agriculture news in marathi, Vidarbha may receive rain from tomorrow | Agrowon

विदर्भात उद्यापासून पावसाची शक्यता; चक्रीवादळाचे संकेत
टीम अॅग्रोवन
शनिवार, 15 डिसेंबर 2018

पुणे : बंगालच्या उपसागरात तयार होत असलेली वादळी स्थिती पूरक ठरल्याने विदर्भात पावसाला पोषक हवामान तयार होत आहे. त्यामुळे विदर्भात उद्यापासून (ता. १६) ढगाळ हवामानासह हलका पाऊस पडण्याची शक्यता आहे. तसेच राज्याच्या किमान तापमानात चढ-उतार होण्याचा अंदाजही हवामान विभागाने वर्तविला आहे. शुक्रवारी (ता. १४) जळगाव येथे राज्यातील नीचांकी १० अंश सेल्सिअस तापमानाची नोंद झाली

पुणे : बंगालच्या उपसागरात तयार होत असलेली वादळी स्थिती पूरक ठरल्याने विदर्भात पावसाला पोषक हवामान तयार होत आहे. त्यामुळे विदर्भात उद्यापासून (ता. १६) ढगाळ हवामानासह हलका पाऊस पडण्याची शक्यता आहे. तसेच राज्याच्या किमान तापमानात चढ-उतार होण्याचा अंदाजही हवामान विभागाने वर्तविला आहे. शुक्रवारी (ता. १४) जळगाव येथे राज्यातील नीचांकी १० अंश सेल्सिअस तापमानाची नोंद झाली

दक्षिण मध्य महाराष्ट्रातील चक्राकार वाऱ्यामुळे शुक्रवारी (ता. १४) पश्‍चिम महाराष्ट्र आणि मराठवाड्याच्या दक्षिणेकडील जिल्ह्यांमध्ये ढगाळ हवामान होते. परिणामी राज्यात सरासरीच्या खाली आलेले तापमान पुन्हा वाढले आहे. बुधवारी (ता. १२) ८ अंशांपर्यंत घसरलेला पारा शुक्रवारी १० अंशांच्या वर गेला आहे. पावसाला पोषक हवामानामुळे उद्या (ता. १६) विदर्भातील भंडारा, चंद्रपूर, गोंदिया, गडचिरोली, नागपूर, वर्धा या जिल्ह्यांमध्ये पाऊस पडण्याचा अंदाज आहे. तर राज्याच्या तापमानात चढ-उतार होणार आहेत. 

शुक्रवारी (ता. १४) सकाळी राज्यातील विविध ठिकाणचे किमान तापमान, कंसात सरासरीच्या तुलनेत तफावत (अंश सेल्सिअसमध्ये) : पुणे १२.४(१), नगर १२.६ (०), जळगाव १०.०(-२), कोल्हापूर १८.७(३), महाबळेश्‍वर १२.३(-१), मालेगाव १२.४ (१), नाशिक १०.४(०), सांगली १५.३(१), सातारा १७.५ (४), सोलापूर १९.३(४), सांताक्रुझ २०.८(२), अलिबाग २०.३(२), रत्नागिरी २०.०(-१), डहाणू १७.०(-१), आैरंगाबाद १४.४(३), परभणी १५.४ (२), नांदेड १७.० (५), अकोला १२.५(-१), अमरावती १४.४(-१), बुलडाणा १२.८ (-२), चंद्रपूर १७.२(३), गोंदिया १३.०(१), नागपूर १३.१(०), वर्धा १६.४(३), यवतमाळ १३.० (-२). 

