साताऱ्यात दहा किलो वांगी ४०० ते ४५० रुपये

सातारा बाजारसमितीत वांग्याचे दर वधारले
सातारा बाजारसमितीत वांग्याचे दर वधारले
सातारा : येथील कृषी उत्पन्न बाजार समितीत बुधवारी (ता. ४) वांगी, शेवगा, पावटा, वाटाणा, कोबी, दोडका, हिरवी मिरचीचे दर तेजीत होते. वांग्याची तीन क्विंटल आवक झाली. वांग्यास ४०० ते ४५० रुपये प्रतिदहा किलो असा दर मिळाला. गुरुवारच्या (ता.२८) तुलनेत वांग्याच्या दरात १०० रुपयांनी वाढ झाल्याची माहिती बाजार समितीच्या सूत्रांनी दिली. 
 
बाजार समितीत कोबीची १६ क्विंटल आवक झाली. कोबीस १५० ते २०० रुपये प्रति दहाकिलो असा दर मिळाला. शेवग्याची एक क्विंटल आवक झाली. शेवग्यास ५०० ते ६०० रुपये प्रतिदहा किलो दर मिळाला. पावट्याची तीन क्‍विंटल आवक झाली. पावट्यास ४०० ते ५०० रुपये प्रतिदहा किलो असा दर मिळाला. 
 
वाटाण्याची एक क्विंटल आवक झाली. वाटाण्यास ९०० ते १००० रुपये प्रतिदहा किलो असा दर मिळाला. कोबी, शेवगा, वाटाणा, पावट्याच्या दरात दहा किलो मागे शंभर रुपयांनी वाढ झाली. दोडक्‍याची १२ क्विंटल आवक झाली. दोडक्‍यास ३५० ते ४०० रुपये प्रतिदहा किलो असा दर मिळाला. हिरव्या मिरचीची १८ क्विंटल आवक झाली. हिरव्या मिरचीस २५० ते ३०० रुपये प्रतिदहा किलो असा दर मिळाला. दोडका व हिरवी मिरचीच्या दरात दहा किलो मागे ५० रुपयांनी वाढ झाली. 
 
ओल्या भुईमूग शेंगेची १२ क्विंटल आवक झाली. भुईमूग शेंगेस ३५० ते ४०० रुपये प्रतिदहा किलो असा दर मिळाला. गवारीची सहा क्विंटल आवक झाली. गवारीस २०० ते २५० रुपये प्रतिदहा किलो असा दर मिळाला. फ्लॉवरची १२ क्विंटल आवक झाली. फ्लॉवरला ४०० ते ४५० रुपये प्रतिदहा किलो असा दर मिळाला. 
 
पालेभाज्यांमध्ये मेथी व कोथिंबिरीचे दर तेजीत होते. मेथीची १५०० जुड्या आवक झाली. मेथीला शेकड्यास १४०० ते १६०० रुपये असा दर मिळाला. कोथिंबिरीची १००० जुड्या आवक झाली. कोथिंबिरीस शेकडा १५०० ते २००० रुपये असा दर मिळाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com