टॅगिंग आणि ऑनलाइनवर पशुचिकित्सकांचा बहिष्कार

टॅगिंग आणि ऑनलाइनवर पशुचिकित्सकांचा बहिष्कार
टॅगिंग आणि ऑनलाइनवर पशुचिकित्सकांचा बहिष्कार

नागपूर : जनावरांना टॅगिंग करतेवेळी लाथ मारल्याने पशुवैद्यकाचा मृत्यू झाला. या घटनेच्या निषेधार्थ पशुसंवर्धन खात्याअंतर्गत करण्यात येणाऱ्या टॅगिंग आणि ऑनलाइन रिपोर्टिंगवर बहिष्काराचा निर्णय पशुचिकित्सा व्यवसायिक संघटनेच्या वतीने रविवारी (ता. 26) पुण्यात झालेल्या बैठकीत घेण्यात आला.

नंदुरबार येथील पशुचिकित्सक डॉ. डी. व्ही. पाडवी यांचा 15 नोव्हेंबर रोजी म्हशीला टॅगिंग करताना लाथ मारल्याने जवळच्याच विहिरीत पडून मृत्यू झाला होता. या घटनेनंतर पशुचिकित्सा व्यवसायिकांमध्ये तीव्र रोष व्यक्‍त होत होता. या घटनेनंतर पुण्यात रविवारी तडकाफडकी संघटनेच्या पदाधिकाऱ्यांची बैठक झाली. या बैठकीत पशुसंवर्धन खात्याच्या टॅगिंग आणि ऑनलाइन रिपोटिंग या कामावर बहिष्कार घालण्याचा निर्णय घेण्यात आला. त्यासोबतच जिल्हा कचेरीवर एक दिवस धरणेदेखील दिले जाणार आहे. बैठकीला राज्य अध्यक्ष सुनील काटकर, डॉ. मारोती कानोले, कोशाध्यक्ष डॉ. पवन भागवत, डॉ. दिलीप चौधरी, डॉ. व्ही. जी. चमरे, डॉ. एस. पी. पजई, डॉ. एस. एस. इंगोले, डॉ. केतन भिवगडे, डॉ. एस. पी. देशमुख, डॉ. डी. एस. सासे व पदाधिकारी उपस्थित होते. बैठकीच्या सुरवातीला डॉ. पाडवी यांना श्रद्धांजली वाहण्यात आली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com