agriculture news in marathi, vaccination of animal, nagar, maharashtra | Agrowon

नगरमधील साडेसोळा लाख जनावरांचे होणार लसीकरण
टीम अॅग्रोवन
मंगळवार, 6 मार्च 2018
नगर : पशुसंवर्धन विभागातील निविदा प्रक्रियेच्या घोळात अडकलेल्या लाळ्या-खुरकुताच्या लसीकरणाचा प्रश्‍न मार्गी लागला आहे. राज्यपातळीवरून लसीचा पुरवठा झालेला असून बुधवारपासून (ता. ७) जिल्हाभर लसीकरणाला सुरवात केली जाणार आहे. २८ मार्चपर्यंत लसीकरण मोहीम सुरू राहील. शेतकऱ्यांनी आपल्या जनावरांना लसीकरण करून घेण्याचे जिल्हा परिषदेच्या पदाधिकाऱ्यांनी अवाहन केले आहे. जिल्ह्यातील सोळा लाख ४८ हजार ५४८ जनावरांना लसीकरण केले जाणार आहे. 
 
नगर : पशुसंवर्धन विभागातील निविदा प्रक्रियेच्या घोळात अडकलेल्या लाळ्या-खुरकुताच्या लसीकरणाचा प्रश्‍न मार्गी लागला आहे. राज्यपातळीवरून लसीचा पुरवठा झालेला असून बुधवारपासून (ता. ७) जिल्हाभर लसीकरणाला सुरवात केली जाणार आहे. २८ मार्चपर्यंत लसीकरण मोहीम सुरू राहील. शेतकऱ्यांनी आपल्या जनावरांना लसीकरण करून घेण्याचे जिल्हा परिषदेच्या पदाधिकाऱ्यांनी अवाहन केले आहे. जिल्ह्यातील सोळा लाख ४८ हजार ५४८ जनावरांना लसीकरण केले जाणार आहे. 
 
जिल्ह्यात गायवर्गीय १४ लाख २७ हजार १८५ तर म्हैसवर्गीय २ लाख २१ हजार ३६३ जनावरे आहेत. वर्षातून दोनवेळा लाळ्या खुरकूत प्रतिबंधक लसीकरण करण्याची मोहीम राबवली जाते. गतवर्षी एप्रिल २०१७ मध्ये लसीकरण करण्यात आले होते. त्यानंतर सप्टेंबर २०१७ मध्ये लसीकरण करणे गरजेचे होते.
 
मात्र, वरिष्ठ पातळीवर लस पुरवठा करण्याच्या निविदा प्रक्रियेचा जवळपास वर्षापासून घोळ सुरू होता. त्यामुळे जनावरे लसीकरणापासून वंचित राहिली. अखेर वर्षाच्या सरतेशेवटी निविदा प्रक्रियेचा तिढा सुटला असून लसीचा पुरवठा झाला आहे. त्यामुळे यंदा वर्षाअखेर का होईना जनावरांना लाळ्या खुरकुत प्रतिबंधक लसीकरण 
केले जाणार आहे.
 
बुधवारपासून जिल्हाभर लसीकरणाला सुरवात केली जाणार आहे. शेतकऱ्यांनी आपल्या जनावरांना लाळ्या खुरकुताचे लसीकरण करून घ्यावे असे आवाहन जिल्हा परिषद अध्यक्ष शालिनी विखे पाटील, उपाध्यक्ष राजश्री घुले, सभापती अभय फटांगरे, कैलास वाकचौरे, अनुराधा नागवडे, उमेश परहर यांनी केले आहे.
 
जिल्ह्यामध्ये गाय व म्हैसवर्गीय मिळून नगर तालुक्‍यात एक लाख ३१ हजार २१५, राहुरीत एक लाख ३४ हजार ७३९, श्रीरामपुरात ८० हजार ५९४, पारनेरमध्ये एक लाख ३७ हजार ४५९, राहात्यात ७८८१४, कोपरगावात ६९ हजार ६०८, अकोल्यात एक लाख ७८०, श्रीगोंद्यात १ लाख ६१ हजार ८९४, कर्जतमध्ये एक लाख सतरा हजार ५२९, जामखेडमध्ये ८० हजार १६६, पाथर्डीत एक लाख २५ हजार ५५८, शेवगावात एक लाख एक हजार ८४२, नेवाशात एक लाख ३६ हजार १४८ आणि संगमनेर तालुक्‍यात एक लाख ९२ हजार २०२ अशी सोळा लाख ४८ हजार ५४८ जनावरे असून त्यांना लसीकरण केले जाणार असल्याचे जिल्हा पशुसंवर्धन अधिकारी डॉ. सुनील तुंबारे यांनी सांगितले.
 
दूध उत्पादनाला प्राधान्य देणाऱ्या जिल्ह्यामध्ये जनावरांची संख्या मोठी आहे. मात्र, निविदा व अन्य बाबींमध्ये अडकलेल्या लाळ्या-खुरकुताच्या लसीकरणारपासून जनावरांना वंचित रहावे लागले. त्यामुळे लसीकरणासाठी जिल्हा परिषदेने पुढाकार घेतला. स्वनिधीतून सुरवातीला पंचवीस लाख तर गुरुवारी (ता. १) ४२ लाख असे ६२ लाख रुपये दिले. त्यातील चौदा लाख रुपये खर्च करून ९२ हजार ९३२ जनावरांना लसीकरणही केले आहे.
 
ज्या भागात लाळ्या -खुरकुताची लागण झालेली जनावरे आढळली आहेत, विशेषतः ऊसतोड कामगारांच्या जनावरांना लसीकरण केले. सर्व साडेसोळा लाख जनावरांसाठी सुमारे साडेबारा कोटी रुपये खर्च होणार आहेत.

इतर ताज्या घडामोडी
अवर्षणाचा पिकावरील ताण कमी करण्यासाठी...कोरडवाहू शेतीत पीक उत्पादनाच्या दृष्टीने “ओल तसे...
कोल्हापुरात केळी लागवड कमी होण्याची शक्...कोल्हापूर : पुरेशा पाण्याअभावी जिल्ह्यात केळीच्या...
नगरमधील आठ तालुके अद्यापही रब्बी...नगर ः नगर जिल्ह्यामध्ये रब्बीची आतापर्यंत अवघी नऊ...
जनावरांच्या आहारातील क्षारमिश्रणाचे...जनावरांच्या हाडांच्या वाढीसाठी दूध उत्पादनासाठी,...
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...