औरंगाबाद : येथील कृषी उत्पन्न बाजार समितीमध्ये शनिवारी (ता.२३) काशीफळाची (लाल भोपळा) २५ क्विंटल आवक झाली. यास ८०० ते १००० रुपये क्विंटल असा दर मिळाला. हिरव्या मिरचीची ९३ क्विंटल आवक झाली. मिरचीला १५०० ते १६०० रुपये क्विंटल दर मिळाल्याची माहिती बाजारसमितीच्या सूत्रांनी दिली.
औरंगाबाद बाजारसमितीत कांद्याची ३५३ क्विंटल आवक झाली. कांद्याला ३०० ते १५०० रुपये क्विंटल असा दर मिळाला. टोमॅटोची १७५ क्विंटल आवक झाली.
टोमॅटोला २५० ते ५५० रुपये क्विंटल असा दर मिळाला. वांग्याची २५ क्विंटल आवक झाली. वांग्याला २००० ते २५०० रुपये क्विंटल असा दर मिळाला.५ क्विंटल आवक झालेल्या गवारीला ३००० ते ३५०० रुपये क्विंटल असा दर मिळाला. भेंडीची आवक ३७ क्विंटल झाली.
भेंडीला १००० ते १८०० रुपये क्विंटल असा दर मिळाला. वालशेंगांची आवक ३ क्विंटल झाली. यास २५०० ते ३५०० रुपये क्विंटल दर मिळाला. चवळीची ३ क्विंटल आवक झाली. चवळीला २८०० ते ३२०० रुपये क्विंटल असा दर मिळाला. मकाची आवक ५३ क्विंटल होऊन ६०० ते ९०० रुपये क्विंटल असा दर मिळाला. काकडीची ५० क्विंटल आवक झाली. काकडीचे दर ४०० ते ७०० रुपये क्विंटल होते.
लिंबाची १० क्विंटल आवक झाली. त्यास २२०० ते ३००० रुपये क्विंटल असा दर मिळाला. पत्ताकोबीची ९० क्विंटल आवक झाली. त्यास ५०० ते ८०० रुपये क्विंटल असा दर मिळाला. फ्लॉवरचे ५४ क्विंटल आवक झाली. त्यास १००० ते १६०० रुपये क्विंटल दर राहिला. ढोबळ्या मिरचीची आवक ३२ क्विंटल होती. या मिरचीला १६०० ते २००० रुपये क्विंटल दर मिळाला.
पालेभाज्यांमध्ये मेथीची आवक १० हजार जुड्या होती. मेथीला ६०० ते ७०० रुपये प्रतिशेकडा दर मिळाला. पालकाची ९५०० जुड्या आवक झाली. त्यास ५०० ते ७०० रुपये शेकडा असा दर होता. कोथिंबिरीची १३ हजार जुड्या आवक होती. कोथिंबिरीचे दर ६०० ते ८०० रुपये प्रतिशेकडा होते.
