agriculture news in marathi, vasantrao naik agriculture university doing plan for drought situation, parbhani, maharashtra | Agrowon

‘वनामकृवि’ तयार करणार दुष्काळी उपाययोजनांतर्गत कृती आराखडा
टीम अॅग्रोवन
शुक्रवार, 16 नोव्हेंबर 2018

यंदा कमी पावसामुळे मराठवाड्यामध्ये उद्‌भविलेल्या दुष्काळी परिस्थितीत शेतकऱ्यांना दिलासा देण्याची जबाबदारी कृषी विद्यापीठाची आहे. त्यामुळे याआधीच्या दुष्काळी वर्षात मराठवाड्यातील फळबागा वाचविण्यासाठी राबविण्यात आलेली तंत्रज्ञान प्रसार मोहीम यंदा नव्या स्वरूपात राबवावी लागणार आहे.
- डॉ. अशोक ढवण, कुलगुरू, वसंतराव नाईक मराठवाडा कृषी विद्यापीठ.

परभणी  ः मराठवाड्यात उद्भलेल्या दुष्काळी परिस्थितीत शेतकऱ्यांना दिलासा देण्यासाठी वसंतराव नाईक मराठवाडा कृषी विद्यापीठातर्फे दुष्काळी उपाय योजनांतर्गत कृती आराखडा तयार केला जाणार आहे. शेतकऱ्यांपर्यंत कमी खर्चाचे तंत्रज्ञान पोचवले जाणार आहे. फळबागा वाचविण्याच्या तंत्रज्ञानाचा प्रसार आणि पशुधन वाचविण्यासाठी चारा उत्पादनावर भर दिला जाणार आहे. विद्यापीठाच्या कृषी विस्तार यंत्रणेतर्फे कृषी विभागाच्या मदतीने कृती आराखड्याची अंमलबजावणी केली जाणार आहे. त्यादृष्टीने कुलगुरू डॉ. अशोक ढवण यांनी सर्व संबंधितांना निर्देश दिले.

यंदाच्या दुष्काळी परिस्थितीत मराठवाडा विभागात करावयाच्या उपाययोजना अंतर्गत कृती आराखडा तयार करण्यासाठी वसंतराव नाईक मराठवाडा विद्यापीठातील कृषी विस्तार यंत्रणा तसेच अन्य संबंधित विभागांतील शास्त्रज्ञ, विभाग प्रमुख, अधिकारी, कर्मचाऱ्यांची बैठक बुधवारी (ता. १४) आयोजित करण्यात आली. या वेळी कुलगुरू डॉ. अशोक ढवण अध्यक्षस्थानी होते. शिक्षण संचालक डॉ. विलास पाटील, विस्तार शिक्षण संचालक डॉ. प्रदीप इंगोले, कुलसचिव रणजित पाटील, जिल्हा अधीक्षक कृषी अधिकारी बाळासाहेब शिंदे, नियंत्रक विनोद गायकवाड आदी उपस्थित होते.

डॉ. ढवण म्हणाले, की गुलाबी बोंड अळी नियंत्रणासाठी कृषी विद्यापीठ तसेच कृषी विभागातर्फे राबविलेल्या तंत्रज्ञान प्रसार तसेच जनजागृती मोहिमेमुळे कापूस उत्पादनात वाढ होण्यास मदत झाली. दुष्काळी स्थितीमुळे पशुधन वाचविण्यासाठी चारा उत्पादनावर भर द्यावा लागणार आहे. त्यादृष्टीने विद्यापीठांतर्गतची सर्व संशोधन केंद्र, महाविद्यालयाच्या प्रक्षेत्रावर मिळून किमान १०० हेक्टर क्षेत्रावर चारा पिकांचे उत्पादन घ्यावे. विविध पिकांच्या अवशेषापासून सकस चारानिर्मितीचे तंत्रज्ञान शेतकऱ्यांपर्यंत पोचवावे. मध्यवर्ती प्रक्षेत्रावरील रब्बी ज्वारीच्या बीजोत्पादन पिकापासून चारा उपलब्ध होईल. त्यासोबतच संकरित गो पैदास केंद्राच्या प्रक्षेत्रावरील विविध चारा पिकांचे बेणे, बियाणे शेतकऱ्यांना उपलब्ध करून द्यावे. हायड्रोपोनिक्स तसेच अॅझोला निर्मितीचे तंत्रज्ञान शेतकऱ्यांपर्यंत पोचवावे.

ओलाव्याअभावी यंदा रब्बी पेरणी क्षेत्र कमी झाले आहे. त्यामुळे पुढील वर्षीच्या रब्बी हंगामासाठी विद्यापीठाकडील हरभरा, करडई आदी पिकांचे शिल्लक बियाणे प्रक्रिया करून जतन करून ठेवावे. लवकरच दुष्काळी उपाययोजनांचा आराखडा तयार करून त्याची अंमलबजावणी केली जाणार आहे. या वेळी डाॅ. पाटील, डॉ. इंगोले यांनी मार्गदर्शन केले.
 

इतर ताज्या घडामोडी
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
शेतकरी मृत्यूप्रकरणी पाथरी बाजारपेठेत...पाथरी, जि. परभणी  : पीककर्जाच्या मागणीसाठी...
अण्णा हजारे यांनी कांदाप्रश्‍नी लक्ष...नगर ः शेतकऱ्यांना एक ते पाच रुपये किलो दराप्रमाणे...