agriculture news in marathi, vegetable supply affected due to strike, Maharashtra | Agrowon

‘बंद’मुळे भाजीपाला पुरवठा विस्कळित
टीम अॅग्रोवन
गुरुवार, 26 जुलै 2018

मुंबई: देशभरातील मालवाहतूकदार संघटनांचे देशव्यापी चक्का जाम आंदोलन आणि सकल मराठा समाजाने बुधवारी पुकारलेल्या एकदिवसीय ‘बंद’मुळे मुंबईतील भाजीपाला आणि फळांचा पुरवठा विस्कळित झाला. बंदमुळे भाजीपाला, फळांची निम्मीच आवक झाल्याने दरवाढ अटळ असल्याचे सांगण्यात आले. 

दरम्यान, मुंबई कृषी उत्पन्न बाजार समितीमध्ये देशाच्या विविध राज्यांमधून भुसार माल येत असल्याने मालवाहतूकदारांचा संप असाच सुरू राहिला, तर भुसार मार्केटमध्येही अन्नधान्याचा तुटवडा निर्माण होण्याची शक्यता व्यापाऱ्यांनी व्यक्त केली.

मुंबई: देशभरातील मालवाहतूकदार संघटनांचे देशव्यापी चक्का जाम आंदोलन आणि सकल मराठा समाजाने बुधवारी पुकारलेल्या एकदिवसीय ‘बंद’मुळे मुंबईतील भाजीपाला आणि फळांचा पुरवठा विस्कळित झाला. बंदमुळे भाजीपाला, फळांची निम्मीच आवक झाल्याने दरवाढ अटळ असल्याचे सांगण्यात आले. 

दरम्यान, मुंबई कृषी उत्पन्न बाजार समितीमध्ये देशाच्या विविध राज्यांमधून भुसार माल येत असल्याने मालवाहतूकदारांचा संप असाच सुरू राहिला, तर भुसार मार्केटमध्येही अन्नधान्याचा तुटवडा निर्माण होण्याची शक्यता व्यापाऱ्यांनी व्यक्त केली.

ऑल इंडिया मोटर ट्रान्सपोर्ट काँग्रेस या देशपातळीवरील मालवाहतूक करणाऱ्या संघटनेने गेल्या सहा दिवसांपासून बेमुदत देशव्यापी संप पुकारला आहे. डिझेलचे वाढते दर, जीएसटी, टोल, थर्डपार्टी इन्शुरन्स यासह अनेक मागण्यांसाठी हा संप पुकारण्यात आला आहे. माल वाहतूकदारांनी सुरू केलेल्या या संपामुळे वाशी येथील मुंबई कृषी उत्पन्न बाजार समितीमध्ये मालवाहतूक करणारी वाहने थांबवून ठेवण्यात आली आहेत.

मुंबई कृषी उत्पन्न बाजार समितीमध्ये दररोज ३ हजारांपेक्षा जास्त वाहने येतात. संपामुळे वाहनांच्या संख्येत लक्षणीय घट झाली आहे. तसेच जे ट्रक बाजार समितीच्या ट्रक टर्मिनसमध्ये दाखल झालेले आहेत, त्यापैकी बहुतांश ट्रक बाजार समितीमध्येच अडकून पडले आहेत. संघटनेने या संपाची सूचना ३ महिन्यांपूर्वीच दिली होती. मात्र, याची सरकारने दखल घेतली नाही. त्यामुळे हा देशव्यापी संप सुरू करण्यात आला आहे. जोपर्यंत माल वाहतूकदारांच्या मागण्या पूर्ण होणार नाहीत, तोपर्यंत हा संप मागे घेणार नसल्याचा इशारा संघटनेने दिला आहे. या संपामुळे मुंबईच्या भाजीपाला पुरवठ्यावर विपरीत परिणाम झाला आहे.

त्यातच सकल मराठा संघटनांनी बुधवारी एकदिवशीय बंद पुकारला होता. त्यामुळे यात आणखीच भर पडली आहे. मुंबई बाजार समितीत एरवी सरासरी ५५० ट्रक भाजीपाला लागतो. तसेच कांदा-बटाटा सुमारे २०० आणि फळांचे सुमारे ३०० ते ३५० ट्रक येत असतात. यापैकी राज्यभरातून साठ टक्के भाजीपाला, फळे येतात. यात नाशिक, पुणे जिल्ह्यांचा वाटा मोठा आहे. तर उर्वरीत चाळीस टक्के शेतमाल शेजारील राज्यांमधून येत असतो. सकल मराठा आंदोलनामुळे राज्यातून मुंबईकडे येणारी शेतमालाची बहुतांश आवक थांबली आहे.

