मुंबईत लसूण प्रतिक्विंटल २७०० ते ४४०० रुपये

मुंबई ः राज्यात परतीच्या पावसाने लावलेली हजेरी आणि वाहतूकदारांच्या चक्काजाम आंदोलनामुळे मुंबई बाजार समितीमधील खराब शेतमालाची आवक कमी झाली असून शेतमालाची मागणी मंदावल्याने शेतमालाचे दर स्थिरावले. सोमवारी (ता.९) बाजार समितीमध्ये लसणाची ३०४० क्विंटल आवक झाली. त्यास २७०० ते ४४०० व सरासरी ३५५० रुपये प्रतिक्विंटल दर मिळाला, असे बाजार समितीच्या सूत्रांनी सांगितले. बाजार समितीत कांद्याची १८३४० क्विंटल आवक होऊन त्यास प्रतिक्विंटल २२०० ते २८०० व सरासरी २५०० रुपये दर दर होते. बटाट्याची १०९०० क्विंटल आवक होती त्यास ५५० ते १२०० रुपये  व सरासरी ८७५ रुपये प्रतिक्विंटल दर होते. लिंबूची ७३९ क्विंटल आवक होऊन त्यास ८० ते १२० रुपये प्रतिशेकडा भाव मिळाला. गाजर, टॉमेटोचेही आवकही स्थिर आहे.  वाटाण्याची २८१ क्विंटल आवक होऊन त्यास प्रतिक्विंटल ९००० रुपये दर मिळाला. स्थानिक आवक  घटल्याने वाटाण्याचे दर  वाढले आहेत, त्याचा परिणाम इतर भाजीपाल्यावर झाल्याचे येथील व्यापारी नानासाहेब बोरकर यांनी सांगितले. टोमॅटोला प्रतिक्विंटल ५३७ रुपयांपर्यंत दर होते. मिरचीची २७४२ क्विंटल आवक होऊन सरासरी दर ३००० रुपयांपर्यंत दर होता.  बाजार समितीतील शेतमालाची आवक व दर (प्रतिक्विंटल/रुपये)