agriculture news in marathi, vidharbha facing heatwave | Agrowon

विदर्भात उष्णतेची तीव्र लाट; चंद्रपूर, ब्रह्मपुरी, नागपूर होरपळले
टीम अॅग्रोवन
सोमवार, 21 मे 2018

पुणे : विदर्भात उन्हाचा ताप वाढल्याने उष्णतेची तीव्र लाट आली आहे. चंद्रपूर येथे देशाचे हंगामातील उच्चांकी ४७.८ अंश सेल्सिअस तापमानाची नोंद झाली आहे. तर ब्रह्मपुरी व नागपूर उन्हाच्या झळांनी होरपळून निघाले आहे. विदर्भातील उष्णतेची लाट गुरुवारपर्यंत (ता. २४) राहणार असल्याचे हवामान विभागाने स्पष्ट केले आहे. राज्यात सध्या निरभ्र आकाश असून, गुरुवारपर्यंत कोरड्या हवामानाचा अंदाज आहे.

पुणे : विदर्भात उन्हाचा ताप वाढल्याने उष्णतेची तीव्र लाट आली आहे. चंद्रपूर येथे देशाचे हंगामातील उच्चांकी ४७.८ अंश सेल्सिअस तापमानाची नोंद झाली आहे. तर ब्रह्मपुरी व नागपूर उन्हाच्या झळांनी होरपळून निघाले आहे. विदर्भातील उष्णतेची लाट गुरुवारपर्यंत (ता. २४) राहणार असल्याचे हवामान विभागाने स्पष्ट केले आहे. राज्यात सध्या निरभ्र आकाश असून, गुरुवारपर्यंत कोरड्या हवामानाचा अंदाज आहे.

चंद्रपूर, ब्रह्मपुरीमध्ये यंदा सातत्याने तापमान उच्चांकी पातळीवर आहे. रविवारी (ता. २०) ब्रह्मपुरी येथे ४७.१ तर नागपूर येथे ४६.२ अंश सेल्सिअस तापमानाची नोंद झाली आहे. चंद्रपूर येथे यापूर्वी १६ मे १९१२ राेजी आतापर्यंतच्या उच्चांकी ४८.३ अंश सेल्सिअस, तर ब्रह्मपुरीमध्ये २७ मे १९८३ राेजी ४७.७ अंश सेल्सिअस तापमान नोंदले गेले आहे. बुलडणा वगळता विदर्भातील सर्वच ठिकाणी तापमान ४४ अंशांच्या पुढे आहे. नागपूर, वर्धा येथेही उष्णतेची लाट आली आहे. मराठवाड्यातील परभणी, नांदेडमध्येही उन्हाचा ताप असह्य होत आहे. मध्य महाराष्ट्र आणि कोकणातही उन्हाचा चटका अधिक आहे.

मॉन्सूनच्या अंदमान बेटांवरील आगमनास पोषक हवामान होत असून, बुधवारी (ता. २३) मॉन्सून अंदमानात धडकण्याची शक्यता आहे. मंगळवारपासून या भागात मुसळधार पावसाचा इशारा देण्यात आला आहे. अरबी समुद्रात आलेले ‘सागर’ चक्रीवादळाने सोमालीयाच्या किनाऱ्याला धडक दिली असून, हे वादळ लवकरच निवळून जाणार असल्याचे हवामान विभागाने म्हटले आहे.

रविवारी (ता. २०) सकाळी साडेआठ वाजेपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३९.१, नगर ४२.८, जळगाव ४३.६, कोल्हापूर ३३.८, महाबळेश्वर ३१.७, मालेगाव ४२.६, नाशिक ३९.०, सांगली ३६.४, सातारा ३९.६, सोलापूर ४१.६, मुंबई ३४.७, अलिबाग ३८.६, रत्नागिरी ३३.२, डहाणू ३६.८, आैरंगाबाद ४१.८, परभणी ४४.५, नांदेड ४३.५, अकोला ४४.७, अमरावती ४४.६, बुलडाणा ४०.६, ब्रह्मपुरी ४७.१, चंद्रपूर ४७.८, गोंदिया ४४.२, नागपूर ४६.२, वर्धा ४५.६, यवतमाळ ४४.५.