बंगालच्या उपसागरात चक्रीवादळाचे संकेत 
बंगालच्या उपसागरात तमिळनाडूलगत शनिवारी (ता. १५) चक्रीवादळ तयार होण्याचे संकेत हवामान विभागाने दिले आहेत. श्रीलंकेच्या पूर्व किनाऱ्यालगत शुक्रवारी (ता. १४) कमी तीव्रतेच्या वादळाची (डीप डीप्रेशन) निर्मिती झाली. भारताच्या पूर्व किनारपट्टीकडे सरकत असलेली ही प्राणली तीव्र होत असून, तमिळनाडू, आंध्र प्रदेशालगत सोमवारपर्यंत (ता. १७) तीव्र चक्रीवादळ घोंगावण्याची शक्यता अाहे. यामुळे तमिळनाडू, आंध्र प्रदेश, ओडिशा, छत्तीसगडमध्ये मुसळधार पावसाचा इशारा देण्यात आला आहे. तर विदर्भातही हलक्या पावसाचा अंदाज आहे.

 

 

इतर अॅग्रो विशेष
‘जीएम’चा तिढामहिनाभरापूर्वी हरियाना राज्यात एका शेतकऱ्याच्या...
राज्यातील दूध संघांपूढे ‘अमूल’चे कडवे...पुणे: राज्याच्या दूध उद्योगात ‘अमूल’चा होत असलेला...
विदर्भ, मराठवाड्यात उष्ण लाटेचा इशारापुणे : वायू चक्रीवादळाने बाष्प ओढून नेल्याने...
करारावरील अश्‍वगंधा लागवड ठरली डोकेदुखीगडचिरोली ः अश्‍वगंधा लागवड आणि खरेदीचा करार करीत...
शेतकऱ्याच्या आत्महत्येप्रकरणी बँक...वर्धा : पात्र असतानाही कर्जमाफीचा लाभ न...
‘कृषी’तील सुधारणेस कृतिगट : निती आयोगनवी दिल्ली : कृषी क्षेत्रातील अमूलाग्र...
खातेवाटप जाहीर : अनिल बोंडे कृषिमंत्री...मुंबई : मुख्यमंत्री देवेंद्र फडणवीस यांच्या...
विदर्भात भुईमूग शेंगाचे दर पोचले ५७००...नागपूर ः उन्हाळी भुईमुगाची आवक विदर्भातील अनेक...
खास पोह्यासाठी भाताची ‘कर्जत शताब्दी’...रत्नागिरी ः दापोली येथील डॉ. बाळासाहेब सावंत कोकण...
महिला गटाची प्रक्रिया उद्योगातून ‘...बार्शीटाकळी (जि. अकोला) गावातील दहा महिलांनी...
शेतीला मिळाली पूरक उद्योगाची साथमहिलांसाठी बचत गट चळवळ फायद्याची ठरली आहे. बचत...
कृषी, संलग्न विद्याशाखांसाठी ‘खासगी’कडे...पुणे : राज्यातील कृषी व संलग्न विद्याशाखांच्या...
गायी आणि म्हशींच्या गुणसूत्रांची बॅंक...पुणे ः  गायी, म्हशींच्या आनुवंशिक सुधारणा...
मॉन्सूनच्या वाटचालीस पोषक स्थितीपुणे   : अरबी समुद्रात गुजरातच्या...
कोकणात पाऊस जोर धरणारपुणे  : ‘वायू’ चक्रीवादळाचा प्रभाव ओसरू...
आश्‍वासनानंतर कडू यांचे विमा आंदोलन...पुणे : फळ पीकविमा योजनेतील गलथानपणामुळे...
वैशिष्ट्यपूर्ण, मूल्यवर्धित उत्पादनांत...औरंगाबाद येथील सौ. मनीषा संतोष चव्हाण यांनी...
मुंबईमध्ये शेतकरी ते ग्राहक सेंद्रिय...नाशिक : सिन्नर तालुक्यात दुष्काळी परिस्थिती...
अकोली जहाॅंगीर येथे एचटीबीटी...अकोला ः देशात प्रतिबंधित असलेले एचटीबीटी कापूस...
कर्नाटक आगमनानंतर, मॉन्सूनच्या...पुणे : अरबी समुद्रातील ‘वायू’ चक्रीवादळामुळे...