सहायकाची ६४ तर पर्यवेक्षकाची १७ पदे भरलेली नाहीत. मंडळ कृषी अधिकारी या पदाचीही अशीच स्थिती अाहे. मंजूर असलेल्या १९ पैकी १२ पदे रिक्त अाहेत.
 
जिल्ह्यात सात तालुके असून त्यापैकी केवळ तीन ठिकाणी पूर्ण वेळ तालुका कृषी अधिकारी अाहेत. उर्वरित चार ठिकाणचा पदभार देऊन कार्यालयाचे कामकाज केले जात अाहे. बाळापूरसारखा तालुका तर वर्षानुवर्षे मंडळ अधिकारी सांभाळत अाहेत. अशीच अवस्था बार्शिटाकळीची होती. तेथे अाता पूर्ण वेळ अधिकारी नेमण्यात अाला. तेल्हारा तालुक्यात पात्र अधिकारी मिळत नाही. अकोटमध्ये तर पदभार घेण्यासाठी कर्मचारी नाहीत, एवढी बिकट परिस्थिती तयार झाली अाहे. मूर्तिजापूर तालुक्याचीही स्थिती वेगळी नाही.
 
राज्याच्या नकाशावर कृषी क्षेत्रात अकोला मुख्य ठिकाण अाहे. या जिल्ह्यात खारपाणपट्टा असल्याने शेतीच्या समस्या वेगळ्या अाहेत. असे असताना वर्षानुवर्षे अधिकारी, कर्मचाऱ्यांची पदे रिक्त ठेवली जात अाहेत. याबाबत कृषी विभाग, लोकप्रतिनिधींनी शासनाकडे मागणी करूनही पदे भरली जात नसल्याने एकूणच योजनांच्या अंमलबजावणीसाठी मोठी अोढाताण सुरू अाहे.
 
अकोट तालुक्यात तर योजनांचा पार बोऱ्या वाजला. तेथील अहवालच जिल्हा मुख्यालयात पाठवायला कुणी नाही. गत काळात झालेल्या बदल्यांमध्ये काही तालुका कृषी अधिकारी  जिल्ह्याला मिळाले. दुसऱ्या जिल्ह्यातील अधिकारी बदलीवर अकोला जिल्ह्यात येणार होते. परंतु सध्या कार्यरत असलेल्या ठिकाणी रिलीव्हर नसल्याने तेथील वरिष्ठ अधिकारी त्यांना सोडायला तयार नाहीत.

इतर ताज्या घडामोडी
खोटी आकडेवारी दाखवून गाळप परवाने घेतले...पुणे   : शेतकऱ्यांना `एफआरपी` दिल्याचे...
वाशीम जिल्ह्यात रब्बीची २४ टक्के पेरणीवाशीम   ः जिल्हा प्रशासनाला रब्बी हंगामातील...
नगरमध्ये गहू, हरभरा पिकांचे १५ हजार...नगर   ः जिल्ह्यात कृषी विभागाच्या विविध...
पुणे जिल्ह्यात पंधरा दिवसांत पाणीसाठा...पुणे : दुष्काळाच्या झळा वाढत असतानाच पुणे...
केळीच्या खेडा खरेदीबाबत भरारी पथकांची...जळगाव  ः खानदेशात केळीच्या खेडा खरेदीसंबंधी...
बोंड अळीच्या नुकसानीचे अनुदान...अकोला : अाधीच अनेक दिवसांपासून रखडलेले बोंड अळी...
नगर जिल्ह्यातील दहा लाख जनावरे...नगर  ः दुष्काळाच्या पाश्वर्भूमीवर लोकांना...
जत तालुक्यातील दुष्काळग्रस्तांना...सांगली  : जत तालुक्यातील शेतकरी दुष्काळाच्या...
आंब्यावरील मिजमाशी, शेंडा पोखरणाऱ्या...मिजमाशी प्रादुर्भाव कोवळ्या पालवीवर,...
फळपिके सल्लाकोणत्याही वनस्पतींच्या वाढीवर हवामानाचा कमी जास्त...
योग्य वेळी करा लसीकरणजनावरांना रोगाचा प्रादुर्भाव होण्याची वाट न बघता...
धनगर समाजाचा उद्या औरंगाबादमध्ये धडक...औरंगाबाद : धनगर समाजाला एस.टी.(अनुसूचित जमाती)...
जेष्ठ स्वातंत्र्य सेनानी माधवराव...मनमाड, जि. नाशिक : जेष्ठ स्वातंत्र्य सैनिक,...
केंद्रीय स्ंसदीय कामकाज मंत्री अनंत...बंगळूर : केंद्रीय स्ंसदीय कामकाज मंत्री व दक्षिण...
ऊस दरप्रश्नी सोलापुरात ‘स्वाभिमानी’...सोलापूर  ः गेल्या गळीत हंगामातील उसाची...
दिवाळी संपूनही शासकीय कापूस खरेदीला...अकोला : या हंगामात लागवड केलेल्या बागायती तसेच...
ऊस दरासाठी सातारा जिल्ह्यात रास्ता रोकोसातारा  ः जिल्ह्यातील एकाही साखर कारखान्याने...
थकीत एफआरपीच्या मागणीसाठी शिरोळ येथे...कोल्हापूर  : साखर कारखान्यांनी गेल्या...
ऊस दरप्रश्नी ‘स्वाभिमानी’चे त्रिधारा...परभणी : मराठवाड्यातील साखर कारखान्यांनी यंदाचे ऊस...
सांगलीत एकरकमी ‘एफआरपी’कडेगाव, जि सांगली  ः कोल्हापूर जिल्ह्याने...