अरबी समुद्रात चक्रीवादळाचे संकेत
‘सागर’ चक्रीवादळ निवळते तोच अग्नेय अरबी समुद्रात रविवारी (ता. २०) नव्याने कमी दाब क्षेत्राची निर्मिती झाली आहे. त्याला लागूनच समुद्रसपाटीपासून ३.६ किलोमीटर उंचीपर्यंत चक्राकार वारे वाहत आहेत. या कमी दाब क्षेत्राची तीव्रता वाढून मंगळवारपर्यंत (ता.२२) या भागात पुन्हा चक्रीवादळ निर्माण होण्याचे संकेत हवामान विभागाने दिले आहेत. हे चक्रीवादळ दक्षिण ओमान आणि उत्तर येमनच्या किनाऱ्याला धडकण्याचे संकेत आहेत. दक्षिण श्रीलंकेजवळ समुद्रसपाटीपासून ३.१ ते ५.८ किलोमीटर उंचीवर आणखी एक चक्राकार वाऱ्यांची स्थिती निर्माण झाली आहे. 

इतर अॅग्रो विशेष
राज्यातील १८० तालुक्यांमध्ये...मुंबई : राज्यातील १८० तालुक्यांमध्ये...
नगर-नाशिकच्या धरणातून ‘जायकवाडी’त पाणी...मुंबई : ‘जायकवाडी’ धरणात पाणी सोडण्याचे आदेश...
गाडीने येणारा कापूस गोणीत आणण्याची वेळ जालना : जनावरांचा चारा आणि पिण्याच्या पाण्याचा...
दुष्काळाच्या गर्तेत गुरफटला गावगाडाऔरंगाबाद : पावसाळ्यात पडलेले प्रदीर्घ खंड व...
दुष्काळ जाहीर करण्यासाठी पीक नुकसानीचा...नाशिक : दुष्काळ जाहीर करण्यासाठी केंद्र सरकारची...
मुंबईत १५ ला सर्वपक्षीय मेळावा ः नवलेकोल्हापूर: किसान सभेच्या पुढाकाराने १५...
दुष्काळ जाहीर करण्याबाबत टोलवाटोलवी ः...पुणे : राज्यात अनेक ठिकाणी दुष्काळी स्थिती असूनही...
नव्या दुष्काळी संहितेमुळे राज्यातील...मुंबई: राज्यावर १९७२ च्या दुष्काळापेक्षाही...
हुमणी रोखण्यासाठी कृती आराखडा : कृषी...पुणे : राज्यात उसाच्या क्षेत्रावर मोठ्या प्रमाणात...
मध्य महाराष्ट्र, मराठवाडा, विदर्भात...पुणे: राज्यात ‘ऑक्टोबर हीट’चा चटका सातत्याने...
नव्या हंगामात ऊस गाळपासाठी ३१ साखर...पुणे : राज्यात नव्या गाळप हंगामासाठी आतापर्यंत ३१...
चौदा हजार गावांमधील भूजल पातळी चिंताजनकमुंबई : राज्य सरकारच्या भूजल सर्वेक्षण व...
बदलत्या काळात बनली कलिंगड शेती...पाण्याची उपलब्धता असताना चितलवाडी (जि. अकोला)...
संघर्ष, चिकाटी, एकोप्यातूनच लाभले...बलवडी (भाळवणी) (ता. खानापूर, जि. सांगली) जोतीराम...
'सकाळ'चे दिवाळी अंक अॅमेझॉनवर !पुणे : क्लिकवर चालणाऱया आजच्या जगात दिवाळी अंकही...
संपूर्ण देशातून मॉन्सून परतलापुणे : नैर्ऋत्य मोसमी वारे (माॅन्सून) रविवारी (ता...
डॉ. हद्दाड आणि डाॅ. नॅबार्रो यांना २०१८...पुणे : जगभरातील कुपोषित माता आणि बालकांना...
हुमणीग्रस्त ऊसक्षेत्र चार लाख हेक्टरवरपुणे ः राज्यात दुष्काळामुळे त्रस्त झालेल्या...
पाणीटंचाईने संत्राबागांची होरपळअमरावती ः विदर्भाचा कॅलिफोर्निया अशी ओळख असलेल्या...
उन्हाचा चटका वाढलापुणे : राज्यात पावसाने उघडीप दिल्यानंतर कमाल...