जळगावात पालेभाज्यांच्या दरात सुधारणा

जळगाव ः येथील कृषी उत्पन्न बाजार समितीमधील भाजीपाला व फळे मार्केट यार्डात पालक, पोकळा, कोथिंबीर आदी पालेभाज्यांची आवक गत आठवड्यात काहीशी कमी झाली आहे. दरातही सुधारणा झाली असून, पुढील आठवड्यात दर आणखी बऱ्यापैकी पालेभाज्या उत्पादकांना मिळू शकतील, असे चित्र आहे.  पालकची प्रतिदिन तीन क्विंटल आवक राहिली. तिला प्रतिक्विंटल १५०० रुपये दर मिळाला. पोकळ्याची प्रतिदिन दोन क्विंटल आवक होती. आठवड्यातून एक दोन दिवस तर पोकळ्याची आवक अतिशय कमी असते. पोकळ्यालाही प्रतिक्विंटल १४०० रुपये दर मिळाला. कोथिंबिरीची आवक टिकून होती. प्रतिदिन सहा क्विंटल एवढी आवक होती. तिला प्रतिक्विंटल १२०० ते १८०० रुपये दर मिळाला. मेथी भाजीची आवकही प्रतिदिन चार क्विंटल एवढी राहिली. तिला प्रतिक्विंटल  १२०० ते १८०० रुपये दर मिळाला. मेथी व कोथिंबिरीची आवक स्थानिक क्षेत्रातून होत आहे. परंतु पोकळा, पालकची आवक धुळे, बागलाण भागातून होते, असे सांगण्यात आले.  टोमॅटोची प्रतिदिन १५ क्विंटल आवक होती. त्याला प्रतिक्विंटल ३०० ते ६०० रुपये दर मिळाला. लिंबांची प्रतिदिन सात क्विंटल आवक झाली. त्यास प्रतिक्विंटल २००० ते ३००० रुपये दर मिळाला. लिंबाच्या दरात काहीशी घसरण झाली. कैरीची आवक प्रतिदिन पाच क्विंटल होती. तिला प्रतिक्विंटल २००० ते ३००० रुपये दर मिळाला. कैरीची आवकही स्थानिक क्षेत्रातून होत नाही. औरंगाबाद जिल्ह्यातील सिल्लोडमधून आवक अधिक असल्याचे सांगण्यात आले. भेंडीची आवक वाढली. प्रतिदिन १८ क्विंटल आवक झाली. तिला प्रतिक्विंटल ८०० ते १३०० रुपये दर मिळाला. हिरव्या मिरचीची आवक प्रतिदिन १७ क्विंटल होती. तिला प्रतिक्विंटल ८०० ते १२०० रुपये दर मिळाला. अद्रकची प्रतिदिन २० क्विंटल आवक झाली. त्याला प्रतिक्विंटल २४०० ते ३६०० रुपये प्रतिक्विंटल दर राहिला.  मक्‍याच्या दरात किरकोळ सुधारणा झाली. त्याची आवक प्रतिक्विंटल २०० क्विंटल होती. दर प्रतिक्विंटल १००० ते १३०० रुपये मिळाला. गव्हाची आवक कमी झाली. ती प्रतिदिन १५० क्विंटलपर्यंत होती.