पावसाच्या हजेरीने तापमानात चढ-उतार

पावसाच्या हजेरीने तापमानात चढ-उतार
पावसाच्या हजेरीने तापमानात चढ-उतार

पुणे : राज्यात वादळी वाऱ्यासह पावसाने हजेरी लावली असल्याने तापमानातही चढ-उतार होत आहेत. सांगली जिल्ह्यातील जत तालुक्याच्या बागेवाडी येथे गुरुवारी (ता. २५) सायंकाळी वादळीवाऱ्यांमुळे व घाटगेवाडी परिसरात गारपिटीमुळे तीनशे एकरावरील द्राक्ष आणि पपईचे नुकसान झाल्याचा प्राथमिक अंदाज आहे. शुक्रवारी सकाळपर्यंतच्या २४ तासांमध्ये (ता.२६) मुंबईतील सांताक्रूझ येेथे सर्वाधिक ३६.८ अंश सेल्सिअस, तर परभणी येेथे राज्यातील नीचांकी १३.८ अंश सेल्सिअस तापमानाची नोंद होत आहे. शुक्रवारी सकाळपर्यंत ठाणे, रायगड, नगर, पुणे, सांगली, उस्मानाबाद जिल्ह्यांत वादळीवाऱ्यांसह हलक्या पावसाने हजेरी लावली आहे. सांगलीतील बागेवाडी (ता. जत) येथे सायंकाळी पाच वाजण्याच्या सुमारास वादळीवाऱ्यांमुळे झाडे उन्मळून, तसेच घरांचेही नुकसान झाले. तर जतपासून सुमारे पाच किलोमीटर अंतरावर असलेल्या घाटगेवाडी येथे वादळी वारा, गारपिटीच्या पावसाने पपई बागेचे नुकसान झाले आहे. महसूल विभागाने या भागातील नुकसानीचा पंचनामा करण्याचे आदेश कामगार तलाठ्यांना दिले आहेत. ऑक्टोबर हीटचा प्रभाव असल्याने दिवसाच्या तापमानात वाढ झाली असतानाच, उत्तरेकडून येणाऱ्या थंड हवेचे प्रवाह येण्यास सुरवात झाल्याने राज्यातील किमान तापमानात घट होत आहे. यातच राज्यात वादळीवाऱ्यांसह पाऊस पडत असल्याने तापमानात चढ-उतार होत आहे. राज्यात बहुतांशी ठिकाणी रात्रीचे तापमान २० अंशांच्या खाली असून, विदर्भ, मराठवाड्यात किमान तापमानात सरासरीपेक्षा घट झाली आहे. परभणी येेथे तब्बल ६ अंशांची घट झाल्याचे दिसून आले. तर कोकण, मध्य महाराष्ट्राच्या किमान तापमानात वाढ झाली आहे. आजपासून (ता. २७) राज्यात मुख्यत: कोरड्या हवामानाचा अंदाज आहे. शुक्रवारी (ता. २६) सकाळपर्यंतच्या २४ तासांमध्ये राज्यातील विविध ठिकाणचे कमाल, किमान (कंसात) तापमान (अंश सेल्सिअसमध्ये) : पुणे ३२.७ (१९.२), नगर -(१८.२), कोल्हापूर ३१.८ (२२), महाबळेश्‍वर २७.७ (१७.५), मालेगाव ३५.२ (२२), नाशिक ३३.४ (१६.५), सांगली ३१.० (२०.१), सातारा ३१.८ (१८.५), सोलापूर ३० (१८.९), सांताक्रूझ ३६.८ (२३.४), अलिबाग ३४.४ (२३.८), रत्नागिरी ३५ (२३.९), डहाणू ३४.६ (२३.९), आैरंगाबाद ३३ (१७.६), परभणी ३४.९ (१३.८), नांदेड ३६ (१८), उस्मानाबाद २५.२ (१७.७), अकोला ३६ (१८.५), अमरावती ३४.६ (१८.२), बुलडाणा ३५.२ (२०.२), चंद्रपूर -(१९.५), गोंदिया ३३.४ (१८), नागपूर ३४.९ (१६.१), वर्धा ३४.५ (१६.५), यवतमाळ ३६ (१७).

शुक्रवारी (ता. २६) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्रोत - कृषी विभाग): ठाणे : मुरबाड २५, धसई १५, देहारी १७, न्याहडी १०, सरळगाव २०, कुंभार्ली २४. रागयड : कासू १२, कामर्ली १८, नगर : पळशी २९, बोधेगाव १२, शिबलापूर २५, साकूर २६. पुणे : मुळशी २१, वेल्हा १०, शिरूर २० सांगली : कुंभारी ३०. उस्मानाबाद : उस्मानाबाद ग्रामीण १३, बेंबळी ११.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com