तर मालवाहतूकदारांच्या संपामुळे शेजारील गुजरात, कर्नाटकचा सीमाभाग, आंध्र प्रदेश आदी राज्यांमधून होणारी भाजीपाला, आणि फळांची आवक थांबली आहे. एपीएमसीतील माथाडी कामगारांनी मराठा आंदोलनाला पाठिंबा दिला होता. त्यामुळे भाजीपाला, फळ मार्केट वगळता इतर चारही मार्केट बंदच होती. तर भाजीपाला आणि फळ मार्केटही सकाळी १० वाजेपर्यंतच सुरू होते. 

बुधवारी बाजार समितीत नेहमीपेक्षा निम्मीच आवक झाल्याने त्याचे तीव्र परिणाम गुरुवारी भाजीपाला, फळांच्या दरांवर दिसून येणार आहेत. घाऊक बाजारात तसेच किरकोळ बाजारातील भाजीपाल्यांच्या दरामध्येही दरवाढ अपेक्षित असल्याचे व्यापाऱ्यांकडून सांगण्यात आले. बंदमुळे खरेदीदार नसल्याने मुंबईतील भाजीपाला पुरवठा विस्कळित झाला होता.

इतर अॅग्रो विशेष
शेतकरी मंडळामुळे मिळाला ९० लाखांचा...वेंगुर्ले, जि. सिंधुदुर्ग : बॅंकेच्या चुकीमुळे...
कोंबडा झाकला तरी...मा  गील सात वर्षांत कृषी आणि सलग्न क्षेत्रातील...
शेतकऱ्यांची दैनावस्था दूर करणारा...गेल्या अनेक वर्षांत शेती आणि शेतकऱ्यांची जी...
तुरळक ठिकाणी पावसाची शक्यतापुणे : राज्यात उन्हाचा चटका वाढल्याने अनेक ठिकाणी...
शिल्लक साखरेचा दबाव पुढील हंगामावर?कोल्हापूर : केंद्राने सुरू केलेल्या कोटा...
‘सॉर्टेड सिमेन’चा प्रयोग यशस्वीनगर : गोदावरी खोरे नामदेवराव परजणे पाटील तालुका...
जांभरुण परांडे गावात जन्माला आली...अमरावती : जांभरुण परांडे (जि. वाशीम) येथे...
शेतकऱ्यांना व्यापार संधी उपलब्ध होणारपुणे : राज्यात फळे भाजीपाल्याचे वाढते...
राज्यात आजपासून हरभरा खरेदी परभणी : नाफेड आणि विदर्भ सहकारी विपणन महासंघाच्या...
बीड, उस्मानाबाद जिल्ह्यांत चारा...औरंगाबाद : मराठवाड्यातील बीड व...
वर्षावनातील विविधतेसाठी किडी,...संशोधकांना उष्ण कटिबंधीय वर्षावनातील विविधतेने...
पशुधन सहायकांच्या पदोन्नतीप्रकरणात...नागपूर : निकष डावलून राज्यातील पशुधन सहायकांना...
तमिळनाडूतील १११ शेतकऱ्यांचे मोदींना...तिरुचिरापल्ली, तमिळनाडू : विविध मागण्यांकडे...
शेतीला मिळाली बीजोत्पादनाची साथबोरी (ता. जिंतूर, जि. परभणी) गावशिवारात चंद्रशेखर...
भर दुष्काळात राज्यातील शेळ्या-मेंढ्या...नगर ः दुष्काळी भागातील जनावरे जगवण्यासाठी छावण्या...
पपईच्या बनावट बियाणेप्रकरणी चौघांना अटककोल्हापूर : नामवंत कंपनीच्या पपई बियाण्यांच्या...
उन्हाचा चटका वाढणार; नांदेडला तुरळक...पुणे : विदर्भ, मराठवाड्यात वादळी पावसाने...
वऱ्हाडात फळबागांवर चालू लागल्या कुऱ्हाडीअकोला : दुष्काळी परिस्थितीने शेतकऱ्यांचे जगणे...
'जलवर्धिनी' करतेय लोकशिक्षणातून जल...जलवर्धिनी प्रतिष्ठानतर्फे पाण्याचे संधारण आणि...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....